Fréttablaðið - 25.07.2013, Blaðsíða 38

Þjóðhátíð FIMMTUDAGUR 25. JÚLÍ 20136
Dætur mínar höfðu farið á Þjóðhátíð og oft talað um hversu stórfenglegt það
væri. Mig langaði virkilega til
að vita hvað þær höfðu verið að
upplifa svona skemmtilegt. Þær
hvöttu mig eindregið til að láta
drauminn rætast og þar sem ég
varð sextug í fyrra ákvað ég að slá
til. Ég varð sannarlega ekki fyrir
von brigðum,“ segir Hrafnhildur.
„Ég var ekki í tjaldi inni á svæð-
inu heldur með herbergi í bænum.
Ég fór hins vegar á alla tónleika og
fannst til dæmis Mugison alveg
frábær.“
Hún segir gæslu hafa verið til
fyrirmyndar og að lögreglan hafi
verið vel sjáanleg, Dalurinn ákaf-
lega fallegur og mjög gott skipulag
á öllum hlutum. „Ég fór með Herj-
ólfi fram og til baka, eins og hinir
unglingarnir, sem var afskaplega
skemmtilegt. Það var stórkostleg
upplifun.“
Þegar Hrafnhildur er spurð
hvort eitthvað hafi komið henni
á óvart, segir hún að það hafi
ekki verið margt. „Ég hafði hlust-
að á brekkusönginn í útvarp-
inu árið áður og hugsaði þá með
mér að ég yrði að vera viðstödd
á næsta ári. Mér fannst ég geta
heyrt stuðið á svæðinu. Það kom
mér því nokkuð á óvart þegar ég
upplifði loksins sönginn í Daln-
um hvað hann gekk hratt fyrir sig.
Hann var ekki eins magnaður og
ég hafði talið. Kannski var ég með
of miklar væntingar,“ segir Hrafn-
hildur. „Líklegast er önnur upp-
lifun fyrir mig, fullorðna konu, að
koma á Þjóðhátíð en unglingana,“
segir hún.
Þegar hún er spurð hvort eitt-
hvað hafi verið neikvætt á hátíð-
inni svarar hún: „Mér fannst allt-
of algengt að fólk væri með bjór í
hönd, sama hvenær dagsins. Það
var eins og öllum þætti sjálfsagt að
vera alltaf með vín,“ segir Hrafn-
hildur en tekur fram að ekki hafi
verið um fyllerí að ræða.
En ætlar hún að fara aftur?
„Núna er ég búin að upplifa
Þjóðhátíð og það dugar mér. Ég
fór einu sinni út í Drangey þótt ég
sé ofboðslega lofthrædd. Það var
meiriháttar en mig langar ekki
aftur,“ segir hún.
Hrafnhildur segir að brennan,
blysin og allt umhverfið í Dalnum
hafi verið stórkostlegt. „Ég sakn-
aði hins vegar lundans sem var
ekki í boði. Svo hélt ég alltaf að
heimamenn myndu bjóða manni
í heimsókn í hvítu tjöldin en svo
var ekki. Mér var að minnsta kosti
ekki boðið,“ segir hún og hlær. „En
núna veit ég hvað fólk er að tala
um þegar rætt er um Þjóð hátíð
í Eyjum. Þarna var fólk á öllum
aldri en unglingarnar voru auð-
vitað fyrirferðarmestir, eins og á
öllum útihátíðum.“
Hrafnhildur hefur gaman af
því að ferðast innanlands þótt
ekki fari hún á Þjóðhátíð í ár. Hún
var hins vegar á leið í tjald útilegu
í Þórsmörk þegar við slógum á
þráðinn til hennar.
Sextug og í fyrsta sinn á Þjóðhátíð
Hrafnhildur Gunnlaugsdóttir myndlistarkennari hafði gengið með þann draum í mörg ár að fara á Þjóðhátíð í Eyjum og lét hann
rætast í fyrra þegar hún varð sextug. Hún varð ekki fyrir vonbrigðum og segir hátíðina hafa verið mikla upplifun.
Hrafnhildur var eins og hinir unglingarnir á Þjóðhátíð í Eyjum síðasta sumar og skemmti sér konunglega. MYND/GVA
Safnaðu sex töppum af Pepsi eða Pepxi Max og sendu til Ölgerðarinnar.
Allar nánari upplýsingar um leikinn má finna á
facebook.com/PepsiMax.is
V
E
R
T