Skessuhorn - 17.06.2014, Qupperneq 4

4 ÞRIÐJUDAGUR 17. JÚNÍ 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á
þriðjudögum. Auglýsendum er bent á að panta auglýsingapláss tímanlega.
Skilafrestur smáauglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar
greiða kr. 2.150. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Jóhann Skúli Björnsson, blaðamaður jsb@skessuhorn.is
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Til hamingju
með daginn!
Í dag er þjóðhátíðardagur Íslendinga, 17 júní. Lýðveldið Ísland á afmæli í
dag, eins og Bjartmar bóndi komst svo prýðilega að orði í söngtexta sín­
um forðum. Nú eru sjötíu ár frá því Lýðveldishátíðin var á Þingvöllum og
landið öðlaðist fullt sjálfstæði frá Dönum. Alþingi hélt þar sérstakan þing­
fund og forseti sameinaðs Alþingis lýsti yfir gildistöku nýrrar stjórnarskrár
þar sem Ísland var lýst lýðveldi. Daginn áður hafði þingið samþykkt að fella
úr gildi Sambandslögin frá 1918 í samræmi við úrslit þjóðaratkvæðagreiðsl­
unnar 20. og 23. maí sama ár þar sem hérumbil allir atkvæðisbærir menn
greiddu atkvæði með sjálfstæði og stofnun lýðveldis.
Það er ekki vaninn að forsíðu Skessuhorns prýði annað en það sem bein­
línis tengist Vesturlandi. Svo er heldur ekki nú þótt vissulega sé mynd­
in frá Þingvöllum. Sá staður er nefnilega helgastur allra og kærastur ís­
lensku þjóðinni og þar af leiðandi okkur Vestlendingum einnig. Á Þing­
völlum hafa allar stærstu hátíðir þjóðarinnar verið haldnar. Alþingishátíð­
in 1930, Lýðveldishátíðin 1944, Kristnitökuhátíð aldamótaárið, 1100 ára
afmælishátíð Íslandsbyggðar 1974 og „Þjóðavegahátíðin“ svokallaða árið
1994, þegar hálf þjóðin sat föst í umferðarteppu á veginum til Þingvalla og
fagnaði þar fimmtíu ára afmælinu.
Litla fjölskyldan mín átti lausa stund á laugardaginn og ákváðum við í
tilefni væntanlegs afmælis lýðveldisins að fara í ökuferð á Þingvelli. Veðrið
var prýðilegt þótt sól skini ekki í heiði. Þegar á Þingvelli var komið var erf­
itt að finna bílastæði við helstu áningarstaði. Þangað streyma jú flestir út­
lendingar sem landið heimsækja og þeir eru margir. Þarna gengum við um
troðnar slóðir í bókstaflegri merkingu á flötunum neðan við Almannagjá
og Öxarárfoss. Kyrrð var yfir staðnum og það var eins og fjölmargir út­
lendingarnir sem þarna voru skynjuðu að þetta væri helgari staður en aðrir
hér á landi. Kannski var líka búið að segja þeim það.
Við röltum niður að kirkjunni og Þingvallabænum og gengum um kirkju­
garð sveitarinnar og upp að Þjóðargrafreitinum þar sem Jónas Hallgríms­
son og Einar Benediktsson hvíla á sinni upphækkun austan við kirkjuna. Í
Þjóðargrafreitinn átti upphaflega að jarðsetja þá sem þjóðin vildi sérstakan
heiður sýna, en fleiri urðu þeir ekki, samstaða hefur aldrei náðst um það.
Ekki eru skipulögð hátíðarhöld á Þingvöllum í dag til að minnast af­
mælis lýðveldisins. Fyrir því eru sjálfsagt ýmsar ástæður. Kannski veldur
reynslan af Þjóðvegahátíðinni fyrir tuttugu árum og kannski er það vegna
þess að Þingvallastaður er ekki í standi til að taka á móti fleirum en þang­
að koma nú þegar, þótt ekkert sé afmælið. Þetta segi ég vegna þess að mér
finnst verulega skorta á almenna umhirðu á Þingvöllum, þrif og tiltekt.
Sem dæmi er trjágróður við mannvirkin í órækt og merkingar litlar sem
engar. Þar eru grágæsir í hundruðatali og jafnfallinn skítur eftir þær út um
allt. Ekki veit ég hvaða hlutverki Þingvallanefnd og starfsmenn þjóðgarðs­
ins gegna, en sýnilega er ekki lögð mikil áhersla á þrif og fyrirbyggjandi að­
gerðir til að staðurinn láti ekki á sjá af ágangi fólks. Bakkar hinna fögru gjáa
með tæru lindavatni eru sundurtraðkaðir, á botni þeirra er rusl og mynt
fjarlægra landa í ótrúlegu magni. Staðurinn er að verða þjóðinni til vansa
enda augljóst öllum sem þarna koma að átroðningur af alltof mörgum gest­
um er farinn að hafa slæmar afleiðingar. Hér hlýtur að þurfa að bregðast
við. Annað hvort þarf að takmarka aðgang að Þingvöllum eða stórauka um­
hirðu auk stíga­ og pallagerðar. Mér fannst slæmt á sjötíu ára afmæli lýð­
veldisins að upplifa þetta. Næst þegar ég fer með fjölskyldu minni í laut­
arferð á Þingvöllum vonast ég eftir að finna blett þar sem hægt verður að
setjast niður með nesti án þess að fuglaskítur klessist á fötin. En landsmenn
góðir; til hamingju með sjötíu ára lýðveldisafmælið.
Magnús Magnússon
Betur fór en á horfðist þegar að eldur
kom upp í íbúðarhúsi í Grundarfirði sl.
sunnudagskvöld. Eldurinn kviknaði
út frá straujárni og tókst íbúum að
slökkva, en mikill reykur var í húsinu.
Slökkvilið Grundarfjarðar kom fljótt
á vettvang og hóf strax að reykræsta
húsið. Var slökkviliðið að störfum
fram á nóttina. Þess má geta að þetta
var fyrsta útkall Slökkviliðs Grundar-
fjarðar á þessu ári.
tfk
Þessa dagana eru slysavarnadeild­
ir og björgunarsveitir Landsbjarg­
ar um allt land að færa leikskólum
endurskinsvesti til að nota í vett­
vangsferðum 4­5 ára barna. Gjöfin
er hluti af verkefninu „Allir örugg­
ir heim“ sem félagið stendur fyrir í
samvinnu við nokkur stórfyrirtæki.
Gefin verða um tíu þúsund endur­
skinsvesti af vandaðri gerð og er það
von þeirra sem að átakinu standa
að þau nýtist skólunum næstu árin.
„Vettvangsferðir eru rótgróinn hluti
af leikskólastarfi. Til að tryggja ör­
yggi barnanna meðan á þeim stend­
ur er mikilvægt að þau séu vel sýni­
leg. Þegar börnin eru öll í endur­
skinsvestum verða þau ekki bara
sýnilegri fyrir aðra í umferðinni
heldur auðveldar það leikskólakenn­
urum og öðru starfsfólki að fylgjast
með hópnum og sjá frekar ef ein­
hver röltir frá. Endurskinsvesti ætti
að nota allt árið um kring,“ segir í
tilkynningu frá Landsbjörg. mm
Vertíðin eftir langreyðum við Ís­
land hófst á sunnudagskvöld þegar
skip Hvals hf., Hvalur 8 og Hval­
ur 9 lögðu frá bryggju hvalstöðv­
arinnar í Hvalfirði áleiðis á miðin
í úthafinu djúpt vestur af landinu.
Fyrr um daginn hafði báðum skip­
unum verið siglt frá Reykjavíkur­
höfn upp í Hvalfjörð. Þar var náð
í veiðarfæri og annan búnað til
hvalveiðanna áður en haldið var á
miðin. Hvalur 8 lagði frá bryggju
um klukkan 19 en Hvalur 9 fjór­
um tímum síðar eða klukkan 23.
Um 140 manns munu starfa við
hvalveiðarnar í sumar, bæði á bát­
unum, í Hvalfirði, á Akranesi og í
Hafnarfirði. Vertíðin mun vænt­
anlega vara fram í miðjan septem­
ber.
mþh
Búið er að veiða allan strandveiði­
kvótann á svæði A, sem nær frá
Eyja­ og Miklaholtshreppi til Súða­
víkurhrepps. Af þeim sökum stöðv­
aði Fiskistofa veiðarnar á svæðinu
frá og með 13. júní sl. og byrja þær
ekki aftur fyrr en 1. júlí. Á svæði A
eru flestir bátar á veiðum eða lið­
lega 200 af 430 strandveiðibátum
samanlagt. Nákvæmlega jafn marga
daga tók að fylla kvótann á svæðinu
í maímánuði.
jsb
Eldur kviknaði út frá straujárni
Hvalvertíðin hófst á sunnudagskvöld
Hvalur 8 á útstími í mynni Hvalfjarðar á sunnudagskvöldið.
Hvalur 9 við bryggju í Hvalfirði í rigningarsúld á sunnudag-
kvöld þar sem tekinn var búnaður um borð áður en haldið
var á miðin.
Þessi mynd var tekin á Breiðafirði á
síðasta degi strandveiðanna í júní.
Ljósm. af.
Strandveiðar á svæði A búnar í júní
Meðfylgjandi mynd var tekin á leikskólanum Múlaborg þegar vestin voru afhent
þar.
Endurskinsvesti í leikskólana