Fréttablaðið - 23.03.2013, Page 96

23. mars 2013 LAUGARDAGUR| HELGIN | 60
Tómatar, eggaldin og paprika
Hér er grænmeti með ólíka áferð og
bragð látið spila saman. Berið það fram
með þunnt skornu baguette-brauði sem
búið er að rista eða grilla lítillega.
Brenndar paprikur
4–6 rauðar paprikur
4 msk. ólífuolía
1 msk. balsamedik
1 hvítlauksrif, fínsaxað
½ tsk. salt
½ tsk. sykur
Handfylli af ferskri basilíku
Stillið ofninn á grill. Raðið paprikun-
um á ofngrindina og brennið á öllum
hliðum. Setjið þær í plastpoka, lokið
honum og látið þær kólna það mikið
að unnt sé að handleika þær. Plokkið
svo hýðið af þeim og fjarlægið
fræin. Skerið paprikurnar í strimla
og strimlana í nokkuð grófa bita sem
þið setjið í skál ásamt afganginum af
hráefninu og blandið vel saman.
Eggaldinkavíar
1 stórt eggaldin eða 2 lítil
Safi úr ½ sítrónu
1 hvítlauksrif, kramið
½ tsk. kummin
2 msk. ólífuolía
1 tómatur, saxaður
2 msk. sléttblaða steinselja, söxuð
Klípa af óreganó
Salt og svartur pipar
Hitið ofninn í 160˚C. Stingið nokkur
göt með gaffli gegnum hýðið á egg-
aldininu og bakið það í 50–60 mín-
útur í miðjum ofninum. Látið kólna
örlítið áður en kjötið er skafið innan
úr hýðinu. Setjið eggaldinkjötið,
sítrónu safa, hvítlauk, kummin, ólífu-
olíu, tómat, steinselju og óreganó í
matvinnsluvél og grófmaukið saman.
Saltið og piprið.
Hálfþurrkaðir tómatar
2,5 kg tómatar, vel þroskaðir
6 hvítlauksrif
150 ml ólífuolía
5 msk. balsamedik
2 tsk. Maldon-salt
1 msk. sykur
Klæðið tvær ofnskúffur að innan
með álpappír og látið hann ná vel
upp á brúnir. Stillið ofninn á blástur
og 100˚C eða á undir- og yfirhita
og 125˚C. Skerið tómatana þvert í
tvennt, raðið þeim nokkuð þétt í ofn-
skúffurnar og látið skurðflötinn snúa
upp. Skerið hvítlauksrifin í flísar,
um 2 mm á breidd. Stingið einni
hvítlauksflís í hvern tómathelming.
Hrærið saman ólífuolíu, ediki, salti
og sykri og dreypið yfir. Látið tómat-
ana í ofninn og stingið trésleif á milli
stafs og hurðar. Þurrkið þá síðan í
um það bil fjóra klukkutíma eða þar
til þeir eru aðeins byrjaðir að dökkna.
Notið þá ofan á litlar bruschettur eða
annað sem ykkur dettur í hug.
Steinbítur með beikoni og
svörtum ólífum, borinn fram
með volgu spínatsalati
800 g steinbítsflak, skorið í tvennt
langsum
100 g grískar svartar ólífur, steinlausar
1 rósmaríngrein
½ tsk. kummin
1 msk. ólífuolía
Fínrifinn börkur af ½ sítrónu
10–12 sneiðar beikon
2 msk. ólífuolía og smávegis til viðbótar
600 g spínat
Handfylli af rúsínum
70 g furuhnetur
Salt og svartur pipar
Hitið ofninn í 190˚C. Maukið saman
ólífur, rósmarínnálar, kummin, ólífu-
olíu og sítrónubörk. Smyrjið maukinu
á annan flakhelminginn og leggið
hinn yfir. Vefjið beikonsneiðum utan
um flökin og festið saman með tann-
stönglum eða sláturgarni. Penslið
beikonið með smávegis af ólífuolíu.
Setjið fiskinn í eldfast mót og bakið
í miðjum ofninum 18−25 mínútur,
tíminn fer eftir þykktinni á flakinu.
Setjið ofninn á grill og bakið fiskinn í
tvær mínútur til viðbótar eða þar til að
beikonið fær á sig fallegan steikarlit.
Soðið af fiskinum má nota í sósu.
Fitunni er fleytt ofan af soðinu og það
mýkt með 150 ml af sýrðum rjóma
eða 75 ml af vatni.Setjið smávegis af
ólífuolíu á pönnu og mýkið spínatið
ásamt rúsínum og furuhnetum. Berið
fiskinn fram með spínatsalatinu. Saltið
og piprið. Í staðinn fyrir steinbít má
nota keilu eða blálöngu.
Eplabaka
Bökubotn
225 g hveiti
1 msk. sykur
125 g smjör
Klípa af salti
1 egg
Fylling
100 g möndlumassi (marsípan)
5–6 græn epli, afhýdd og grófrifin með
rifjárni
100 g sykur
100 g smjör, bráðið
2 stórar eggjahvítur
1 msk. sykur
Blandið hveiti, sykri, smjöri og salti
saman í matvinnsluvél og látið
hana ganga þar til blandan líkist
fínni brauðmylsnu. Setjið eggið út
í og látið vélina ganga áfram þar til
mylsnan verður deigkennd. Hvolfið
þá deiginu á hveitistráðan flöt og
hnoðið það saman í eina mínútu.
Bætið við örlitlu köldu vatni ef deigið
er of þurrt.
Vefjið deigið vandlega inn í plast-
filmu og kælið það í kæliskáp í að
minnsta kosti 30 mínútur. Takið
bökumót, um 24 cm í þvermál, og
þrýstið deiginu jafnt í mótið, upp
fyrir kantana og skerið meðfram
brúnunum. Pikkið botninn með
gaffli. Hitið ofninn í 220˚C. Rífið
möndlumassann yfir botninn.
Sáldrið sykri yfir rifin eplin og hellið
bráðnu smjöri saman við. Blandið
lauslega saman. Stífþeytið eggja-
hvíturnar og blandið þeim varlega
saman við eplin, sykurinn og smjörið.
Hellið fyllingunni í bökuformið.
Takið afskurðinn af deiginu, fletjið
hann út, skerið í mjóar ræmur og
leggið með góðu millibili þvers og
kruss yfir fyllinguna. Penslið deigið
með köldu vatni og sáldrið svolitlum
sykri yfir. Bakið bökuna í 45 mínútur.
Leggið álpappír yfir bökuna ef hún
dökknar of mikið að ofan. Hún er
langbest volg með rjóma eða vanillu-
ís.
➜ Þessi ávaxtabaka hefur
allt sem góð baka þarf að
hafa, það er að segja gott
jafnvægi á sykri og súru epla-
bragði og mýktina frá marsí-
paninu. Til að fullkomna
dásemdina er nauðsynlegt
að hafa nóg af léttþeyttum
rjóma eða vanilluís með.
1. Bragðgóð
þrenning
Tómatar, eggald-
in og paprika.
2. Eðall
Steinbítur með
beikoni.
3. Eplabaka
Eins og baka á
að vera.
Dögurður um hátíðahelgi
Margir kjósa létta máltíð sem sameinar morgun- og miðdegismat á hátíðisdögum þegar heimilisfólk er í fríi. Hjónin Inga
Elsa Bergþórsdóttir og Gísli Egill Hrafnsson eru hugmyndarík í matargerð, eins og bækur þeirra, Góður matur gott líf og
Eldað og bakað í ofninum heima, bera vitni um. Hér bjóða þau í máltíð í tapas-stíl með smáréttum, fiski og eplaböku.
SAMHENT HJÓN Inga Elsa og Gísli Egill
er matgæðingar miklir.
1 2
3
MYNDIR/GÍSLI HRAFN