Skessuhorn - 27.11.2013, Blaðsíða 67

67ÞRIÐJUDAGUR 26. NÓVEMBER 2013
S
K
E
S
S
U
H
O
R
N
2
01
3
Sölustaðir:
Model Akranesi
Blómsturvellir Hellissandi
Skipavík Stykkishólmi
Jólin eru yndislegur tími. Við höfum skreytt
allt heima fyrir, andrúmsloftið er heillandi og við
gleðjumst yfir fallegum gjöfum
Trausti Már Ísaksen er fjórtán ára
drengur á Akranesi. Hann er mik-
ill áhugamaður um rapptónlist
og hefur rappað sjálfur frá unga
aldri. Trausti hefur víða kom-
ið opinberlega fram. Hann hefur
þá bæði rappað, sungið og dansað
breikdans. Rappið á þó hug hans
allan. Hann kynntist rappinu fyrst
aðeins fjögurra ára gamall. „Ég
fékk áhuga á rappi í gegnum mág
minn, Ásgeir Þór Kristinsson tón-
listarmann, þegar ég var svona
fjögurra ára. Ég var svo sjálfur
byrjaður að rappa þegar ég var um
sex ára gamall,“ segir Trausti Már.
Trausti bjó á Ísafirði fyrstu ævi-
árin og kom fyrst fram þar. „Þeg-
ar ég var tíu ára rappaði ég fyrst
opinberlega. Það var í fertugsaf-
mæli pabba míns. Þá var ég búinn
að gefa út geisladisk með þremur
lögum sem hét „MC Ísaksen, smá-
skífa - Sátt.“ Geiri hjálpaði mér að
gera diskinn. Svo seldi ég örugg-
lega fjörtíu eintök af honum í af-
mælinu hans pabba,“ segir Trausti
og hlær. Geiri, mágur hans, hefur
hjálpað honum mikið í tónlistinni
allar götur síðan.
Kom fram á tónlistar-
hátíð tæplega ellefu ára
Árið 2007 fannst Trausta dagskrá-
in á 17. júní ekki nógu spennandi.
Honum datt því í hug að koma
sjálfur fram og dansa breikdans.
„Ég bjó sjálfur til auglýsingu og
dreifði henni í hús. Svo mætti ég
bara með tæki með mér og dans-
aði.“ Árið á eftir var haft sam-
band við hann. Trausti kom fram
á þjóðhátíðardeginum á Ísafirði
næstu þrjú árin, ýmist til að dansa
eða rappa. Þegar Trausti var tæp-
lega ellefu ára tróð hann upp fyrir
framan fjölda fólks á tónlistarhá-
tíðinni „Aldrei fór ég suður.“ Þar
kom hann fram sem rapparinn
MC Isaksen með hljómsveitinni
Stjörnuryk. Eftir það fór bolt-
inn strax að rúlla. „Erpur Eyvind-
arson vildi fá mig á svið með sér
strax sama kvöld. Það var hringt
í mig seint um kvöldið, örugglega
eftir miðnætti og ég fór bara strax
upp á svið. Það var í fyrsta sinn
sem ég kom fram með Erpi. Sím-
inn hringdi mikið eftir það. Fólk
vildi fá að vita hvað ég væri gam-
all og var forvitið um þetta,“ út-
skýrir Trausti. Erpur og Trausti
gáfu út rapplagið „Pabbarnir“
seinna sama ár. Það fékk mikla
spilun í útvarpi og komu þeir fé-
lagar meðal annars fram í Kast-
ljósi. Trausti fékk mikið umtal á
þessum tíma. Hann þótti mjög
efnilegur í bransanum.„Ég kom
fram víða um land með Stjörn-
uryki þetta ár. Geiri var einmitt í
þeirri hljómsveit.“
Erfitt að rappa
í mútum
Trausti fluttist til Akraness með
fjölskyldu sinni haustið 2009. Eft-
ir það hefur hann haldið áfram
að semja og koma fram. Hann
kom fram á kaffihúsakvöldum
og á samsöng hjá Grundaskóla
eftir að þeir félagar sömdu lag-
ið „Lífið er gott.“ En eins og al-
gengt er hjá drengjum á unglings-
árum hefur hann átt erfitt með
að stjórna röddinni eftir að hann
byrjaði í mútum. „Eftir að rödd-
in fór að bresta átti ég erfiðara
með að rappa. Við hættum við að
skrá okkur á „Aldrei fór ég suð-
ur“ í fyrra en þá var röddin byrjuð
að vera pínu fölsk. Ég þorði ekki
að taka sénsinn á að vera með það
árið. Það hefði orðið svo vand-
ræðalegt ef röddin myndi bresta
á sviðinu. Planið er samt að vera
með aftur seinna, mig langar það“
segir Trausti.
Nýtir tímann til
að semja
Þó að rólegt hafi verið í rappinu
út af mútunum undanfarið þá hef-
ur Trausti haft nóg að gera. Hann
nýtir tímann meðal annars til að
semja en stefnan er að gefa út
plötu í framtíðinni. „Geiri hef-
ur hjálpað mér mikið að semja og
með textana. Mér finnst best að fá
taktinn áður en byrjað er á textan-
um. Geiri hefur hjálpað mér með
það. Núna er hann að kenna mér
að búa taktinn til sjálfur þannig að
ég get farið að semja meira án að-
stoðar.“
Þrátt fyrir breytingar á rödd-
inni hefur Trausti haldið áfram að
koma fram. Hann lék og rappaði
í söngleiknum „Elskaðu friðinn“
sem settur var á svið í Bíóhöllinni
í maí á þessu ári. Hann er einn-
ig í hljómsveitinni Project 9 og
söng við undirleik hennar í upp-
setningunni á Ungum – Göml-
um á Vökudögum. „Það er alveg
ótrúlega erfitt að stjórna rödd-
inni og syngja. En sem betur fer
þá reddast þetta alveg. Ég hætti
ekkert, ég læt múturnar ekkert
stoppa mig,“ segir Trausti Már Ís-
aksen, eða rapparinn MC Isaksen,
að lokum. grþ
Trausti tók meðal annars þátt í sýningunni Ungir – Gamlir á Vökudögum í haust.
Hér er hann þriðji frá vinstri.
Ungur og efnilegur rappari á Akranesi
Trausti Már hefur nóg að gera í söngnum og hljóp út í myndatöku á milli hljóm-
sveitaræfinga.