Skessuhorn - 27.11.2013, Blaðsíða 18

18 ÞRIÐJUDAGUR 26. NÓVEMBER 2013
Snorrastofa í Reykholti
Fyrirlestrar í héraði
Uppsala-Edda
Klúður eða kennslubók?
Heimir Pálsson flytur
Heimir er ritstjóri bókarinnar Uppsala-Edda. Handritið DG 11 4to,
sem Snorrastofa gaf út á árinu í samvinnu við bókaúgáfuna Opnu.
Snorrastofa, menningar- og miðaldasetur
í Reykholti
Sími 433 8000
www.snorrastofa.is
snorrastofa@snorrastofa.is
Þriðjudaginn 3. des. 2013
kl. 20:30
í Bókhlöðu Snorrastofu
Umræður og kaffiveitingar
Aðgangur kr. 500
Falleg föt á góðu verði
ff
f
f
f
Aðalfundar Umhverfisvaktarinn-
ar við Hvalfjörð var haldinn 12.
nóvember síðastliðinn. Á fundin-
um voru samþykktar fimm tillögur
sem óskað hefur verið eftir að birt-
ust í Skessuhorni:
Styrkur flúors mældur
1. Aðalfundur Umhverfisvaktar-
innar við Hvalfjörð, haldinn 12.
nóvember 2013, skorar á um-
hverfis- og auðlindaráðherra og
atvinnuvega- og nýsköpunar-
ráðherra að beita sér fyrir því að
styrkur flúors í andrúmslofti verði
mældur allan ársins hring í Hval-
firði, en ekki einungis yfir gróðr-
artímabilið eins og nú er. Bent
skal á að í starfsleyfi Norðuráls er
gert ráð fyrir að unnt sé að stunda
hefðbundinn búskap utan þynn-
ingarsvæðis vegna flúors en reynd-
in er sú að mikið magn flúors hef-
ur mælst bæði í sauðfé og hross-
um á svæðinu. Heilsu búfjárins er
hætta búin vegna flúormengun-
ar frá Norðuráli, eins og lesa má
í skýrslu iðjuveranna á Grundar-
tanga um umhverfisvöktun.
Brennisteinstvíoxíð
verði mælt
2. Aðalfundur [...] skorar á um-
hverfis- og auðlindaráðherra og at-
vinnuvega- og nýsköpunarráðherra
að að fylgjast sérstaklega með los-
un á brennisteinstvíoxíði á iðnað-
arsvæðinu á Grundartanga þar sem
slík mengun er komin yfir skil-
greind þolmörk sbr. skýrslu Faxa-
flóahafna sem gefin var út s.l. vor.
(Grundartangi, úttekt á Umhverf-
isáhrifum, útg. í maí 2013). Fund-
urinn skorar á ráðherra að beita
sér fyrir því að stofnanir sem undir
hann heyra taki mið af stöðu meng-
unar á Grundartanga, við útgáfu
starfsleyfa, við ákvörðun losunar-
heimilda til iðjuveranna og við eft-
irlit með mengun á svæðinu.
Viðbragðsaætlun
verði gerð
3. Aðalfundur [...] skorar á umhverfis-
og auðlindaráðherra og atvinnuvega-
og nýsköpunarráðherra að beita sér
tafarlaust fyrir því að útbúin verði
viðbragðsáætlun vegna mögulegra
bilana í hreinsivirkjum Norðuráls og
Elkem, svo og í mengunarvarnarbún-
aði annarra iðjuvera á Grundartanga.
Stuðningur
við Hraunavini
4. Aðalfundur [...] lýsir yfir einlæg-
um stuðningi við baráttu Hraunavina
vegna verndunar Gálgahrauns. Fund-
urinn bendir á, að frestun á gildistöku
nýrra náttúrverndarlaga býður upp á
það að félög og samtök sem beita sér
fyrir náttúruvernd verði hundsuð af
yfirvöldum í framtíðinni. Slíkt væri í
hróplegu ósamræmi við Árósasamn-
inginn um umhverfisvernd og mann-
réttindi sem var fullgiltur af íslensk-
um stjórnvöldum 2011.
Tryggi öryggi
Grundartangahafnar
5. Aðalfundur [...] skorar á Faxaflóa-
hafnir að tryggja öryggi umhverf-
isins eigi höfnin á Grundartanga að
vera öryggishöfn. Að til sé búnað-
ur og sérþjálfað starfsfólk til að tak-
ast á við hvern þann vanda sem upp
kemur, svo sem olíluleka, efnameng-
un eða eldsvoða.
Leikfélagið Skagaleikflokkurinn
frumsýndi leikritið Sagnakonan sl.
föstudag í Safnaskálanum í Görð-
um. Höfundur verksins er Óskar
Guðmundsson og leikstjóri Jakob
S. Jónsson. Það fór vel að vera með
þessa sýningu á þessum stað, þar
sem þetta fjallar um sagnakonuna
Guðnýju Böðvarsdóttur frá Görð-
um á Akranesi. Þessi kona hef-
ur verið nánast óþekkt, eins og svo
margar formæður okkar frá þessum
tíma. Íslendingasögurnar snúast
meira um karlmennina en kvenfólk-
ið, þó svo að nokkrir kvenskörung-
ar séu nefndir þar. Guðný var dótt-
ir Böðvars Þórðarsonar í Görðum.
Hún var fædd um 1147/1148, var
ung gefin Hvamms-Sturlu og eign-
aðist með honum fimm börn. Hún
bjó á Hvammi í Dölum á bæ Auð-
ar djúpúðgu sem hún leit greinilega
mjög upp til. Síðustu æviárin bjó
hún í Reykholti hjá Snorra syni sín-
um. Guðný segir frá ýmsu drama-
tísku sem gerðist á þessum tíma,
deilum milli höfðingja, ástum og
ferðalögum. Hún sjálf hafði meira
að segja farið til Noregs.
Það var gaman að heyra Guð-
nýju rekja ættir sínar og gaman að
því hversu vel sagan var fléttuð inn
í nútímann. Leikhúsgesturinn lif-
ir sig alveg inn í söguna þegar hún
er að segja frá öllu því sem gerðist
á þessum tíma. Maður dettur alveg
inn í gamla tímann og söguna sem
er á alvarlegri nótum þegar Ingi-
bjargirnar þrjár skjóta inn einhverj-
um setningum sem tengjast nútím-
anum og maður brestur í hlátur.
Það er samt svo einkennilegt hvað
sumt getur verið líkt með gamla
tímanum og nútímanum og passar
vel saman.
Guðbjörg Árnadóttir leikur Guð-
nýju og ferst það vel úr hendi. Hún
hefur þessa góðu sagnakonu rödd
sem nær til sýningargesta. Ingi-
bjargirnar þrjár eru leiknar af Þór-
dísi Ingibjartsdóttur, Erlu Gunn-
arsdóttur og Lilju Rut Bjarnadótt-
ur. Þær eru flottar í sínum hlut-
verkum og alveg „sultu-slakar“ eins
og þær segja sjálfar. Þetta er sýning
sem enginn ætti að láta framhjá sér
fara. Hún er vel skrifuð, vel leikin
og skemmtileg.
Næstu sýningar á Sagnakonunni
verða í Safnaskálanum þriðjudaginn
26. nóv., fimmtudaginn 28. nóv.,
laugardaginn 30. nóv. og mánudag-
inn 2. des. Sýningartími er klukkan
20 alla dagana. Miðapantanir eru í
símum 897-4125. Einnig er hægt
að panta á netfanginu: skagaleikfl@
gmail.com S. Halla Kjartansdóttir.
Ályktað um umhverfismál á aðal-
fundi Umhverfisvaktarinnar
Sagnakonan Guðný í Görðum
Leikendur í sýningunni, Lilja Rut Bjarnadóttir, Erla Gunnarsdóttir, Guðbjörg
Árnadóttir og Þórdís Ingibjartsdóttir.
Snæfellingur 50 ára
2. desember 2013
Í tilefni af því verður boðið í afmæliskaffi
mánudaginn 2. desember kl. 20
á Vegamótum, Eyja-og Miklaholtshreppi
Snæfellingur var stofnaður á Vegamótum 2. des. 1963
Fundarboðandi var Leifur Kr. Jóhannesson.
Við munum veita verðlaun til
knapa, ræktenda og heiðursfélaga.
Gott væri að vita hverjir koma svo við getum
áætlað hvað þarf með kaffinu.
Megið senda okkur línu eða bara heyra í okkur fyrir 1. des.
Ásdís 845 8828 asdissig67@gmail.com
Sigga 893 1584 herborg@emax.is
Vonumst til að sjá sem flesta.
Stjórnin