Skessuhorn - 27.11.2013, Blaðsíða 34

34 ÞRIÐJUDAGUR 26. NÓVEMBER 2013
Verslunin Belladonna
Skeifunni 8 • 108 Reykjavík • Sími: 517 6460 • www.belladonna.is
Flott föt fyrir
flottar konur
Stærðir 38-58
Verið velkomin – heitt á könnunni
Jólagjafir jólafatnaður
S
K
E
S
S
U
H
O
R
N
2
01
3
Afgreiðslutími frá og með 7. desember:
Mánud. – föstud. kl. 11.00 -12.00 og kl. 13.30 -18.00
á kvöldin kl. 20.00 – 22.00
Laugardaga kl. 13.00 – 18.00
Sunnudaga kl. 13.00 – 16.00
Úr og skartgripir frá SIGN, OXXO, SNÖ
Leikföng og spil
Dömu og herra fatnaður
Falleg gjafavara
40% AFSLÁTTUR AF ÖLLUM
ÍÞRÓTTAFATNAÐI OG ÍÞRÓTTASKÓM, TIL JÓLA
Leitið ekki langt yfir skammt að góðri
þjónustu og gríðarlegu vöruúrvali á
betra verði en þig grunar!
Samtök skapandi ungs fólks á Vest-
urlandi eru ný samtök einstaklinga
sem vinna í svokölluðum skapandi
greinum og búa, starfa eða eiga aðr-
ar tengingar til landshlutans. Stofn-
fundur samtakanna fór fram mánu-
daginn 18. nóvember sl. í Safna-
skálanum á Akranesi. Kaus fund-
urinn sér stjórn. Í henni sitja þau
Sigursteinn Sigurðsson arkitekt í
Borgarnesi, Magnús Hreggviðsson
grafískur hönnuður frá Borgarnesi,
Bryndís Geirsdóttir kvikmynda-
framleiðandi frá Reykholti, Erla
Margrét Gunnarsdóttir myndlista-
kona og Rósa Björk Sveinsdóttir
grafískur hönnuður frá Hvanneyri.
Sigursteinn var kjörinn formaður
samtakanna sem 22 einstaklingar
eiga nú aðild að.
Fann fólk í gegnum SSV
Að sögn Sigursteins er markmið
samtakanna að byggja upp bak-
land og tengja saman allt það góða
fólk sem starfar við skapandi grein-
ar á Vesturlandi og gera hlut þess
og störf sýnilegri. „Hugmyndin að
stofnun félagsskaparins blundaði í
mér um nokkra hríð. Hún komst
á næsta stig meðan ég var að vinna
fyrir Samtök sveitarfélaga á Vestur-
landi við framkvæmd íbúakönnun-
ar í sumar. Í samtölum mínum við
starfsfólk SSV og Elísabetu Har-
aldsdóttur menningarfulltrúa hjá
Menningarráði Vesturlands fór
maður að heyra af ungu fólki sem
vinnur við skapandi störf víðsvegar
um landshlutann. Sjálfur hef ég haft
tengsl við nokkur á svæðinu sem
eru að vinna við hönnun og aðra
sköpun eins og ég í arkitektúrnum.
Það er aðallega fólk í Borgarnesi og
nágrenni þar sem ég bý. Ég komst
að því að það er fjöldi af ungu fólki
þarna úti sem er að vinna að fróð-
legum og flottum verkefnum. Mér
þótti því þjóðráð að reyna að koma
þessum fólki í tengsl hvort við ann-
að.“ Sigursteinn segir starfsfólk
SSV hafa stutt vel við framtakið frá
fyrstu hendi.
Vilja breyta viðhorfum
Úr varð að hann setti sig í sam-
band við fólk sem hann fékk veður
af hjá SSV. Áður en langt um leið
voru tíu einstaklingar samankomn-
ir á óformlegum spjallfundi seint í
haust til að leggja drög að stofnun
samtakanna. „Það myndaðist mik-
il gerjun í hópnum á þessum fundi.
Það kom á daginn að fólk hafði
mikinn áhuga fyrir stofnun sam-
takanna. Flestir höfðu sömu sögu
að segja og töldu skilning á mik-
ilvægi og kostum skapandi greina
ekki fullnægjandi í sínu nærum-
hverfi. Engu að síður hefur hópur-
inn fullan hug á að breyta þessum
viðhorfum. Einnig kom í ljós að
í hópi þeirra sem bjuggu á höfuð-
borgarsvæðinu blundar sterk löng-
un til að flytja aftur heim ef réttu
aðstæðurnar mynduðust. Því má
með sanni segja að samtökin séu
öðrum þræði hugsuð sem hálfgert
verkfæri þessa hóps til að hafa áhrif
á vestlenskt samfélag, auðga það og
bæta og í leiðinni gera það búsetu-
vænlegra en ella. Við sjáum einnig
samtökin fyrir okkur sem hugveitu,
nokkurskonar upplýsingafarveg þar
sem meðlimir geta lært hvorir af
öðrum og fengið nýjar hugmyndir
til að hrinda í framkvæmd.“
Fjölbreyttur hópur
Spurður um hví sé þörf á því að
draga fram mikilvægi skapandi
greina fyrir landshlutann svarar
Sigursteinn því til að í þeim leynist
fjöldi tækifæra. Einnig er orðið
brýnt að leiða saman þá sem vinna
slík störf á Vesturlandi. Vekja þurfi
athygli samfélagsins á því hve mik-
ið af fólki landshlutinn á í þessari
grein. „Allir sem hafa gengið til
liðs við okkur eiga það sammerkt
að hafa atvinnu í skapandi greinum
og eru orðnir fagmenn í sínu fagi,
hvort sem er sökum starfsreynslu
eða menntunar. Innan hópsins eru
arkitektar, tónlistarfólk, textasmið-
ir, listmálarar, grafískir hönnuð-
ir, innanhúshönnuðir, kvikmynda-
gerðarfólk og leikarar svo ein-
hver dæmi séu nefnd. Von okkar
er að sviðin verði fjölbreyttari eft-
ir því sem samtökin vaxa. Meðlim-
ir koma frá öllum svæðum Vestur-
lands. Það á klárlega eftir að styrkja
tengsl samtakanna við allan lands-
hlutann. Það er okkar vilji að hafa
tengsl sem víðast.“
Leita eftir
nýjum félögum
Sigursteinn segir að nú sé verið
að undirbúa formlegar samþykkt-
ir félagsins og hnýta alla lausa enda
sem fylgja því að setja samtök sem
þessi á legg. „Við eigum líka eftir
að finna grípandi nafn á samtökin
sem vonandi finnst áður en langt
um líður. Með vorinu stefnum við
síðan á halda viðburð, svokallað
ráðstefnuhlé. Þar getur fólk hist og
rætt saman um framtíð skapandi
greina í landshlutanum. Inn á milli
verða stutt og snörp erindi. Þetta
verður því nokkurskonar ráðstefna
með öfugum formerkjum. Það er
gömul saga og sögð að bestu hug-
myndirnar skapist oft í ráðstefnu-
hléunum.“
Að lokum auglýsir hann eftir nýj-
um félögum og ábendingum um
einstaklinga sem ættu heima í fé-
lagsskap sem þessum. „Kröfurnar
eru þær að fólk sé vinnandi í skap-
andi greinum og hafi tilhlýðilega
menntun og reynslu sem slík iðja
krefst. Til að koma upplýsingum
um mögulega nýja félaga á fram-
færi er best að setja sig í samband
við stjórnarmenn. Þegar við höfum
svo klárað öll formlegheit í kring-
um stofnun samtakanna munum
við síðan gera okkur meira áber-
andi svo sem á vefnum og á sam-
félagsvefjum. Meira af því síðar,“
segir Sigursteinn hróðugur í bragði
fyrir hönd samtakanna að lokum.
hlh
Sigursteinn kynnir nýja sýn á skipulagsmál í Borgarnesi fyrir þeim Halldóri Heiðar Bjarnasyni og Lilián Pineda á sýningunni
Borgarbyggðungar sem hann setti upp í Gamla mjólkursamlaginu í fyrra. Halldór Heiðar og Lilían starfa einnig í skapandi
greinum, Halldór sem hljóðvinnslufræðingur og Lilían er sérlærð í sviðslistum.
Vesturland verði góður staður fyrir ungt
fólk í skapandi greinum
Sigursteinn Sigurðsson arkitekt og formaður samtakanna á vinnustofu sinni.