Skessuhorn - 27.11.2013, Blaðsíða 90

90 ÞRIÐJUDAGUR 26. NÓVEMBER 2013
Jón Rúnar Hilmarsson, skólastjóri
Leik- og grunnskóla Hvalfjarðar-
sveitar, gaf nýlega út sína aðra ljós-
myndabók, Ljós og náttúra Norð-
urlands vestra. Jón Rúnar hafði
áður gefið út ljósmyndabókina Ljós
og náttúra Skagafjarðar árið 2011.
Sú bók fékk góð viðbrögð fyrir efn-
istök og gæði. „Þessi bók er rökrétt
framhald af þeirri bók. Frá árinu
2005 til vors 2012 var ég skóla-
stjóri Grunnskólans austan Vatna
í Skagafirði. Á þeim tíma fékk ég
áhuga á ljósmyndun enda náttúra
og landslag Íslands einstaklega fal-
legt og myndrænt. Ég fór fljótlega
að halda ljósmyndasýningar, fyrst
í Skagafirði síðan víðar um land-
ið. Sem síðar leiddu af sér þess-
ar tvær bækur,“ segir Jón Rúnar.
Hann segir að sjóndeildarhringur-
inn hafi stækkað og hann búist við
að gefa út ljósmyndabók um Vest-
urland eftir tvö til þrjú ár. „Núna
er það Norðurland vestra sem tek-
ið er fyrir. Ljós og náttúra Norð-
urlands vestra er viðleitni að draga
fram áhugavert landslag, náttúru,
ýmiss kennileiti og örnefni lands-
hlutans. Oft myndaði ég í ljósa-
skiptunum en þá gerast ósjaldan
ótrúlegir hlutir í náttúrunni sem
gefa myndunum fjölbreyttari um-
gjörð og litskrúðugri en venju-
lega,“ segir Jón Rúnar. Bókin Ljós
og náttúra Norðurlands vestra hef-
ur að geyma 121 mynd, en hún hef-
ur verið í vinnslu síðustu þrjú árin.
Myndir í bókina voru teknar á öll-
um tímum dagsins, á öllum árstíð-
um, af landi og úr lofti. Með mynd-
unum fylgir skýringartexti bæði á
íslensku og ensku.
þá
Vinnumálastofnun hefur ýtt úr vör
samstarfsverkefni með sveitarfé-
lögum í landinu um þjónustu við
atvinnuleitendur sem eru án bóta-
réttar í atvinnuleysistryggingakerf-
inu og njóta fjárhagsaðstoðar frá
félagsþjónustu sveitarfélaga. Verk-
efnið hefur fengið nafnið Stígur og
er markmið þess að styrkja viðkom-
andi einstaklinga í leit sinni að at-
vinnu og fækka þannig í hópi þeirra
sem þurfa á fjárhagsaðstoð sveitar-
félaga að halda.
Sá hópur sem verkefnið tekur til
er fólk sem ýmist hefur tæmt rétt
sinn til atvinnuleysisbóta á liðn-
um árum eða hefur af einhverjum
ástæðum ekki náð að skapa sér þann
rétt. Félagsþjónustur sveitarfélaga
munu vísa þeim sem í hlut eiga í
starfsráðgjöf og vinnumiðlun hjá
Vinnumálastofnun samkvæmt sér-
stöku verklagi. Áætlað er að þjón-
usta Vinnumálastofnunar taki til
um 1500 einstaklinga á landinu öllu
sem eru í þessari stöðu. Þjónustan
mun fyrst og fremst felast í starfs-
ráðgjöf og vinnumiðlun en einn-
ig verður fólki í þessum hópi boðið
að taka þátt í þeim vinnumarkaðs-
úrræðum sem Vinnumálastofnun
skipuleggur fyrir atvinnuleitend-
ur til að örva leit þeirra að starfi og
auka starfshæfni. Að baki ákvörðun
um slíka þjálfun liggur mat ráðgjafa
og fjárhagslegt svigrúm stofnunar-
innar á hverjum tíma.
Í tilkynningu um verkefnið seg-
ir að mikilvægur þáttur í því felist
í að ávallt séu fyrir hendi nægilega
mörg starfsþjálfunartækifæri fyr-
ir atvinnuleitendur hjá fyrirtækjum
og stofnunum ríkis og sveitarfélaga
en slík þjálfun hefur reynst árang-
ursríkasta aðferðin til að tryggja fast
starf í kjölfarið. „Vinnumálastofnun
mun nú samhliða treysta samstarf
sitt við atvinnulífið í þessum efnum
og kynna ávinning þess að bjóða at-
vinnuleitendum starfsþjálfun, fyrir-
tækjunum og einstaklingunum sem
um ræðir og samfélaginu, öllum til
hagsbóta.“ Verkefnisstjóri Stígs af
hálfu Vinnumálastofnunar er Ragn-
heiður Hergeirsdóttir forstöðu-
maður Vinnumálastofnunar á Suð-
urlandi. mm
Aðalsteinn Sigfússon sviðsstjóri velferðarsviðs Kópavogsbæjar, Gyða
Hjartardóttir félagsþjónustufulltrúi Sambands íslenskra sveitarfélaga og Gissur
Pétursson forstjóri Vinnumálastofnunar handsöluðu samkomulag um verkefnið
Stíg 19. nóvember sl.
Stígur er nýtt samstarfsverkefni um
starfsráðgjöf og atvinnuleit
Skólastjórinn í Hvalfjarðarsveit gefur út
sína aðra ljósmyndabók
Laufskálarétt er þekktasta stóðrétt landsins. Þarna koma saman 2-3 þúsund manns á hverju hausti, dást að fallegum
hrossum, syngja saman og eiga góðan dag.
Forsíða bókarinnar er mynd af Hvítserk í Húnaflóa. Myndin var tekin við sólar-
upprás í júlí 2012. Birtan og rauði bjarminn getur verið mjög sterkur fyrir norðan
eins og sést á myndinni.
Kálfhamarsvík er á vestanverðum Skaga. Fallegar stuðlabergsmyndanir eru að finna í víkinni og passar þessi tignarlegi viti
vel inn í umhverfið.
Styttan af ferjumanninum Jóni Ósmann stendur við ósa Vestari Héraðsvatna í
Skagafirði. Þessi mynd er tekin við sólarlag.