Skessuhorn - 27.11.2013, Blaðsíða 59
59ÞRIÐJUDAGUR 26. NÓVEMBER 2013
Hótel Glymur • info@hotelglymur.is • www.hotelglymur.is • Sími: 430 3100
Gjafabréf sem gleður
Borgnesingurinn Bjarki Pétursson
er án efa einn efnilegasti kylfing-
ur landsins. Bjarki sem er einungis
19 ára gamall hafnaði í fjórða sæti á
Eimskipsmótaröðinni í golfi síðasta
keppnistímabil sem var það fyrsta
hjá honum í meistaraflokki. Áður
hafði Bjarki lagt áherslu á keppni
á unglingamótaröð Golfsambands
Íslands þar sem hann náði afar góð-
um árangri, enda vann hann alla
titla sem í boði voru í öllum aldurs-
flokkum mótaraðarinnar. Þess utan
hefur hann átt sæti í yngri landslið-
um GSÍ og keppt fyrir þeirra hönd á
alþjóðlegum mótum, verið ríkjandi
klúbbmeistari Golfklúbbs Borgar-
ness síðustu fimm ár auk þess að
vera vallarmetshafi á Hamarsvelli í
Borgarnesi. Þá hefur hann verið út-
nefndur Íþróttamaður UMSB og
Íþróttamaður Borgarbyggðar.
Gerir betur
næsta sumar
Bjarki segir sumarið hafi verið krefj-
andi fyrir sig og hafi spilamennskan
ekki verið nægjanlega góð að hans
mati. „Ég er kannski full kröfu-
harður á sjálfan mig en mér fannst
árangur sumarsins ekki sérstaklega
góður, ég vildi ná betri árangri.
Pabbi minn hefur þó sagt mér að
yfir heildina geti ég verið ánægður
með árangurinn þar sem þetta hafi
verið mitt fyrsta ár í meistaraflokki
og meðalskorið mitt verið svipað
og síðustu sumur. Það bætti ekki
úr skák að ég spilaði veikur á fyrsta
mótinu mínu í Eimskipsmótaröð-
inni og svo átti ég í vandræðum
með atriði í leik mínum í Íslands-
mótinu í holukeppni sem fram fór í
Borgarnesi í júní. Þegar leið á sum-
arið fór ég hins vegar að spila betur
og átti ég mína bestu spretti und-
ir lok tímabilsins. Ég er hins vegar
staðráðinn í því að gera betur næsta
sumar og mun þá byggja á reynsl-
unni sem ég öðlaðist í ár sem var
nauðsynleg.“
Aukin samkeppni
Það krefst mikilla fórna að vera
góður í íþróttum segir Bjarki og
er golfíþróttin engin undantekn-
ing hvað það varðar. „Til að stand-
ast samkeppnina dugar ekkert
minna en að fylgja stífu æfingapró-
grammi allt árið. Íslendingar eiga
marga góða kylfinga og var vissu-
lega breyting í ár að keppa við 30
álíka góða í staðinn fyrir áður tvo
til þrjá svipaða að getu í unglinga-
flokki. Hver mistök verða dýr-
keypt. Æfingarnar krefjast tíma og
fyrirhafnar og sömuleiðis peninga
sem liggja ekki út um allt. Í sumar
vann ég meira en ég hef gert und-
anfarin ár og ég held að álagið sem
því fylgdi hafi haft nokkur áhrif á
spilamennskuna. Vinnuveitendur
mínir sýndu mér þó góðan skilning
sem hjálpaði mér mjög mikið. Síð-
an hafa mamma og pabbi verið afar
dugleg við að leggja mér lið í gegn-
um árin sem skiptir mig gríðarlegu
máli,“ segir Bjarki en foreldrar hans
eru þau Pétur Sverrisson og Fjóla
Pétursdóttir.
Góður sigur í Eyjum
Engu að síður unnust góðir sigrar
á golfvellinum í sumar og að mati
Bjarka stóð upp úr sigur Golfklúbbs
Borgarness í 2. deild Sveitakeppni
GSÍ í ágúst. „Keppnin fór fram í
Vestmannaeyjum og var mjög eft-
irminnileg. Það var frábær stemn-
ing í keppnissveitinni sem Finn-
ur Jónsson stýrði og mikill hugur í
mönnum. Við komust í úrslitaleik-
inn og lékum þar gegn sveit Golf-
klúbbsins Leynis frá Akranesi sem
við unnum. Þetta var sætur sig-
ur því Skagamenn sigruðu okk-
ur í riðlakeppninni. Golfklúbb-
ur Borgarness leikur því í 1. deild
meðal þeirra bestu að ári en þetta
er besti árangur klúbbsins í keppn-
inni frá upphafi,“ segir Bjarki sem
hlakkar til að keppa í efstu deild á
næsta ári.
Æfingar framundan
Bjarki hefur verið í hefðbundinni
hvíld frá golfæfingum undanfarnar
vikur en hefur þess í stað stundað
þreksalinn og körfuboltaæfingar á
milli til að halda líkamanum í góðu
formi. „Ég er núna að byrja æfingar
aftur og er fókusinn í augnablikinu
á vipp og pútt. Síðan fer ég fljót-
lega að fara á æfingar hjá þjálfara
mínum honum Sigurði Hafsteins-
syni og verður æft á æfingasvæð-
um í höfuðborgarsvæðinu og hér
heima í bland.“
Sjálfur er Bjarki nemandi á félags-
fræðabraut í Menntaskóla Borgar-
fjarðar og stefnir á að ljúka stúd-
entsprófi í vor. Hann kveðst stefna
á áframhaldandi nám á Íslandi og
hefur augastað á námi í íþrótta- og
heilsufræði við Háskóla Íslands á
Laugarvatni. „Þetta á reyndar allt
eftir að ráðast en forgangsverkefni
er að klára menntaskólann. Draum-
ur minn er hins vegar að ná langt
innan golfheimsins og að gera golf-
ið að minni atvinnu, hvort sem það
er sem þjálfari eða kylfingur. Það er
númer eitt.“
hlh
Vill gera golfið að sinni atvinnu
Bjarki Pétursson.