Skessuhorn - 17.06.2014, Síða 16

16 - Norð ur áls mót ið
þátt. Það eru því mun færri sem
komast að en vilja á Norðuráls­
mótið á hverju ári.
Veðrið skiptir
miklu máli
Haraldur segir að engar stórar
breytingar verði á mótinu í ár. „Það
verða svipaðar áherslur á mótinu í
ár og hafa verið síðustu ár. Það er
að segja, lögð er áhersla á að hafa
ókeypis afþreyingu á svæðinu bæði
fyrir börn og fullorðna. Í fyrra
tókst leikjaland mjög vel til en við
viljum einnig að fólk nýti sér að
fara á Langasand sem er fallegur
og spennandi staður fyrir börn
og fullorðna. Þessar áætlanir eru
auðvitað mjög háðar veðri. Veðrið
skiptir í raun gríðarlega miklu
máli fyrir mótið í heild sinni. Ef
það er þurrt þá er ekkert vesen og
allir glaðir en ef það er hins vegar
rigning og mjög blautt geta skapast
vandamál. Við erum hins vegar
með einskonar plan B ef allt fer á
versta veg með veðrið. Við gerum
ráð fyrir því að geta flutt stóran
hluta mótsins inn í Akraneshöllina
og á Akranesvöll ef veðrið er okkur
virkilega óhagstætt.“
Mótið snýst um
jákvæða ímynd
Haraldur segir að tilgangur Norð­
urálsmótsins sé fyrst og fremst að
börn jafnt sem fullorðnir skemmti
sér vel og fái jákvæða mynd af
knattspyrnuiðkun og Akranesi.
„Þetta á fyrst og fremst að vera
gaman fyrir keppendur og að­
standendur þeirra. Þetta er í fyrsta
skipti sem margir af þessum ungu
drengjum keppa á íþróttamóti,
eru hluti af liði eða jafnvel gista
annarsstaðar en heima og því er
þetta stórt skref í þroska þeirra.
Það er því gríðarlega mikilvægt
að mótið sé skemmtileg upplifun
og hvetji þá til að halda áfram
í fótbolta. Þess vegna er liðum
skipt eftir getu frá A til F og síðan
enn fremur í seinni hluta mótsins,
þegar bestu liðin í A til F flokki
keppa saman og svo annað, þriðja
og fjórða sæti úr hverjum riðli
einnig. Þetta er gert til þess að
hafa jafnari leiki og auka líkurnar
á að öll lið vinni leik á mótinu.“
Þá segir Haraldur að mótið sé
einnig mjög mikilvægt fyrir ÍA
og Akranes. „Norðurálsmótið
hefur fengið mjög jákvætt umtal
og er því eins vinsælt og raun
ber vitni. Mótið er auk þess að
skapa miklar tekjur fyrir fyrirtæki
í bænum, þá sérstaklega í verslun
og þjónustu. Skagamenn ættu því
að vera stoltir af mótinu þar sem
það er mjög mikilvægt að hafa
svo jákvæða kynningu á bænum
eins og Norðurálsmótið er,“ segir
Haraldur að lokum.
jsb
Mikilvægast að mótið sé skemmtileg upplifun fyrir alla
Norðurálsmótið í knattspyrnu
hefst á föstudaginn, 20. júní.
Drengir víðsvegar af landinu á
aldrinum sex til átta ára munu þar
etja kappi og eru margir þeirra að
keppa á sínu fyrsta fótboltamóti.
Norðurálsmótið er með stærri
keppnismótum ársins fyrir unga
íþróttaiðkendur og hefur undir­
búningur staðið yfir í marga mán­
uði. Að sögn Haraldar Ingólfs­
sonar framkvæmdastjóra KFÍA
hefur undirbúningurinn gengið vel
enda er farið eftir vel heppnuðu
skipulagi fyrri móta. Haraldur
segir að það skipti sköpum að
hafa gott fólk til að vinna að þessu
verkefni sem sé svo mikilvægt á
margan hátt. „Þetta er fyrsta mótið
sem ég kem að en sem betur fer
hefur verið haldið vel utan um
skipulag mótsins síðustu ár. Því var
undirbúningur með hefðbundnum
hætti, þ.e.a.s. skipulag mótsins er í
föstum skorðum. Það er í höndum
uppeldissviðs ÍA að sjá um undir­
búning og skipulag. Á hverju ári
er alltaf eitthvað sem þarf að huga
að þó verkin séu misstór. Ákveða
þarf t.d. hvaða einstaklingur
setur mótið á föstudeginum, hvað
verður á dagskrá á kvöldvökum,
fá verkstjóra í ýmis störf og margt
fleira. Rakel Jóhannsdóttir starfs­
maður á skrifstofu KFÍA sér svo
um að þessum tilmælum uppeldis­
sviðs sé hrint í framkvæmd.“
Þátttaka foreldra
lykilatriði
Mótið er af þeirri stærðargráðu að
fjöldi starfsmanna telur á hundr­
uðum en manna þarf fjölmargar
vaktir við mótið. „Við leggjum
upp með að það séu 800 vaktir
sem foreldrar skipta á milli sín.
Ef foreldrar barns skipta vöktum
þá eru starfsmenn mótsins orðnir
ansi margir. Ef taldir eru með
liðsstjórar, dómarar og fylgdarlið
annarra félaga en ÍA eru þeir
sjálfsagt vel á annað þúsund. Við
gefum foreldrum hjá ÍA það val
að taka að sér vaktir á mótinu eða
greiða 20 þúsund krónum meira í
æfingagjöld ella. Langflestir kjósa
að taka þátt enda finnst mörgum
foreldrum bara gaman að vera
með og upplifa stemninguna á
mótinu. Til að halda utan um allt
þetta starf eru 15 einstaklingar
skipaðir vaktstjórar og hafa þeir
yfirumsjón með vöktum t.d. í
matsal, foreldrakaffi, gæslu í
sundlaug, gæslu í skólunum sem
strákarnir sofa í, morgunmatnum
og grillveislum. Það er mjög
mikilvægt fyrir okkur og mótið
sjálft að foreldrar séu reiðubúnir
að taka þátt, enda vantar alltaf
mannskap í svona stór verkefni.
Án þeirra væri ekki hægt að halda
svona mót. Það er hins vegar
mjög ánægjulegt að sjá hversu
margir foreldrar eru tilbúnir að
taka þátt. Að auki fáum við einnig
sjálfboðaliða sem koma ár eftir
ár að vinna við mótið einfaldlega
vegna þess að þeir hafa áhuga og
gaman af,“ segir Haraldur. Hann
bætir við að ef fólk hefur áhuga á
að starfa við mótið geti það haft
samband á skrifstofu KFÍA.
Alltaf mikil þátttaka
Haraldur segir að þátttökufjöldinn
breytist lítið ár frá ári þar sem á
mótinu séu takmörk fyrir fjölda
keppenda. „Á mótinu í ár mæta
26 félög með 144 lið sem keppa í
hópi A til F liða. Við búumst við
svipuðum fjölda keppenda og hef­
ur verið síðustu ár eða um 1200
strákar. Með strákunum mæta svo
foreldrar, systkini, afar og ömmur.
Því er gert ráð fyrir að um þrjú til
fjögur þúsund manns geri sér ferð
upp á Skaga um þessa helgi. Þetta
er því einn allra stærsti ferða­
viðburður ársins á Vesturlandi,“
segir Haraldur og bætir við að
mun færri komist að en vilja á
Norðurálsmótið. „Opnað var fyrir
skráningu á mótið 1. mars og viku
seinna var allt orðið fullt. Félög
sem áður hafa tekið þátt í mótinu
eru í forgangi og fá skilaboð frá
okkur um hvenær skráning hefst.
Flest félög eru þá búin að ákveða
fyrir skráningu hversu mörg lið
eða keppendur þau munu senda á
mótið. Hversu mörg pláss skapast
eða detta út fer svolítið eftir því
hversu stórir árgangarnir eru hjá
þátttökufélögum. Ef það opnast
möguleiki fyrir nýtt félag að taka
þátt og senda lið fær það félag
sem sendir fyrst beiðnina að taka
Haraldur Ingólfsson framkvæmdastjóri KFÍA.
Aldrei meira að gera í
Galito en um þessa helgi
Líkt og undanfarin ár sér veit­
inga­ og veisluþjónustan Galito
á Akranesi um matseld fyrir
keppendur og aðstandendur
þeirra á Norðurálsmótinu.
Hjá Galito er unnið á löngum
vöktum við eldamennskuna yfir
keppnishelgina svo að allt gangi
snurðulaust fyrir sig í fram­
reiðslu til svangra mótsgesta.
Maturinn er eldaður í veislueld­
húsi Galito á veitingastað fyrir­
tækisins við Stillholt 16­18.
Þaðan eru kræsinganar fluttar
í íþróttahúsið á Jaðarsbökkum
sem er matsalur mótsins.
,,Í heildina má segja að við
útbúum um 5000 matarskammta
á Norðurálsmótinu. Þetta er því
engin smáræðis eldamennska.
Við byrjum mjög snemma að
elda svo mótsgestir fái nær­
ingu sína á tilsettum tíma. Fjöldi
sjálfboðaliða kemur að þessu
með okkur og aðstoðar við
framreiðslu. Þegar svona stórt
verkefni er á döfinni þá hugs­
ar maður nánast í tonnum þeg­
ar reiknað er út hversu mikil að­
föng þurfi til matargerðarinnar,“
segir Þórður Þrastarson mat­
reiðslumaður og annar af eig­
endum Galito, en með honum
á staðinn Hilmar Ægir Ólafs­
son. Hilmar tekur í sama streng
og Þórður. „Laugardagurinn
þá helgi sem Norðurálsmót­
ið stendur yfir er annasamasti
dagur ársins hjá okkur. Þá þurf­
um við að afgreiða stærstu pönt­
unina fyrir keppendur mótsins
auk þess sem veislusalurinn okk­
ar er fullur út að dyrum nán­
ast allan daginn,“ segir Hilmar.
Veitingahús Galito við Stillholt
verður opið alla helgina og eru
gestir velkomnir.
jsb
Spjallað við Harald Ingólfsson framkvæmdastjóra KFÍA