Skessuhorn - 27.11.2013, Blaðsíða 38

38 ÞRIÐJUDAGUR 26. NÓVEMBER 2013
Ármúli 17a . 108 Reykjavík . sími: 588 9933 | Miðás 9 . 700 Egilsstaðir . sími: 470 1600
www.brunas.is
* Flytjandi ytur vöruna
á þá stöð sem næst er viðskiptavini
FRÍR FLUTNINGUR
Hvert á land sem er*
Komdu í sýningarsali okkar og fáðu faglega þjónustu
og ráðgjöf innanhússarkitekta við val á Brúnás innréttingum
íslensk hönnun . íslensk framleiðsla
„Ég vel íslenskt...“
- Jói Fel
Nýliðun í bændastétt virðist ganga
bærilega víða á Vesturlandi. Fyrir
rúmu ári tóku við búi á Sleggjulæk
í Stafholtstungum Brynjar Bergs-
son og Anna Lísa Hilmarsdóttir.
Margt hefur gerst hjá þeim Brynj-
ari og Önnu Lísu síðasta áratuginn.
Þótt börnin væru orðin þrjú árið
2004 lét Anna Lísa sig ekki muna
um að fara í búfræðinám á Hvann-
eyri. Um svipað leyti stofnuðu þau
verktakafyrirtækið Kaldólf. „Þótt
ég færi í búfræðinámið áttum við
síður von á því að draumurinn um
að verða bændur yrði að veruleika
hjá okkur,“ segir Anna Lísa sem
er úr Búðardal. Brynjar á ættir að
rekja í móðurlegginn í Dalina en
uppeldisstöðvarnar eru á Suður-
landi í Kaldakinn í Holtum þar sem
Brynjar ólst upp.
Brjálað að gera
í bólunni
Þegar þau Anna Lísa og Brynj-
ar kynntust áttu þau fyrir sitthvora
stelpuna, Katrínu og Ídu sem núna
eru 15 og 16 ára. „Það var búið að
„tjekka“ á því að allt væri í standi,“
segir Anna Lísa og það er hlegið við
eldhúsborðið á Sleggjulæk. Síðan
bættist við kvæðamaðurinn Þórð-
ur sem fer með rímur ekkert síð-
ur en langfeður hans hafa sjálfsagt
gert, þó ekki sé nema tólf ára gam-
all. Yngstur er svo Bergur fimm ára,
sem var eitt barnanna heima þegar
blaðamann bar að garði. Þau Anna
Lísa og Brynjar höfðu trú á Borgar-
firði til búsetu þegar þau byggðu sér
hús í Klapparholti rétt ofan Borgar-
ness í bólunni 2006. „Það var brjál-
að að gera á þessum tíma og menn í
ýmsum framkvæmdum, meðal ann-
ars spruttu sumarbústaðahverfin
upp. En það fékkst ekki allt borgað
og vissulega töpuðum við miklum
peningum í hruninu. En það hefur
þó alltaf verið nóg að gera hjá okk-
ur í Kaldólfi og bjargast þótt allt
hafi þurft að borga enda ekkert ver-
ið að flakka á kennitölum hjá okkur.
Það er svona með réttlætið í þessu
landi,“ segir Brynjar.
Búskapurinn
styttir nóttina
Blaðamaður hefur orð á því við
ungu bændurna að það vanti ekki
dugnaðinn, það sé bæði staðið í
verktakastarfsemi og búskap. Fólki
takist þetta náttúrlega engan veg-
inn nema vera mjög samtaka og
vinnusamt. „Já, það var bara gott
að Anna Lísa sýndi þennan áhuga
á að fara í búfræðinámið, því ég hef
aldrei nennt að fara í skóla. Ég vil
bara vinna,“ segir Brynjar og hlær.
– En hvernig er þetta mögulegt
að kaupa bújörð með kvóta í dag
og hafa svona mörg járn í eldin-
um?, spyr blaðamaður. „Það styttir
nóttina að hafa búskapinn með og
reikningslega á þetta ekki að vera
hægt. Þetta á þó að geta gengið upp
og við erum alveg staðráðin í því að
láta það takast,“ segir Brynjar. Bú-
stofninn er tæplega 30 mjólkandi
kýr og um 90 kindur. Búfræðingur-
inn Anna Lísa segir að þetta sé ekki
nægur bústofn. „Við stefnum að því
að fjölga og það þarf þess til að ná
meiru út úr búinu,“ segir hún.
Sáðu korni í tíu hektara
Sleggjulækjarbændur byrjuðu strax
síðasta vor að rækta korn. Sáðu
þá byggi í tíu hektara. „Þetta var
náttúrlega hræðilegt sumar bæði
til heyskapar og kornræktar. Við
fengum þó þrjú tonn af hektaran-
um sem telst alveg viðunandi mið-
að við árferðið. En einhvern tíma
heyrði ég að tvö fyrstu árin í bú-
skap ættu að vera erfið til að hlut-
irnir gangi upp og það er kannski
eins gott að þau séu það,“ segir
Brynjar og aftur er hlegið við eld-
húsborðið. Þau segja að það hefði
varla komið annað til greina en
endurvekja kornrækt á Sleggjulæk
sem þar hefur líklega verið stund-
uð fyrir rúmri öld. Allavega sé vit-
að af því að kornmylla hafi verið
þar 1904.
Góð skipulagning
nauðsynleg
Þau Brynjar og Anna Lísa segjast
kunna mjög vel við sig í skemmti-
legu bændasamfélagi í Borgar-
firði. Vissulega séu þó talsverð
viðbrigði að flytja frá Klappar-
holti og upp í Stafholtstungur.
„Það þarf að skipuleggja hlutina
vel og ég reyni helst að sleppa með
að fara einu sinni í viku í Borgar-
nes til að versla,“ segir Anna Lísa
og Brynjar bætir við. „Helstu við-
brigðin eru náttúrlega mun meiri
keyrslur. Maður er endalaust að
keyra hérna fram og til baka. Og
það virðist ekkert vera að fækka
ferðunum núna þegar póstkass-
arnir verða fluttir niður að þjóð-
vegi. Þá þarf að keyra þessa sveit
næstum á enda til að ná í póst-
inn,“ segir Brynjar sposkur á svip
að endingu.
þá
Áttu síður von á því að draumurinn yrði að veruleika
Sleggjulækur í Stafholtstungum.
Bændur á Sleggjulæk, Brynjar Bergsson og Anna Lísa Hilmarsdóttir, ásamt Bergi yngri syninum.