Fréttablaðið - 28.03.2013, Side 11

FIMMTUDAGUR 28. mars 2013 | FRÉTTIR | 11
1 AF HVERJUM 20
HEFUR SAFNAÐ FYRIR
REIÐHJÓLI
Rekstrarvörur
- vinna með þér
ÞÝSKALAND, AP „Ég trúi því ekki
að þeir hafi komið hingað í skjóli
myrkurs með svo laumulegum
hætti,“ segir Kani Alavi, tals-
maður listamannahópsins East
Side Gallery, sem hefur haldið við
hluta af gamla Berlínarmúrnum
og skreytt listaverkum. „Það eina
sem þeir sjá eru peningar. Þeir
bera ekkert skynbragð á sögulegt
og listrænt gildi staðarins.“
Íbúar í nágrenninu lýstu einn-
ig yfir furðu og hneykslan þegar
verkamenn mættu til að flytja burt
hluta af Berlínarmúrnum. Samtals
tóku þeir niður nærri fimm metra
langan kafla af þeim bút múrs-
ins sem látinn var standa eftir
að Austur-Þýskaland gafst upp á
að halda ríkisborgurum landsins
innan landamæranna fyrir nærri
aldarfjórðungi.
Framkvæmdirnar núna eru
gerðar til að rýma fyrir nýjum
veg inn að byggð nýrra háhýsa
með lúxusíbúðum við fljótið Spree.
Á þriðja hundrað lögreglumanna
voru viðstaddir til að koma í veg
fyrir að mótmælendur færu að
atast í verkamönnunum. - gb
Íbúar hneykslaðir vegna niðurrifs í skjóli nætur:
Meira af Berlínar-
múrnum rifið niður
MÚRINN KVADDUR Ferðamenn stilla sér upp til myndatöku meðan lögregla fylgist
með. NORDICPHOTOS/AFP