Fréttablaðið - 31.10.2014, Side 12

31. október 2014 FÖSTUDAGUR| FRÉTTIR | 12
REYKJANESBÆR „Ég er afar þakklát-
ur fyrir það hversu rólegir og yfir-
vegaðir íbúar Reykjanesbæjar voru
á íbúafundinum,“ segir Friðjón Ein-
arsson, formaður bæjarráðs Reykja-
nesbæjar, um íbúafund sem haldinn
var í Stapa í fyrrakvöld.
Á fundinum voru kynntar tvær
skýrslur sem sýndu fram á gríðar-
lega erfiða rekstrarstöðu bæjar-
félagsins eftir óráðsíu síðustu tólf
ára. Fram kom á fundinum og í
skýrslunum að rekstur sveitar-
félagsins er ekki sjálfbær og mun
ekki ná skuldaviðmiðum nema mikl-
um aðhaldsaðgerðum verði hrint í
framkvæmd.
Samkvæmt heimildum Frétta-
blaðsins voru margir gestir undrandi
á því að fyrri meirihluti hafi ekki
þurft að svara fyrir bókhaldslegar
misgjörðir sínar. Fannst nokkrum
fundargestum í Reykjanesbæ þeir
hafa sloppið helst til of vel frá fund-
inum. Um 500 íbúar sóttu fundinn í
Stapa og um tvö þúsund til viðbótar
horfðu á beint streymi af fundinum
á vef Reykjanesbæjar.
Skuldir Reykjanesbæjar eru um
40 milljarðar króna. Skuldahlutfall
bæjarfélagsins, skuldir sem hlut-
fall af reglulegum tekjum bæjar-
ins, er um 270%. Samkvæmt sveit-
arstjórnarlögum mega sveitarfélög
ekki skulda meira en 150% af reglu-
legum tekjum. Árið 2002 skuldaði
Reykjanesbær 8,3 milljarða króna.
Sú tala var komin upp í 40 milljarða
árið 2013.
Frá árinu 2002 til ársins 2013
vantaði í rekstur sveitarfélagsins
um 25 milljarða króna til að halda
því á réttum kili. Þessir 25 milljarð-
ar sem vantaði upp á voru á tíma-
bilinu fengnir með nýjum lántök-
um upp á um 12 milljarða og sölu
eigna fyrir svipaða upphæð. Að
mati skýrsluhöfunda er staða bæj-
arfélagsins alvarleg og mikilvægt
er að taka málin föstum tökum.
Nú er svo komið að eignir sveit-
arfélagsins eru ekki miklar og
miklar skuldir sitja eftir á sveitar-
félaginu. Á sínum tíma fyrir hrun
var Reykjanesbær hluti af eignar-
haldsfélaginu Fasteign. Þar sem
einkahlutafélagið keypti fasteign-
ir sveitarfélaganna og lánaði þeim
aftur. Sjö af tíu skuldugustu sveitar-
félögum landsins voru í viðskiptum
við þetta einkahlutafélag þar sem
þetta módel var notað.
Friðjón segir stöðuna vera slæma
en tekur það fram að nú þurfi að láta
hendur standa fram úr ermum. „Nú
vitum við stöðuna og nú þurfum
við að taka erfiðar ákvarðanir um
framhaldið. Það er ljóst að við þurf-
um að hagræða en munum verja
grunnþjónustu af öllu afli.“ Friðjón
gefur síðasta meirihluta ekki góða
einkunn þegar kemur að rekstri
bæjarins. „Ég varð bæjarfulltrúi
2010 og á þeim fjórum árum hef ég
gagnrýnt harðlega fjárhagsáætlan-
ir fyrri meirihluta á hverju einasta
ári. Það kannski lýsir því best hvað
mér finnst um þau vinnubrögð sem
voru stunduð,“ segir Friðjón.
Veigamestu tillögur til að snúa
rekstrinum við, fjalla um að lækka
launakostnað sveitarfélagsins. Gert
er að tillögu að yfirvinnubann verði
sett á í Reykjanesbæ og aðeins verði
heimil yfirvinna í undantekningar-
tilfellum og þá með samþykki bæj-
arstjóra eða fjármálastjóra. Einnig
er lagt til að laun verði greidd sam-
kvæmt kjarasamningum. Ef um sé
að ræða hærri laun vegna óunn-
innar yfirvinnu verði þeir samn-
ingar teknir til endurskoðunar. Að
lokum er lagt til að greiðslur bif-
reiðastyrkja samkvæmt samning-
um verði teknar til endurskoðunar
og aðeins greitt fyrir raunveruleg-
an akstur.
KPMG kynnti einnig samantekt
sína um leið til að snúa stöðunni við.
Sú áætlun nefnist „Sóknin“ þar sem
ítarlega er farið yfir hvernig hægt
er að bæta stöðu Reykjanesbæjar.
Tillögurnar miða að því að skera
niður rekstrarkostnað um 500 millj-
ónir króna og auka tekjur bæjar-
sjóðs um 400 milljónir. Reykjanes-
bær þurfi um 900 milljónir í aukna
framlegð til að bæta hag bæjarins.
Tiltekt boðuð hjá Reykjanesbæ
Formaður bæjarráðs Reykjanesbæjar er þakklátur fyrir málefnalegan og góðan íbúafund í Stapa. Þar var sýnt fram á gríðarlega erfiða
stöðu sveitarfélagsins og tiltekt boðuð í framhaldinu í bókhaldi Reykjanesbæjar. Gefur fyrri meirihluta ekki góða einkunn fyrir reksturinn.
Ég er
afar þakk-
látur fyrir
það hversu
rólegir og
yfirvegaðir
íbúar voru.
Friðjón Einarsson,
formaður bæjarráðs Reykjanesbæjar
REYKJANESBÆR Skuldir sliga bæjarsjóð Reykjanesbæjar og mun taka tæpan áratug að ná skuldaviðmiði sveitarfélaga. FRÉTTABLAÐIÐ/GVA
Sveinn
Arnarsson
sveinn@frettabladid.is
„Ég tel mig vera
heppna að eiga ekki
barn á leikskólaaldri
eða grunnskólaaldri.
Þessi niðurskurður
mun bitna harðast
á því fólki. En nú er ljóst að það
verður skorið niður og þjónusta
skert. Það er leitt að sjá hvernig
fyrir bænum er komið. Fyrri meiri-
hluti stóð ekki í stykkinu og fór of
geyst í Helguvík að mínu mati. Það
er ekki hægt að hefja vinnu við
álver og hafa ekki hugmynd um
hvaðan orkan á að koma.“
Ragnheiður Ólafsdóttir
snyrtiráðgjafi
Guðmundur Hlíðar: „Já, þetta er
auðvitað skelfingarástand og það er
líklegt að þetta muni hafa einhver
áhrif á þjónustu. Við skulum samt
vona að íbúar fari ekki frá Keflavík
en það getur kannski verið örlítið
erfiðara að laða fólk í bæinn.“
Jóhanna: „Það fyrsta sem maður
veltir fyrir sér er ungt fólk sem er
að hefja búskap hérna. Þetta getur
auðvitað haft áhrif á það fólk. Von-
andi nær sveitarfélagið að leysa þá
erfiðleika.“
Guðmundur Hlíðar Björnsson
og Jóhanna Pálsdóttir
áhyggjufullir vinir
„Staðan er ekki eins
og best verður á
kosið. Við verðum
hins vegar að fara að
fá atvinnutækifæri í
Reykjanesbæ. Það er
ekkert verið að gera í atvinnumálum
fyrir íbúa sveitarfélagsins. Erlend fyrir-
tæki eru að yfirtaka flest allt í Leifsstöð
og lítið að frétta af álveri í Helguvík. Við
megum ekki gleyma að á Reykjanesi
er stórbrotin náttúra og verðum við að
nýta þau tækifæri sem gefast í ferða-
þjónustu. Í sambandi við skuldirnar þá
er þetta mjög súrt og fráhrindandi til
að fá gott fólk í bæinn.“
Arngrímur Ingimundarson
knattspyrnuþjálfari
Sigurður: „Þjónustan er mjög góð
hérna í Reykjanesbæ, hér er frítt í
sund og strætó og mjög gott að búa.
Þótt þessi skýrsla sé auðvitað kolsvört
skiptir máli að koma sér út úr þessu
klandri. Ég er viss um að okkur mun
takast það verkefni. Það hefur gengið
illa í Helguvík og við eigum eftir að sjá
ábatann á þeirri framkvæmd.“
Lilja: „ Það á að vera hægt að skera
niður í sveitarfélaginu. Þjónustan er góð
en ég hef svo sem ekkert rosalega mikið
vit á þessu en ég held að við getum náð
árangri með Helguvík.“
Sigurður Ólafsson
og Lilja Þorsteinsdóttir
skóarar
Hvað segja íbúar sveitarfélagsins?
Auglýsing um
álagningu opinberra gjalda
á lögaðila árið 2014
Álagningu tekjuskatts er lokið á lögaðila sem skattskyldir eru samkvæmt I. kafla,
sbr. og 4. mgr. 71. gr., sem og álagningu annarra opinberra gjalda lögaðila sem lögð
skulu á vegna tekjuársins 2013 skv. VIII.-XIV. kafla laga nr. 90/2003, um tekjuskatt.
Álagningarseðlar eru nú aðgengilegir á þjónustuvef ríkisskattstjóra
á www.rsk.is og www. skattur.is.
Álagningarskrár, sem sýna álagða skatta á lögaðila í viðkomandi sveitarfélagi,
liggja frammi á starfsstöðvum ríkisskattstjóra eða sérstaklega auglýstum stöðum
dagana 31. október til 14. nóvember 2014 að báðum dögum meðtöldum.
Kærufresti vegna álagningar þeirra skatta og gjalda, sem álagning þessi tekur til,
lýkur mánudaginn 1. desember 2014.
Auglýsing þessi er birt, sbr. 98. gr. framangreindra laga.
31. október 2014
Sími 412 2500 www.murbudin.is
Límkítti
Verð frá kr. 925 pr 300ml.