Fréttablaðið - 28.02.2013, Síða 6

28. febrúar 2013 FIMMTUDAGUR| FRÉTTIR | 6
Sjónmælingar (tímapantanir): Optical Studio Smáralind, s. 528 8500 og Optical Studio Keflavík, s. 4213811
Umgjörð: Lindberg Spirit Umgjörð: Chrome Hearts
Með öllum margskiptum
glerjum fylgir annað par
frítt í þínum styrkleika.
Láttu þetta ekki framhjá
þér fara.
NEYTENDUR „Fór í blóðprufu 28.
desember 2012, þá kostaði hún
1.800 krónur, þurfti aftur í blóð-
prufu í gær 26. febrúar 2013 og þá
kostaði hún 1.900 krónur. Ríkið að
standa vörð um heilbrigðiskerfið
eða hvað!“
Ofangreind ábending er ein af
mörgum sem almenningur hefur
sett inn á vefinn www.vertuaverdi.
is sem opnaður var núna í vikunni.
Um er að ræða átak aðildarfélaga
ASÍ sem ætlað er að veita fyrir-
tækjum og stofnunum aðhald í
verðlagsmálum og vekja neytend-
ur til aukinnar vitundar.
„Ábendingarnar koma úr
ýmsum áttum og varða opin-
bera aðila, þjónustufyrirtæki og
verslanir. Í sumum tilfellum er
um umtalsverðar hækkanir að
ræða,“ segir Henný Hinz, hag-
fræðingur hjá ASÍ, og lýsir um leið
yfir ánægju sinni með viðbrögð
almennings.
Hún segir ekki verða kannað í
öllum tilvikum hvort neytendur
fari rétt með. „Þetta er fyrst og
fremst hugsað til að veita aðhald
og skapa umræðu en við munum
fylgjast með því að velsæmis sé
gætt.“
Henný bendir á að þegar verð-
bólgan sé mikil og verðlag óstöð-
ugt sé enn erfiðara fyrir neytend-
ur að fylgjast með. „Það verður
hætta á ákveðinni deyfð hjá þeim
og auðveldara fyrir fyrirtæki að
koma að hækkunum sem kannski
er ekki hægt að réttlæta með bein-
um hætti. Þetta verður svolítið
frítt spil.“ - ibs
Átak aðildarfélaga ASÍ gegn verðhækkunum með vefnum Vertu á verði:
Birta ábendingar frá neytendum á vefnum
VEFUR ASÍ Neytendur geta sett ábend-
ingar inn á vef ASÍ.
SVÍÞJÓÐ Lögreglumenn í Stokk-
hólmi handtóku mann á mánudag
fyrir vændiskaup, og reyndist
hann vera yfirsaksóknari.
Saksóknarinn var handtekinn
fyrir utan hótelherbergi í borg-
inni. Að sögn sænskra fjölmiðla
var lögreglumönnunum brugð-
ið þegar þeir áttuðu sig á því að
hinn handtekni var sá sem ætti
undir venjulegum kringumstæð-
um að fá tilkynningu um glæpinn.
Saksóknarinn hefur viðurkennt
að hafa keypt vændi og haft er
eftir honum í fjölmiðlum að vegna
reynslu sinnar vissi hann að það
heimskulegasta í stöðunni væri
að ljúga. - þeb
Viðurkenndi vændiskaup:
Saksóknari
keypti vændi
ALÞINGI Rannsóknarnefnd Alþingis um fall
sparisjóðanna þarf minnst fjóra mánuði til
viðbótar til að ljúka vinnu sinni. Þetta kom
fram á fundi nefndarmanna með forsætis-
nefnd Alþingis í síðustu viku, að sögn Ástu
Ragnheiðar Jóhannesdóttur þingforseta.
Forsætisnefnd fundaði einnig með rann-
sóknarnefndinni um Íbúðalánasjóð, og þar
kom fram að nefndin stefndi að því að ljúka
vinnu sinni eftir um tvo mánuði, eða í apríl-
lok.
Báðar nefndirnar áttu samkvæmt því sem
sagði í þingsályktunum að skila skýrslum
sínum í fyrrasumar, en skilin hafa frestast
ítrekað.
„Það er auðvitað áhyggjuefni, bæði mitt
og fleiri, hvað þetta tekur langan tíma og
hvað þetta er dýrt,“ segir Ásta Ragnheiður.
Heildarkostnaðurinn við nefndirnar tvær hafi
numið 506 milljónum til dagsins í dag, sem sé
25 milljónum fram úr fjárheimildum.
Hún segir þetta kalla á endurskoðun lag-
anna um rannsóknarnefndir, sem Alþingi
setti árið 2011. „Þetta er í fyrsta skipti sem
við erum með svona löggjöf og látum vinna
svona fyrir okkur. Við þurfum án efa að
endurskoða lögin og meta ýmsa þætti í ljósi
reynslunnar.“
Rannsóknarnefndin um fall sparisjóðanna
var skipuð í lok ágúst 2011 og átti upphaflega
að skila skýrslu sinni 1. júní í fyrra.
Hrannar Már S. Hafberg, formaður nefndar-
innar, segist telja að nefndinni hafi verið
skammtaður of naumur tími til vinnunnar.
„Ég veit bara ekki hvort menn hafi áttað
sig á umfangi verkefnisins. Þingsályktunin
er ansi víðtæk og þetta er fjöldi fjármála-
fyrirtækja sem nefndinni er gert að rann-
saka mjög ítarlega, og bera auk þess saman
lagaumhverfi sparisjóðanna á Íslandi og í
nágrannalöndunum.“ Í raun gæti rannsókn
af þessu tagi hæglega tekið fjöldamörg ár, að
hans sögn.
Þá hafi það óneitanlega haft einhver
áhrif þegar fyrrverandi formaður, Sigríður
Ingvars dóttir héraðsdómari, sagði sig frá
verkefninu í haust.
Hrannar segir skýrsluskrifin komin vel á
veg, en vill ekki tjá sig um hversu viðamikil
skýrslan verði. Samkvæmt heimildum Frétta-
blaðsins er þó líklegt að hún verði, þegar allt
er talið, á stærð við skýrslu Rannsóknar-
nefndar Alþingis sem kynnt var 2010.
Nefndin um Íbúðalánasjóð var skipuð
í byrjun september 2010 og veittur enn
skemmri tími til vinnunnar; átti að skila af
sér í byrjun mars í fyrra.
„Ég fullyrði að matið í okkar tilviki var
óraunhæft – mjög, mjög, mjög óraunhæft,“
segir Sigurður Hallur Stefánsson, for maður
nefndarinnar. „Í öðru lagi þá hefur þetta
verkefni undið upp á sig, sem erfitt er að
skýra fyrr en skýrslan kemur út og sést við
lestur hennar.“ stigur@frettabladid.is
Rannsóknarnefndir þurfa
tvo og fjóra mánuði í viðbót
Forseti Alþingis segir að breyta þurfi lögum um rannsóknarnefndir í ljósi þess hversu lengi nefndirnar um
Íbúðalánasjóð og fall sparisjóðanna hafa starfað. Kostnaðurinn við þær nemur þegar hálfum milljarði.
NEFNDIRNAR SKIPAÐAR Nefndirnar tvær voru kynntar á blaðamannafundi í september 2011. Síðan eru liðnir
átján mánuðir.
Ég fullyrði að matið í okkar
tilviki var óraunhæft –
mjög, mjög, mjög óraunhæft.
Sigurður Hallur Stefánsson
formaður nefndar um Íbúðalánasjóð
506
milljónir hefur það kostað að starf-
rækja nefndirnar tvær frá haustinu
2011 og til dagsins í dag. Kostnaðurinn
á enn eft ir að aukast.
VIÐSKIPTI Pétri Einarssyni, for-
stjóra Straums, hefur verið
meinað að stýra fyrirtæki í
Bretlandi næstu fimm árin.
Ástæðan er
sú að skatta-
yfirvöld í Bret-
landi segja að
hann hafi brot-
ið gegn skatta-
lögum þar í
landi.
Í frétt á vef
breskrar ríkis-
stofnunar, The
Insolvency
Agency, segir að fyrirtæki sem
Pétur stýrði, Cbridge Limited,
hafi farið í greiðslustöðvun árið
2010 og þá skuldað 192 þúsund
pund í skatt. Þá kemur þar fram
að tveimur árum áður en fyrir-
tækið fór í þrot hafi Pétur greitt
sjálfum sér 100 þúsund pund
út úr fyrirtækinu en ekki gert
tilraun til að gera upp skatta-
skuldina. - jhh
Segja Pétur hafa brotið lög:
Meinað að
stýra fyrirtæki
PÉTUR
EINARSSON
1. Hvaða heimsfrægi leikari bauð
Jóni Gunnari Þórðarsyni að leikstýra
Macbeth í Old Vic?
2. Hvað hefur Gylfi Þór Sigurðsson
skorað mörg mörk í ensku úrvalsdeild-
inni frá því að hann gekk til liðs við
Totten ham Hotspur?
3. Hver er formaður Fimm stjörnu
hreyfi ngarinnar á Ítalíu?
SVÖR
1. Kevin Spacey 2. eitt 3. Beppe Grillo
VEISTU SVARIÐ?