Fréttablaðið - 17.09.2014, Blaðsíða 26

FÓLK|FERÐIR
FÓLK ER KYNNINGARBLAÐ sem býður aug lýsendum að kynna vörur og
þjónustu í formi viðtala og umfjallana ásamt hefðbundnum auglýsingum. Blaðið
fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal | Hönnun: Silja Ástþórsdóttir
Sölumenn: Bryndís Hauksdóttir, bryndis@365.is, s. 512 5434
Kolbeinn Kolbeinsson, kkolbeins@365.is, s. 512 5447
Þegar ég kláraði BS-próf í jarðeðlis-fræði í vor langaði mig í reisu. Í fyrstu velti ég fyrir mér klassísku
bakpokaferðalagi um Austur-Evrópu en
þegar félagi minn sýndi mér hjólaleið á
netinu sem kallast Great Divide Mountain
Bike Route breyttust plönin,“ segir Daníel
Þorláksson sem hélt í æði langa hjólaferð
um Bandaríkin í sumar. „Ég á ættingja í
Bandaríkjunum og hef dvalið töluvert
í Kaliforníu og á Austurströndinni. Ég
hafði hins vegar aldrei ferðast um mið-
bik Bandaríkjanna sem mér var sagt að
væri töluvert frábrugðið ströndinni,“
segir Daníel en hann hafði enga reynslu af
hjólaferðum. Hann er hins vegar björg-
unarsveitarmaður og hefur ríka reynslu af
fjallgöngum.
AÐ MESTU Á MALARSTÍGUM
Hjólaleiðin sem Daníel ákvað að fara er
nákvæmlega kortlögð og hægt er að kaupa
kort af henni á netinu. „Leiðin er þannig
upp byggð að um 80 prósent hennar eru
um malarvegi, tíu prósent á malbiki og tíu
prósent á einstigum,“ lýsir hann.
Ferðalagið hófst rétt fyrir utan Banff í
Kanada. „Leiðin eltir vatnaskilin niður til
bæjarins Antelope Wells sem er smábær
við landamæri Nýja-Mexíkós og Mexíkós. Í
heildina er hún um 4.000 km en ég fór ekki
alla leið heldur lauk ferðalaginu í Denver
sem er um 3.100 km leið,“ segir Daníel.
Stór hluti leiðarinnar liggur um Klettafjöll-
in og fór Daníel tuttugu sinnum yfir vatna-
skilin. „Vatnaskilin eiga við það þegar
vatnið flæðir annaðhvort í Atlantshafið
eða Kyrrahafið,“ útskýrir Daníel sem upp-
lifði allt öðru vísi Bandaríki en hann var
vanur á ferðalagi sínu. „Þetta er rosalega
strjálbýlt svæði og í raun er Ísland þétt-
byggðara en Montana og Wyoming, þar
sem ég hjólaði mest,“ segir hann. Daníel
ferðaðist einsamall en hitti þó annað veifið
hjólagarpa sem voru á sömu leið. „Maður
hékk með sumum í nokkra daga meðan
ferðir okkar stóðust á.“
VILLTIST LÍTIÐ
Daníel segir leiðina mjög vel kortlagða
með nákvæmum upplýsingum um hvar
eigi að beygja og hve langt er á milli
gatnamóta. „Það var því frekar einfalt að
rata ef maður hafði kortið en hefði verið
ómögulegt án þess enda oft farið um
fáfarna stíga.“ Hann segist sjaldan hafa
villst. „Allavega ekki alvarlega. Stundum
tók ég þó 20 km aukahring.“
Daníel hafði lítið hjólað fyrir ferðina en
keypti sér hjól úti. „Ég átti síðan megnið
af búnaðinum sem til þurfti en keypti hluti
á borð við hraðamæli og lengdarmæli
sem ég notaði langmest sem rötunartæki
og svo sólarhleðslutæki,“ segir Daníel en
einnig festi hann kaup á bjarnarspreyi, til
að fæla burtu birni, og vatnsfilter. Hann
þurfti þó aldrei á bjarnarspreyinu að
halda. „Ég sá birni tvisvar á leiðinni en
þeir litu varla við mér,“ segir hann glett-
inn.
HIRÐINGI Í 40 DAGA
Inntur eftir því sem stendur upp úr í minn-
ingunni segir Daníel það vera hið furðu-
lega hirðingjalíf. „Það er skrítið líf að vera
á nýjum stað á hverjum degi í fjörutíu
daga. Eyða síðan þremur tímum í að elda,
tjalda og rífa niður tjaldið,“ segir Daníel
sem var mjög hrifinn af þjóðgörðunum
Glacier National park og Yellowstone.
Besti hluti leiðarinnar að hans mati var
þó The Great Basin. „Það er heljarinnar
sigdalur þar sem vatnið flýtur hvorki til
Kyrrahafsins né Atlantshafsins. Auðnin
minnti mig dálítið á hálendi Íslands fyrir
utan hitann og einhvers konar antílópur
sem stukku um á fimmtíu kílómetra
hraða.“
Daníel segist hafa heillast af þessum
ferðamáta og langar til að endurtaka
leikinn í framtíðinni. Nú liggur leiðin hins
vegar til Innsbruck í Austurríki þar sem
hann ætlar að nema veðurfræði og stunda
skíðamennsku sér til gamans.
■ solveig@365.is
HJÓLAÐI 3.000 KM
UM BANDARÍKIN
EINN Á FERÐ Daníel Þorláksson ákvað að halda upp á útskrift úr háskóla
með hjólaferðalagi um Bandaríkin. Ferðin hófst í Kanada og lauk rúmum
þrjú þúsund kílómetrum síðar í Denver í Colorado.
VIÐ VATNASKIL
Hér er Daníel á leiðinni
yfir vatnaskilin í nítjánda
sinn.
KLETTAFJÖLL
Umhverfið á leiðinni
var stórbrotið. Hér má
sjá hluta Klettafjalla í
Kanada.
Hjarta-Aspirín
Opið hús
LEIÐSÖGUNÁM OG
FARARSTJÓRN ERLENDIS
Kynning á námi í máli og myndum
fer fram í skólanum að Bíldshöfða 18
fimmtudaginn 18. sept. frá kl. 18 til 20.
Kjartan Trausti Sigurðsson,
fararstjóri til fjölda ára,
mætir á svæðið.
Bíldshöfða 18, sími 567 1466
www.menntun.is
AUÐN Fákurinn
góði á götunni
sem leiðir út úr
The Great Basin.