Fréttablaðið - 23.03.2013, Side 47

Litróf
p r e n t s m i ð j a
www.umslag.is
Í aðdraganda jóla var ég á hliðarlínunni í samstarfs-
verkefni fulltrúa Mæðrastyrksnefndar Akureyrar,
Hjálpræðishersins, Rauða krossins og Hjálparstarfs
kirkjunnar um að aðstoða einstaklinga og fjölskyldur
í Eyjafirði, sem áttu erfitt með að ná endum saman
fyrir jól.
Þó svo að aðstæður margra sem sóttu um væru
grátlegar þá var samtakamátturinn sem þarna birtist í
alla staði ánægjulegur. Fjölbreyttur bakgrunnur fulltrúa
þessara fjögurra samtaka gerði aðstoðina markvissari.
Með samstarfinu nýttist tími þeirra sem að hjálpinni
komu sem og þeirra sem aðstoð sóttu mun betur, því
nú sótti hver um aðeins einu sinni, á einum stað.
Staðsetning skiptir máli
Fulltrúar Mæðrastyrksnefndar sáu um að taka á móti
umsóknum og meta þær. Fyrir þá vinnu fékk nefndin
aðstöðu hjá verkalýðsfélaginu Einingu í miðbæ Akureyrar.
Þangað kom fólk til viðtals og þar var innkaupakortum
úthlutað. Með þeim gat hver og einn keypt inn í jóla -
matinn eftir eigin höfði. Einnig var fólki vísað á betri
föt á markaði Rauða krossins og Hjálpræðis hersins,
jólapökkum sem safnast höfðu á Glerártorgi var dreift
og öðrum gjöfum var komið á framfæri eftir því sem
við átti. Hér verður að teljast sérstaklega heppilegt að
þessi öflugu samtök eru til húsa við sama götuhornið
og að auðvelt er að komast þangað með strætó – sem
eins og alþjóð veit er ókeypis á Akureyri.
Hvað er hægt að gera meira? Ýmsar hugmyndir
Um leið og horft er til þess að laga agnúa á verkef-
ninu, t.d. að bæta símsvörun verkefnisins fyrir næstu
jól, tel ég að skoða mætti talsmannshlutverkið. Hvort
eða hvernig samstarfshópurinn geti beitt sér fyrir því
að kjör þeirra sem sækja um jólaaðstoð verði almennt
betri. Þá mætti vita hvort að hluti af jólaaðstoðinni
gæti farið fram í janúar í formi ráðgjafar. Þar á ég við
að þeir sem sækja um aðstoð séu spurðir hvort megi
bjóða þeim ókeypis ráðgjöf á nýju ári. Með því opnaðist
sú leið að setjast niður með viðkomandi og skoða í
sameiningu hvort að í fjármálum eða aðstæðum
viðkomandi sé að finna áskoranir sem breyta megi í
viðráðanleg verkefni sem leiði til betri aðstæðna.
Skautað framhjá hyldýpi væmninnar − TAKK
Fjöldi fólks lagði á sig mikla sjálfboðna vinnu til þess
að gera þetta verkefni að veruleika. Þeirra framlag
verður seint þakkað og erfitt að koma á framfæri
þakkarorðum án þess að falla í hyldýpi væmninnar. Að
sama skapi eigum við sem stöndum að baki verkefninu
engin orð sem lýst fá þakklæti okkar í garð verkalýðs-
félaganna, félagasamtaka, fjölda fyrirtækja og
einstaklinga sem styrktu verkefnið með samtals
7,3 milljónum, peningum sem gerðu okkur kleift að
standa fyrir jólaaðstoð í Eyjafirði árið 2O13. Því höfum
við valið að segja einfaldlega TAKK og vonum og
treystum því að allir skilji að það kemur beint frá
hjartanu.
Skref til framtíðar stigið í Eyjafirði
Pétur Björgvin Þorsteinsson djákni í Glerárkirkju
Margt smátt ... – 3