Fréttablaðið - 28.03.2013, Qupperneq 8

28. mars 2013 FIMMTUDAGUR| FRÉTTIR | 8
TÆKNI Stórfelld netárás sem bein-
ist gegn fyrirtæki sem berst gegn
ruslpósti hefur hægt á allri net-
umferð. Sérfræðingar segja þetta
stærstu álagsárás sem gerð hefur
verið á netinu frá upphafi.
Markmið árásarinnar virðist
vera að torvelda starfsemi fyrir-
tækisins Spamhaus, að því er fram
kemur í frétt BBC. Fyrirtækið not-
ast við svartan lista yfir vefþjóna
til að stöðva sendingar á ruslpósti.
Árásin hófst fyrir viku og hefur
staðið yfir óreglulega síðan.
Kveikjan að árásinni virðist
hafa verið sú ákvörðun stjórnenda
Spamhaus að setja vefþjóna hol-
lenska fyrirtækisins Cyber bunker
á svartan lista. Cyberbunker hýsir
hvaða efni sem er annað en efni
sem sýnir ofbeldi gegn börnum og
efni tengt hryðjuverkum.
Í kjölfarið fékk Spamhaus skila-
boð frá manni sem sagðist vera
talsmaður Cyberbunker þar sem
hann fordæmdi Spamhaus fyrir
að reyna að stýra því hvað fær að
fara á netið.
Spamhaus segir árásina ekki
hafa skilað tilætluðum árangri.
„Við höfum staðið þetta af okkur,
þeim hefur ekki tekist að taka
okkur niður,“ segir Steve Linford,
forstjóri Spamhaus, við BBC.
„Svona öflug árás myndi taka
niður nokkurn veginn alla aðra en
okkur.“
Fyrirtækið rekur 80 vefþjóna
víða um heim til að verjast árásum
af þessu tagi. Þá hefur Google létt
álagi af vefþjónum Spamhaus með
því að hleypa umferðinni á eigin
netþjóna. brjann@frettabladid.is
Risavaxin álagsárás
hægir á netumferð
Stærstu netárás sem gerð hefur verið frá upphafi er nú beint gegn fyrirtæki sem
berst gegn ruslpósti á netinu. Kveikjan virðist vera sú að hollensk vefsíða var sett á
svartan lista. Álagið er svo mikið að það hefur hægt á almennri netumferð.
ÁRÁS Tölvu-
þrjótar geta
notað net
sýktra tölva til
að auka álag
á netþjóna
fyrirtækja eða
stofnana svo
mikið að þeir
hrynja.
NORDICPHOTOS/AFP
Álagsárásir lama umferð til og frá þeim netþjónum sem ráðist er á með
því að teppa aðgengi að þeim. Til þess nota tölvuþrjótar gríðarlegan fjölda
tölva sem hafa verið sýktar af óværu og láta þær fara inn á netþjóninn á
sama tíma.
Sérfræðingur sem BBC ræðir við líkir þessu við umferð á hraðbraut.
Venjulegar álagsárásir hafa það að markmiði að stöðva umferð á aðrein-
um og fráreinum hraðbrautarinnar. Þessar árásir eru svo harðar að þær
stöðva umferðina um hraðbrautirnar sjálfar.
Loka hraðbrautum á netinu
Frá yfirkjörstjórn Suðvesturkjördæmis
ALÞINGISKOSNINGAR 27. APRÍL 2013
Auglýsing um viðtöku framboða og fleira
Framboðsfrestur til alþingskosninga, sem fram eiga að fara þann 27. apríl
2013, rennur út kl. 12 á hádegi föstudaginn 12. apríl nk. Framboð í
Suðvesturkjördæmi skal tilkynna skriflega til yfirkjörstjórnar Suðvestur-
kjördæmis, sem veitir þeim viðtöku í Íþróttahúsinu Kaplakrika í Hafnar-
firði, föstudaginn 12. apríl 2013, kl. 10 til 12 fyrir hádegi.
Á framboðslista skulu vera nöfn 26 frambjóðenda, eða tvöfalt fleiri
frambjóðenda en nemur þingsætum í kjördæminu, hvorki fleiri né færri.
Tilgreina skal skýrlega nafn frambjóðanda, kennitölu hans, stöðu eða
starfsheiti og heimili.
Framboðslista skal fylgja skrifleg yfirlýsing allra þeirra sem á listan-
um eru um að þeir hafi leyft að setja nöfn sín á listann. Framboðslista
skal og fylgja skrifleg yfirlýsing frá kjósendum í Suðvesturkjördæmi um
stuðning við listann og fyrir hvaða stjórnmálasamtök listinn er boðinn
fram. Tilgreina skal nafn meðmælanda, kennitölu hans og heimili. Fjöldi
meðmælenda skal vera 390 hið fæsta og eigi fleiri en 520. Sami kjósandi
má ekki mæla með fleiri en einum framboðslista. Komi það fyrir, verður
kjósandinn ekki talinn meðmælandi neins þeirra. Loks skal fylgja skrifleg
tilkynning frá frambjóðendum listans um það hverjir tveir menn séu
umboðsmenn listans.
Yfirkjörstjórn fer þess á leit að framboðslistar og meðmælendalistar
verði, auk hinna skriflegu eintaka, afhentir á tölvutæku formi (excel-skjali
á minnislykli).
Fundur yfirkjörstjórnar til að úrskurða um framboð, þar sem umboðs-
mönnum framboðslista gefst kostur á að vera viðstaddir, verður haldinn
í Íþróttahúsinu Kaplakrika í Hafnarfirði, laugardaginn 13. apríl 2013, kl. 12
á hádegi.
Meðan kosning fer fram, laugardaginn 27. apríl 2013, verður aðsetur yfir-
kjörstjórnar Suðvesturkjördæmis í Íþróttahúsinu Kaplakrika í Hafnarfirði,
þar sem talning atkvæða fer fram að loknum kjörfundi kl. 22. Fyrstu kjör-
kassar verða opnaðir kl. 18:30 og hefst þá flokkun atkvæða.
25. mars 2013.
Yfirkjörstjórn Suðvesturkjördæmis,
Jónas Þór Guðmundsson,
Ástríður Sólrún Grímsdóttir,
Sigríður Jósefsdóttir,
Elín Jóhannsdóttir.