Fréttablaðið - 31.10.2014, Qupperneq 8

31. október 2014 FÖSTUDAGUR| FRÉTTIR |
Staðarhald á Hólastað er á ábyrgð
Háskólans á Hólum, m.a. umhirða
og fegrun staðarins, móttaka gesta
og eignaumsýsla. Þar undir fellur
snjómokstur og tæming rotþróa á
staðnum. Skólinn á hins vegar ekki
að annast þessa þjónustu, sam-
kvæmt lögum um opinbera háskóla
sem skólinn féll undir eftir mitt
ár 2013. Ríkisendurskoðun mælist
sterklega til þess í nýrri skýrslu að
staðarhald verði aðgreint frá skóla-
haldi og að sveitarfélagið Skaga-
fjörður taki yfir lögbundna þjónustu
við þéttbýlið á staðnum. Skilyrði
sveitarfélagsins um fjármögnun
ríkisins á viðgerð á fráveitukerfi
á Hólum stendur í vegi fyrir sam-
komulagi.
Áhyggjuefni
Ríkisendurskoðun sendi frá sér
skýrslu fyrir stuttu þar sem fjallað
er um fjárhagsstöðu Hólaskóla.
Hún er „mikið áhyggjuefni“, segir í
skýrslunni, en heildarskuldir skól-
ans eru 245 milljónir króna. Hvatt
er til þess að menntamálaráðuneyt-
ið og forráðamenn skólans í samráði
við fjármálaráðuneytið taki á mál-
inu sem fyrst. Þess ber þó að geta að
rekstur skólans hefur verið í sam-
ræmi við fjárheimildir síðustu tvö
ár, og því um fortíðarvanda að ræða.
Ný og gömul lög
Hólaskóli er rannsókna- og mennta-
stofnun sem starfaði eftir lögum
um búnaðarfræðslu, og á lögunum
byggði reglugerð sem gerði Hóla-
skóla að annast þar staðarhald og
varðveita menningararf staðar-
ins. Árið 2013 tóku ný lög um opin-
bera háskóla gildi og féll starfsemi
Hólaskóla undir þau. Með þeim féllu
lög um búnaðarfræðslu úr gildi
og reglugerðin um skyldur Hóla-
skóla um staðarhald, sem sett var
á grundvelli þeirra. Grunnþjónusta
staðarhalds á Hólastað fer því af
fjárheimild Hólaskóla þótt skólan-
um beri ekki að leggja út fyrir þeim
kostnaði, og er ekki í samræmi við
ákvæði skipulags- og byggingar-
laga.
Einkennilegt verkefni
Erla Björk Örnólfsdóttir, rektor
Hólaskóla, segir að þjónusta vegna
staðarhalds sé
í skötulíki enda
hafi þurft að for-
gangsraða verk-
efnum í ljósi
fjárhagsstöðu
skólans. Kostn-
aður vegna stað-
arhaldsins losi
fimm milljón-
ir króna á þessu
ári, en fjárþörfin til staðarhalds-
ins sé fimmföld sú upphæð. Hins
vegar taki starfsfólk Hólaskóla að
sér ýmis verkefni tengd staðarhaldi
án launa, t.d. leiðsögn gesta.
Erla Björk viðurkennir að það
sé frekar einkennilegt verkefni
rektors við háskólastofnun að sam-
þykkja reikninga vegna tæmingar
á rotþróm fyrir þéttbýlið á Hólum.
Helst veldur henni þó áhyggjum að á
meðan mál standa óbreytt fái íbúar
á Hólum ekki þá grunnþjónustu sem
þeim ber – sem þó hafi verið greitt
fyrir til sveitarfélagsins.
Samræmist illa
Strax árið 2011 benti Ríkisendur-
skoðun á að staðarhaldið samræm-
ist illa hlutverki skólans og hvatti til
þess að skólahald og staðarhald yrði
aðgreint. Ráðuneytið ætlaði sér að
ganga frá samkomulagi við sveitar-
félagið um lögbundna þjónustu við
þéttbýlið á Hólum í árslok 2011. Árið
2014 upplýsti ráðuneytið Ríkisend-
urskoðun um að ekkert hefði þok-
ast í málinu. Mun skilyrði sveitar-
félagsins um fjármögnun ríkisins
á viðgerð á fráveitukerfi á Hólum
standa í veginum, en til þess hefur
ráðuneytið ekki fengið fjárheimild-
ir þótt viljayfirlýsing sveitarfélags-
ins um að axla skyldurnar sé löngu
komin fram.
Auðveldar fjármálastjórn
Í skýrslu Ríkisendurskoðunar frá
2011 um skólahaldið á Hólum kemur
fram í svörum menntamálaráðu-
neytisins að samningur um skipu-
lagsmál við sveitarfélagið á staðn-
um lækki útgjöld skólans, þótt óvíst
sé hvaða niðurstöðu viðræður um
samning muni skila. Þá eru bundnar
Hólaskóli kostar tæmingu rotþróa
Háskólinn á Hólum stendur straum af kostnaði við staðarhald á Hólum þótt það sé ekki lögbundið verkefni skólans lengur. Ríkisendur-
skoðun segir staðarhaldið ekki samræmast skólarekstri. Viðgerð á fráveitukerfi stendur í vegi samkomulags ríkis og sveitarfélagsins.
ERLA BJÖRK
ÖRNÓLFSDÓTTIR
HÓLASKÓLI Hafa verður í huga að Hólar eru lögbýli, jörð í eigu ríkisins. FRÉTTABLAÐIÐ/GVA
vonir við að betri aðgreining á stað-
arhaldi frá eiginlegum skólarekstri
auðveldi að stjórna fjármálum hans.
Árið 2014 upplýsti ráðuneytið að
það hefði unnið að gerð samnings
við Sveitarfélagið Skagafjörð um
að þjónusta við þéttbýlið á Hólum
yrði í samræmi við ákvæði skipu-
lags- og byggingarlaga í stað þess að
skólinn kostaði þjónustuna. Ein for-
senda þess væri þó að gerðar yrðu
aðkallandi úrbætur á fráveitukerfi
staðarins á grundvelli fyrirliggj-
andi úttektar á ástandi og kostn-
aðarskiptingu. Sveitarfélagið teldi
að ríkissjóður ætti að greiða þær
og að það tæki síðan yfir forræði í
skipulags- og fráveitumálum, gatna-
gerð og fleiru vegna þéttbýlisins á
Hólum.
Að sögn menntamálaráðuneytis-
ins vann starfshópur á árinu 2012
á vegum þess og fjármála- og efna-
hagsráðuneytis að málefnum Hóla-
skóla en sú vinna leiddi ekki til sam-
eiginlegrar niðurstöðu. Viðræður á
milli ráðuneytanna hafa legið niðri
síðan og lausn því ekki í sjónmáli.
Svavar
Hávarðsson
svavar@frettabladid.is
210 hestafla dísilvél, 8 þrepa sjálfskipting með takkaskiptingu í stýri og loftpúðafjöðrun með Terrain Response drifbúnaði á öllum
hjólum gera Land Rover Discovery 4 að einum öflugasta og þægilegasta jeppa sem völ er á. Meðal nýjunga eru breyttur framendi
með nýjum aðalljósum, breytt afturljós, start/stopp ræsibúnaður og Meridian 380W hljómtæki.
Þú færð allar nánari upplýsingar um verð og búnað á www.landrover.is
E
N
N
E
M
M
/
S
ÍA
/
N
M
6
4
4
3
9
*M
ið
að
v
ið
u
pp
ge
fn
ar
v
ið
m
ið
un
ar
tö
lu
r
fr
am
le
ið
an
da
u
m
e
ld
sn
ey
tis
no
tk
un
í
bl
ön
du
ðu
m
a
ks
tr
i.
Á LAND ROVER DISCOVERY 4
Discovery 4 S – verð frá: 11.890.000 kr.
Eldsneytisnotkun 8,8 l/100 km* í blönduðum akstri.
BL Sævarhöfða 2, sími 525 8000
SKOÐAÐU ÞIG UM
landrover.is
OPIÐ Í DAG FRÁ 12–16
ASKÝRING | 8
RÍKISENDURSKOÐUN: HÓLASKÓLI GLÍMIR VIÐ FORTÍÐARVANDA