Fréttablaðið - 25.05.2013, Síða 2

25. maí 2013 LAUGARDAGUR| FRÉTTIR | 2
KÓPAVOGUR „Já, ég sit í starfhæfum
meirihluta,“ svaraði Ármann Kr.
Ólafsson, bæjarstjóri í Kópavogi,
þegar oddvitar minnihlutaflokk-
anna í bæjarráði spurðu hann út í
stöðu meirihlutans í Kópavogi.
Eins og komið hefur fram mynd-
aðist nokkur titringur innan meiri-
hlutans þegar tveir liðsmenn hans
samþykktu tillögu minnihlutans
um frestun afgreiðslu aðalskipu-
lags.
„Undirrituð beina þeirri fyrir-
spurn til bæjarstjóra hvort hann
sitji í umboði starfhæfs meiri-
hluta en eitthvað virðist óljóst um
að slíkt sé tilfellið. Jafnframt er
meirihlutinn hvattur til að stilla
saman strengi sína svo óvissu
um stjórn bæjarins verði aflétt
og unnið að þeim verkefnum sem
þarf að vinna,“ sagði í fyrirspurn
minnihlutans.
„Engin óvissa hefur ríkt,“ bók-
aði Ómar Stefánsson úr Fram-
sóknarflokki. „Þakka góðar ábend-
ingar, allir eru að vinna,“ bókaði
Rannveig Ásgeirsdóttir úr Y-list-
anum.
- gar
Bæjarstjórinn og aðrir oddvitar meirihlutans í Kópavogi segja stöðuna ljósa:
Segja meirihlutann starfhæfan
ÁRMANN KR. ÓLAFSSON OG RANN-
VEIG ÁSGEIRSDÓTTIR Bæjarstjóri
Kópavogs og aðrir oddvitar meirihlut-
ans segja enga óvissu um samstarfið.
FRÉTTABLAÐIÐ/VILHELM
FRÉTTIR 2➜10
SKOÐUN 12➜16
HELGIN 18➜42
MENNING 52➜62
Auður Björnsdóttir hefur þjálfað hunda til
að hjálpa fötluðum og flogaveikum. Hún
þjálfaði líka hund sem fer með hlutverk í
íslenskri bíómynd og annan sem dansar við
lög Helga Björnssonar, bróður Auðar.
Steinbergur Finnbogason, lögfræðingur
Loftsins, segir deilur um einkarétt á nafninu
fásinnu. Eigendur Loft Hostels í Bankastræti
segjast eiga einkarétt á nafninu Loft. Þeir
eru ósáttir við að Loftið og menningarstofan
Loft Harbour noti einnig nafnið og fara fram á breytingar.
Sara Nassim, kvikmyndagerðarkona á Ís-
landi, komst inn í hina virtu framleiðsludeild
American Film Institute nú á dögunum. Hún
vonar að hlutur kvenna í kvikmyndagerð á
Íslandi aukist á meðan hún stundar námið.
Helgi Jóhannesson hæsta-
réttarlögmaður skellti sér
á skólabekk í fyrrahaust og
er nú útskrifaður göngu-
leiðsögumaður. Helgi segir
vel geta farið svo að hann taki að sér
gönguleiðsögn þótt lögmannsstarfið
verði áfram hans aðalstarf.
FIMM Í FRÉTTUM HÁFJÖLL, HUNDAR OG ALLT Í HÁALOFTI
➜ Leifur Örn Svavarsson og Ingólfur Geir Gissurarson komust báðir á topp
Everestfjalls í liðinni viku en fóru hvor sína leiðina að toppnum. Ingólfur Geir
fór suðurleiðina en Leifur Örn norðurhlíðina, fyrstur Íslendinga.
RÍKISSTJÓRN
NÝRRAR KYNSLÓÐAR 12
Þorsteinn Pálsson skrifar um pólítísk umskipti.
SÍÐASTA GREIN
FJALLKONUNNAR 16
Barnabörn Herdísar Þorvaldsdóttur luku við
síðustu grein hennar um landvernd eft ir að hún lést.
FÓLK „Það er alltaf að aukast að
ungt fólk komi til okkar í upp-
runaleit,“ segir Kristinn Ingvars-
son, framkvæmdastjóri Íslenskrar
ættleiðingar, sem stendur fyrir
fræðslufundum um helgina um leit
ættleiddra ungmenna að uppruna
sínum.
Sérstakir gestir á fundunum eru
þau Lisa Kanebäck og Sebastian
Johansson, sem voru sem börn ætt-
leidd til Svíþjóðar frá Kolkata á Ind-
landi, en sneru til baka á síðasta ári
þar sem þau unnu meðal annars á
barnaheimilinu þar sem Lisa dvaldi
fyrstu mánuði ævi sinnar.
Í samtali við Fréttablaðið segir
hvort þeirra sína söguna um hve-
nær þráin til að vita meira um upp-
runa sinn gerði vart við sig.
„Ég var sennilega bara fimm ára
þegar ég áttaði mig á því að ég var
frábrugðinn vinum mínum,“ segir
Sebastian, sem er 29 ára gamall.
„Áhuginn á að vita meira um upp-
runa minn magnaðist svo sífellt
þegar ég varð fullorðinn, og mér
fannst eins og það væri ákveðið
tómarúm innra með mér.“
Lisa, sem er 23 ára, segist hins
vegar ekkert hafa velt þessum
málum fyrir sér, framan af.
„Sem barn hugsaði ég aldrei um
að ég væri frábrugðin öðrum. Ég bjó
í litlu þorpi þar sem allir þekkja alla
og komið var fram við alla á sama
hátt. Áhuginn á að leita róta minna
kom ekki fyrr en í framhaldsskóla.
Þá fór ég meðal annars að velta því
fyrir mér hvernig ég gæti gefið af
mér þannig að ég kom mér í sam-
band við ættleiðingastofnun og upp
úr því ákvað ég að fara út til Ind-
lands.“
Indlandsdvöl Sebastians og Lisu
var gefandi að þeirra sögn, en kom
um leið á óvart.
„Ég hélt að ég myndi komast í
tengsl við indverskar rætur,“ segir
Sebastian, „en þess í stað áttaði mig
betur á því að ég er sænskur í gegn.“
Lisa tekur í sama streng. „Ég hélt
að ég myndi upplifa mig indverska,
þar sem ég var umkringd fólki sem
líkist mér, en þess í stað áttaði ég
mig enn betur á því að ég er algjör-
lega sænsk,“ segir hún og hlær.
Bæði hafa þau fullan hug á að
fara aftur til Indlands á næstunni
til að vinna með börnum.
Fundirnir verða tveir og eru
haldnir verða í gamla Sjómanna-
skólanum, annars vegar klukkan 14
í dag, þar sem ættleidd ungmenni
hittast, og hins vegar á sama tíma
á morgun en sá fundur er öllum
opinn.
thorgils@frettabladid.is
Ættleidd ungmenni í
leit að uppruna sínum
Íslensk ættleiðing stendur fyrir fundum þar sem fjallað verður um upprunaleit
ættleiddra ungmenna. Ung kona sem var ættleidd frá Srí Lanka segir mikilvægt
að hafa vettvang þar sem ungmenni geti deilt reynslu sinni hvert með öðru.
Á fundinum í dag mun Íslensk ættleiðing kynna nýjan félagsskap, Góðir
Íslendingar, sem er æskulýðsfélag ættleiddra. Ingunn Unnsteinsdóttir var
ættleidd frá Srí Lanka tveggja mánaða að aldri árið 1985. Hún segir mikil-
vægt að ættleidd ungmenni á Íslandi hafi vettvang til að hittast og deila
reynslu sinni.
„Ég fór sjálf að spá alvarlega í þessi mál þegar ég var unglingur og
undanfarin ár hef ég verið að velta þessu sífellt meira fyrir mér. Mér
finnst þetta vera ferli sem ég þarf að ganga í gegnum, sérstaklega þar sem
maður er á þeim aldri þar sem maður fer að huga að því að stofna eigin
fjölskyldu.“
Ingunn segir að barnastarf hafi verið með ágætum þar sem ættleidd
börn komu saman, en í kringum unglingsárin hafi þau tengsl rofnað.
„Með stofnun Góðra Íslendinga er verið að skapa vettvang fyrir þessa
umræðu. Við höfum verið hvert í sínu horninu að spá í sömu hlutina, en
það er rosalega gott að hitta annað fólk sem er í sömu pælingum og deila
reynslu sinni. Hvað sem svo verður, hvort sem fólk fer í nánari upprunaleit
eða ekki er mikilvægt að það sé til vettvangur þar sem fólk getur hist og
talað saman.“
Mikilvægt að hafa vettvang til samskipta
UPPRUNALEIT Þau Lisa Kanebäck og Sebastian Johansson frá Svíþjóð munu miðla
reynslu sinni af upprunaleit á fundi æskulýðsfélags ættleiddra í dag. Ingunn Unn-
steinsdóttir (til hægri) var ættleidd frá Srí Lanka árið 1985. FRÉTTABLAÐIÐ/ANTON
ATHYGLINNI BEINT
AÐ UTANGARÐSMÖNNUM 52
Sýningin Utangarðs er opnuð í dag.
HUNDRAÐA MILLJÓNA ÞÁTTARÖÐ 58
Sigurjón Kjartansson og Baltasar Kormákur eiga hug-
myndina á bak við dýrustu sjónvarpsþáttaröð sem
framleidd hefur verið á Íslandi.
STJÖRNURNAR ELSKA ÍSLAND 60
Það kitlar hégómagirnd Íslendinga þegar
erlendar stjörnur fj alla um landið.
FRÆÐIMÖNNUM
FJÖLGAR OF HRATT 26
Skiptar skoðanir eru um hvort off ram-
leiðsla sé á fræðimönnum í háskólum.
BLUTH-FJÖLSKYLDAN
SNÝR AFTUR 34
Fjórða sería Arrested Development
frumsýnd.
MÓNAKÓ ER HELSTA
RAUN ÖKUMANNA 38
Mikil dramatík fylgir kappakstrinum í
Mónakó.
KRAKKAR 40
KROSSGÁTA 42
HVERNIG
LYKTAR
LISTASAFN?
18
Andrea Maack
og Huginn Þór
Arason eru
lista mennirnir á
bakvið nýstárlega
sýningu sem
verður opnuð
í dag.
SPORT 64
ÓÁNÆGJA MEÐ LJÓS 4
Áformuð lendingarljós við Ægisíðu
eru sögð rýra gildi útivistarsvæðis.
HÆTT KOMINN
Í SILFRU 6
Kafari án súrefnis sökk til botns
í Silfru.
GAGNRÝNA FANGELSI 8
„... meiri líkur á að ís-
lenskur sjávarútvegur
verði áfram í fremstu
röð.“ 10
Rúnar Jónsson, forstöðumaður
hjá Íslandsbanka.
ÚRSLITIN RÁÐAST Í
MEISTARADEILDINNI 64
Þýsku liðin Borussia Dortmund og
Bayern München mætast á Wembley
í London í kvöld.