Fréttablaðið - 28.02.2013, Qupperneq 42

KYNNING − AUGLÝSINGBaðherbergi FIMMTUDAGUR 28. FEBRÚAR 20134
LAUSN FYRIR
WCPAPPÍR
Á litlum baðherbergjum er oft
lítið pláss til að geyma aukarúllur
af salernispappír. Á þessari mynd
er skemmtileg hugmynd sem
hægt er að útfæra upp á eigin
spýtur með réttu körfunni eða
kaupa eina hjá Pottery Barn í
gegnum netið fyrir 43 evrur, fyrir
utan gjöld og kostnað.
Ofan í körfunni er hægt að geyma
rúllur en á kefli sem sett er á milli
„handfanga“ hangir rúllan sem
er í notkun. Karfan er handgerð
bastkarfa og hægt er að fá hana
í tveimur litum hjá potterybarn.
com undir Perry Paper Holder.
Þvottakörfur fást í stíl.
HÆTTUR HEITA
VATNSINS
Vatnið sem notað er til hús-
hitunar hér á landi er oft í
kringum 70 til 80 gráður. Því skal
umgangast það af varúð til að
forðast brunaslys. Algengustu
slysin verða í baðkörum, sturtum,
vöskum og í skúringafötum með
heitu vatni.
Blanda skal vatnið strax þegar
látið er renna í bað frekar en að
ætla að blanda köldu vatni í það
heita eftir á.
Athugið að það getur tekið tvær
til fjórar mínútur fyrir vatnið að ná
fullum hita eftir að skrúfað hefur
verið frá. Því er ekki að marka
hitann fyrr en búið er að renna
smá stund.
Fylgjast þarf stöðugt með
hitastiginu þegar látið er renna í
heita potta eða baðker.
Ekki nota heitara vatn í upp-
vaskið en þú þolir. Það þarf
tiltölulega lágan hita til að leysa
upp fitu.
Fötur með heitu vatni eru í
hættulegri hæð fyrir lítil börn.
Þau geta stigið í föturnar eða velt
þeim yfir sig.
Upplýsingar fengnar af www.hsveitur.is
FÚGUR OG SAMSKEYTI
Flest baðherbergi eru flísalögð. Oftast er hægt að halda flísunum hreinum með sápu og
volgu vatni. Þá eru til sérstök hreinsiefni til að eiga við kalk sem gjarnan safnast upp auk þess
sem sumum gagnast að nota vatnsblandaðan matarsóda eða vatnsblandað edik til að ná burt
erfiðum blettum.
Fúgurnar á milli flísanna geta þó verið erfiðari viðfangs. Oft myndast blettir á þeim og þá getur
þurft að hreinsa burt með sérstökum hreinsiefnum sem fást í flísaverslunum. Eins eru til sérstök
fúgustrokleður sem skila góðum árangri.
Í öllum votrýmum þarf svo sérstakt silíkonkítti á milli ólíkra flata eins og veggja og baðkars
eða steinveggs og timburveggs. Þessi silíkonkítti þurfa að vera mygluvarin þannig að óæskileg
óhreinindi setjist ekki í þau. Hins vegar eiga þau það til að rýrna og þarf að endurnýja þau
reglulega. Þetta skiptir líka máli upp á leka sem getur verið vandamál á baðherbergjum. Algengt
er að farið sé að sjá á silíkoninu eftir um það bil tvö til fimm ár. Það er því gott að eiga efnið við
höndina. Þetta er hins vegar atriði sem margir horfa fram hjá við viðhald á baðherbergjum.
GRÆNI SVANURINN
PRÝÐIR AJAX
Græni svanurinn er norræna umhverfismerkið og vörurnar
frá Ajax með Græna svaninum uppfylla öll skilyrði til að
bera merkið.
GERÐU HEIMILIÐ SKÍNANDI HREINT MEÐ AJAX!