Fréttablaðið - 30.09.2013, Blaðsíða 28

Meistaramánuður MÁNUDAGUR 30. SEPTEMBER 20132
Meistaramánuðurinn varð upphaflega til árið 2008 þar sem tveir há-
skólanemar í Kaupmannahöfn ákváðu að taka sig rækilega á fyrir
prófin og lifa eins og meistarar í heilan mánuð. Markmiðin voru ein-
föld; drekka ekkert áfengi, borða eins og hellisbúar (e. paleo diet), fara
út á strönd að hlaupa alla virka morgna og vera mættir á lesstofuna í
skólanum fyrir klukkan átta. Það var einhver meistaraleg tilfinning að
vera búinn að koma svona miklu í verk snemma morguns og horfa á
grútsyfjaða skólafélagana tínast inn með stírur í augunum.
Með árunum hefur meistaramánuðurinn þróast mikið. Við erum
ekki lengur bara tveir og núna snýst meistaramánuður um miklu
meira en bara mataræði og hreyfingu. Meistaramánuðurinn á að snú-
ast um hvernig við getum orðið besta útgáfan af sjálfum okkur, hvað
við getum gert til þess að láta okkur líða betur alla aðra daga og hvað
það er í okkar fari sem við þurfum að bæta. Við getum öll bætt eitt-
hvað, svo mikið er víst, og meistaramánuðurinn er tilvalinn til að
taka á þeim hlutum. Það sem gerir meistaramánuðinn betri en aðra
mánuði til þess að tækla þessa hluti er það að við höfum stuðningsnet
frá þúsundum annarra þátttakenda.
Við aðstandendur meistaramánaðar erum engir næringarfræðing-
ar eða líkamsræktarfrömuðir og alls ekki fullkomnir. Okkur finnst
gaman að reyna að bæta okkur og takast á við áskoranir og ef fólk er
tilbúið að gera það með okkur er það frábært. Hvort sem þú ætlar að
nota meistaramánuðinn til þess að hreyfa þig meira, taka mataræðið í
gegn, hætta að reykja, lesa bók, hitta fjölskylduna oftar, hætta að naga
neglurnar, vera jákvæðari eða taka betur til heima hjá þér vonum við
að þú njótir hans og hugsir fyrst og fremst um að láta þér líða vel. Í
þessu blaði finnurðu dagatal sem þú getur skrifað markmiðin þín á,
hollráð fyrir mánuðinn, hlaupaáætlanir og fleira. Styrkur og sæmd.
Magnús, Þorsteinn og Jökull.
Gleðilegan
meistaramánuð
Markmiðin voru að borða ekk-
ert nammi, engar kökur og ekkert
kex þennan mánuð. Eins ætlaði ég
að gera góðverk á hverjum degi,
sem reyndist meira en að segja
það. Svo vildi ég setja persónu-
legt met í réttstöðulyftu og lyfta
180 kílóum. Það tókst á þriðja
degi, alveg óvart, sem var reyndar
frekar fúlt. Það er samt gott að fá
að koma þessu á framfæri hér því
mér finnst mikil vægt að þjóðin viti
hvað ég get „deddað“ miklu,“ segir
Atli Fannar Bjarkason, aðstoðar-
maður formanns Bjartrar framtíð-
ar, en hann tók fyrst þátt í meist-
aramánuðinum á síðasta ári.
Ekki gekk allt jafn áreynslu-
laust og réttstöðulyftan og bugað-
ist Atli á elleftu stundu í óhollustu-
bindindinu.
„Ég var gjörsamlega aðfram-
kominn þar sem ég sat á síðasta
degi og beið eftir að klukkan slægi
tólf. Klukkan tíu fór ég út í búð og
keypti tvo kexpakka. Kláraði þá á
þremur mínútum! Ég er svo mikið
fyrir kex.“ Hann vill þó ekki viður-
kenna að hafa þar með mistekist.
„Nei, klukkan var orðin tólf ein-
hvers staðar í heiminum. Mögu-
lega á meginlandi Evrópu.“
En hvernig gekk að gera eitt
góðverk á dag?
„Ég held að það hafi náðst.
Stundum gerði ég fleiri en eitt á
dag svo það hlýtur að hafa jafnast
út. Ég var til dæmis mjög dug legur
að setja klink í söfnunarbauka
og var fyrir vikið afar blankur
þennan mánuð.“
Atli hélt utan um árangurinn
með því að blogga daglega á atli-
fannar.wordpress.com. Til að
byrja með voru færslurnar metn-
aðarfullar en fljótlega dró þó úr.
„Þær urðu frekar leiðigjarnar. Það
er nefnilega auðveldara en maður
heldur að breyta til og færslurnar
urðu því mjög einsleitar,“ segir
hann. „Það var til dæmis mjög
leiðinlegt að hafa náð réttstöðu-
lyftunni strax. Ég ætlaði að hafa
þetta svo táknrænt síðasta dag-
inn. Þetta hefði átt að vera ómögu-
legt markmið. Ég var bara 72 kíló á
þessum tíma. Ég er ekki einu sinni
genetískt sterkur.“
Atli ætlar að vera með aftur
þetta árið og bjóða kex pökkunum
birginn á ný, borða hollt og skera
niður fitu á markvissari hátt.
Hann ætlar líka að sleppa því að
drekka áfengi en hefur minnstar
áhyggjur af því. „Það er ekkert
mál, ég gæti gert það standandi á
höndum.“
En hefur meistaramánuðurinn
breytt lífsstíl Atla Fannars? „Mér
finnst hann mjög góð áminning á
hverju ári til þess að skerpa á hlut-
unum.“
Tókst hið ómögulega
Atli Fannar Bjarkason, aðstoðarmaður formanns Bjartrar framtíðar, tekur
þátt í meistaramánuði nú í annað sinn. Hann segir auðveldara en margur
heldur að breyta til en sjálfur náði hann markmiði sínu í réttstöðulyftu sem
hann hafði talið ómögulegt, 180 kíló. Hann át einnig tvo kexpakka á þremur
mínútum en það var þó ekki eitt af settum markmiðum.
Atli Fannar kom sjálfum sér á óvart þegar hann lyfti 180 kílóum á þriðja degi og náði þannig markmiði sem hann taldi ómögulegt.
MYND/ÚR EINKASAFNI
SPURT OG SVARAÐ
Hvað þarf ég að gera til þess að taka þátt í meistaramánuði?
Í raun þarftu ekkert nema viljann og metnaðinn til að setja þér markmið fyrir einn mánuð og standa við þau.
Við mælum með því að þú skráir þig til leiks á www.meistaramanudur.is og fáir sem flesta vini, fjölskyldu-
meðlimi og vinnufélaga til að taka þátt með þér. Svo þarftu bara að skrifa markmiðin niður. Þegar nær dregur
meistaramánuði sendum við út dagatal sem þú getur skrifað markmiðin á.
Er þetta ekki bara enn eitt átakið eins og áramótaátakið sem ég stend aldrei við?
Meistaramánuðurinn á ekki að vera átak heldur upphafið á breytingu lífs þíns til hins betra. Meistaramánuður-
inn snýst ekki bara um að taka vel á því í ræktinni eða taka til í mataræðinu heldur líka litlu hlutina eins og að
eyða meiri tíma með fjölskyldunni eða lesa loksins bókina sem þú ætlaðir þér alltaf að lesa. Notum tækifærið
og lítum í eigin barm. Er ekki eitthvað sem við megum bæta í okkar fari? Er ekki eitthvað sem okkur langar að
sigrast á í eitt skipti fyrir öll?
ÍS
L
E
N
S
K
A
S
IA
.I
S
S
F
G
4
20
40
0
4.
20
08