Fréttablaðið - 31.10.2014, Qupperneq 74

31. október 2014 FÖSTUDAGUR| MENNING | 38
Innsetningarverk eftir Steinunni
Sigurðardóttur fatahönnuð verð-
ur á The Weather Diaries, aðal-
sýningu Norræna tískutvíærings-
ins, Nordic Fashion Biennale 2014.
Sýningin samanstendur af verkum
eftir ljósmyndarana Cooper og
Gorfer ásamt innsetningum eftir
einn fatahönnuð frá hverju land-
anna þriggja, Íslandi, Færeyjum
og Grænlandi.
Sýningin The Weather Diaries
verður opnuð á morgun í Þjóðar-
ljósmyndasafninu í Kaupmanna-
höfn, sem er í Svarta demantinum
og hýsir líka Konunglega bóka-
safnið. Sýningin stendur til 21.
apríl.
Að sögn Steinunnar eru ljós-
myndir þeirra Cooper og Gorfer
ótrúleg listaverk, nánast eins og
málverk, og raunar komnar langt
út fyrir hina hefðbundnu tískuljós-
myndun eins og við þekkjum hana.
Steinunn vann innsetningar-
verkið fyrir sýninguna The Weath-
er Diaries, sem fyrst var sett upp
í Nútímalistasafninu í Frankfurt í
vor. Cooper og Gorfer völdu hönn-
uði og listamenn frá Íslandi, Fær-
eyjum og Grænlandi til þátttöku
og unnu ljósmyndir sínar með
þeim. Þátttakendurnir frá Íslandi
eru Guðmundur Hallgrímsson
(Mundi Vondi), Hrafnhildur Arn-
ardóttir (Shoplifter), Guðmundur
Jörundsson (JÖR) og Jóhanna Met-
húsalemsdóttir (Kría Jewelry).
Innsetningarverk Steinunnar
er risastórt, 5x5 m, samansett úr
örsmáum einingum, sem hanga á
þráðum úr loftinu og mynda sam-
fellda heild. „Verkið lítur út fyrir
að vera fatnaður, en þó ekki til að
klæða sig í,“ svarar Steinunn hlæj-
andi þegar hún er beðin um að lýsa
verkinu. „Það þurfti að bora 600
göt í loftið til að hægt væri festa
þræðina og stilla verkinu svona
upp,“ segir hún til nánari skýr-
ingar. Steinunn er stödd í Kaup-
mannahöfn til að fylgja úr hlaði
listaverki sínu sem hún kallar The
Space in Between.
The Weather Diaries er efalítið
ein stærsta listræna sýningin sem
sett hefur verið upp og hverfist um
íslenska, færeyska og grænlenska
fatahönnun. Norræna húsið er
framleiðandi sýningarinnar. - vþj
Það
þurfti að
bora 600 göt
í loftið til að
hægt væri
festa þræð-
ina og stilla
verkinu
svona upp.
BÆKUR ★★★ ★★
Segulskekkja
Soffía Bjarnadóttir
MÁL OG MENNING
Soffía Bjarnadóttir skrifar frum-
legan og oft fallegan stíl í fyrstu
skáldsögu sinni, Segulskekkju.
Hún hefur sýnilega lagt mikið
í textann sem er uppfullur af
skemmtilegum og oft óvæntum
myndum og samsetningum auk
þess sem hún nýtir sér vísanir í
bókmenntir og kvikmyndir óspart
(sem mér finnst ekki ókostur). En
það vantar því miður upp á þann
drifkraft sem sterkur söguþráður
getur veitt textanum og persón-
urnar eru um margt fjarlægar.
Ramma-
frásögnin
snýst u m
ferð aðal-
persónunn-
ar, Hildar, til
Flateyjar til
að vera við
útför móður
sinnar og
dvöl hennar
í húsi móð-
urinnar þar
sem hún rifj-
ar upp fortíðina. Sagan er ágæt-
lega byggð þannig að lesandi fær
að vita meira um fortíð persón-
anna, nýjar persónur eru kynnt-
ar til sögunnar og tengsl þeirra
við aðalpersónurnar koma í ljós
og þetta er það sem rekur sög-
una áfram. Framan af er gaman
að lesa bók Soffíu vegna þess að
stíllinn er upplifun í sjálfu sér en
þegar á líður fer maður að sakna
þess að framvindan grípi mann
betur. Hildur rifjar upp atvik
úr fortíð sinni, sérstaklega þau
sem tengjast sambandi hennar,
eða sambandsleysi, við móður
sína, Siggý, sem var augljóslega
manneskja sem átti við alvar-
leg andleg vandamál að stríða.
En maður verður ekki var við að
aðalpersónan breytist eða þróist
að ráði. Hún er áttavillt í lífinu,
m.a. vegna áhrifa móðurinnar, og
maður hefur enga sérstaka trú á
því að það hafi breyst í lok bókar-
innar þótt hún sé orðin hrifinn af
manni sem hún hittir. Og kannski
er það einmitt punkturinn. Í pers-
ónu Hildar er innbyggð segul-
skekkja sem aldrei verður leiðrétt,
eins og hún segir sjálf: „Siggý er
allar mínar áttir. Hún fann upp átt
skekkjunnar“ (35) og Hildur verð-
ur bara að lifa með því.
Bókin lýsir því hvernig það er
í raun ómögulegt að ná áttum í
lífinu þegar nálin á áttavitanum
stefnir alltaf á skjön við hánorð-
ur. Upphafstilvitnun bókarinnar í
Women Who Run with the Wolves
dregur athygli að því hvernig líf
og dauði haldast í hendur, sköpun
og eyðilegging: Móðirin sem upp-
haf og skapari lífsins er hin hlið-
in á dauða móðurinnar. Því mætti
halda að bókin fjallaði um það
hvernig dauði Siggýjar leiðir til
nýs lífs fyrir dótturina en málið er
ekki svo einfalt, því eins og Hildur
segir um Siggý: „Mamma mín sem
steig aldrei inn í móðurhlutverkið“
(37). Og rétt eins og syndir feðr-
anna bitna á börnunum þá virðast
syndir mæðranna endurtaka sig
í næstu kynslóð. Mæðurnar taka
ekki að sér hlutverk hinnar skap-
andi móður til fulls og því geta
þær ekki heldur tekið að sér hlut-
verk hinnar deyjandi móður. Það
sem deyr fær ekki að deyja og það
sem lifir fær ekki að lifa.
Ásdís Sigmundsdóttir

NIÐURSTAÐA: Í bók Soffíu eru
áhugaverðar pælingar um lífið og
hlutverk fólks í því og stíllinn er á
köflum virkilega skemmtilegur en
framvindunni er nokkuð ábótavant.
Innbyggð skekkja
Fatnaður sem ekki er
hægt að klæða sig í
Steinunn Sigurðardóttir fatahönnuður verður með innsetningarverk á The
Weather Diaries, aðalsýningu Norræna tískutvíæringsins í Kaupmannahöfn.
Sýningin verður opnuð á morgun í Þjóðarljósmyndasafninu danska.
FATAHÖNNUÐUR
Verk Steinunnar á
sýningunni nefnist
The Space in
Between.
LJÓSMYND AF
LJÓSMYND Ljós-
mynd sem Cooper og
Gorfer tóku af verki
Steinunnar og unnu í
samstarfi við hana.
Ragnar Kjartansson opnar á
morgun myndlistarsýningu í
Skúrnum, sem að þessu sinni er
staðsettur við hús Hrafns Gunn-
laugssonar á Laugarnestanga.
Opnunarhelgina má sjá portr-
ettið Bjarni Bömmer hlustar
á Take it easy, þar sem Bjarni
Friðrik Jóhannsson situr og
hlustar á slagarann með Eagles
í Skúrnum og setur hann aftur
og aftur á fóninn. Ragnar verður
með Bjarna og fangar portrettið
í málverki. Í mánuð til viðbótar
verður skrásetning gjörningsins,
þ.e. málverkin, til sýnis í Skúrn-
um.
Í texta með sýningunni segir
Ragnar: „Bjarni Friðrik Jóhanns-
son hefur verið kunningi minn
síðan um aldamót. Bjarni var
trommari í Silfurtónum, Singa-
pore Sling og spilaði aðeins með
mér í kántríhljómsveitinni Fun-
erals þegar bassaleikarinn fór í
fýlu. Fáir menn gleðja mig meira
þegar ég hitti þá á förnum vegi.
Ég spyr hann: „jæja, hvað seg-
irðu?“, hann svarar: „allt ömur-
legt“ eða „allt skítt“. Heiðarlegur
maður í þessu skítapleisi.“
Um helgina er fólki boðið að
heimsækja þá félaga í Skúrinn og
er hann opinn frá klukkan 14 til
18 á morgun og frá klukkan 12 til
18 á sunnudag. Eftir það verður
hægt að skoða málverkin inn um
glugga Skúrsins til 1. desember.
- fsb
Bjarni Bömmer hlustar á Take it easy
Skúrinn stendur nú við hús Hrafns Gunnlaugssonar og þar opnar Ragnar Kjartansson
sérstæða myndlistarsýningu á morgun. Bjarni hlustar á Eagles á meðan Ragnar málar.
PORTRETT
AF BÖMM-
ER Ragnar
Kjartansson
sýnir lifandi
myndlist í
Skúrnum um
helgina.
FRÉTTABLAÐIÐ/
DANÍEL
SOFFÍA BJARNADÓTTIR
Sigríður Thorlacius og Sönghópurinn við
Tjörnina syngja kórútsetningar Gunn-
ars Gunnarssonar á lögum Tómasar R.
Einarssonar í Fríkirkjunni í Reykjavík á
sunnudagskvöldið. Undirleikur verður í
höndum bassaleikarans Tómasar, pían-
istans Gunnars og kóngatrommuleik-
arans Sigtryggs Baldurssonar.
Þetta verða síðustu tónleikarnir á
þessu ári þar sem Sönghópurinn við
Tjörnina og Sigríður Thorlacius flytja
lögin af Mannabörnum.
Tónleikarnir hefjast klukkan 20.
Syngja kórútsetningar á lögum
Tómasar R. Einarssonar:
Mannabörn í
Fríkirkjunni