Skessuhorn - 17.06.2014, Blaðsíða 20
20 - Norð ur áls mót ið
Ýmsar upplýsingar fyrir gesti Norðurálsmóts 2014
Norðurálsmótið er mót fyrir byrj
endur. Keppendur eru byrjendur,
foreldrar eru margir byrjendur og
dómarar geta líka verið byrjendur.
Tökum tillit til þess. Byrjendur
þurfa að fá að læra af mistökum.
Hjálpumst að, þá gengur allt betur.
Þjálfarar, liðsstjórar og foreldrar
verða að fylgjast vel með skráningu
úrslita á föstudegi. Niðurröðun
fyrir laugardag og sunnudag bygg
ir á úrslitum föstudags. Úrslitin
verða að vera rétt skráð.
HUGARFAR
Fótbolti er skemmtun. Þessi
skemmtun skiptir okkur öll máli.
Það er sérstök ánægja að geta
boðið leikmönnum ykkar að
leika gegn liðum frá hinum ýmsu
stöðum af landinu. Kennið leik
mönnum að endurspegla þessa
ánægju í leik og framkomu á
Norðurálsmótinu, félagi sínu til
framdráttar. Leikmönnum skal
kennt að virða ákvörðun dómara
án spurninga eða athugasemda.
Þetta skal einnig brýna fyrir for
eldrum og öðrum aðstandendum
liðanna. Þjálfarar skulu alltaf styðja
úrskurð dómara leiksins, hvort sem
þeir eru réttir eða rangir. Þjálfarar
og foreldrar skulu aldrei efast um
hæfni dómarans svo leikmenn
heyri til. Dómgæslu er hægt að
ræða á kvöldfundum með þjálf
urum og mótshöldurum. Stundvísi
er viðhöfð á Norðurálsmótinu.
Foreldrar og stuðningsmenn
liða endurspegla þann anda sem
er í hverju félagi. Verum öll okk
ar félagi til sóma og börnum okk
ar góðar fyrirmyndir. Við kom
um fram fyrir hönd okkar félags
með stolti og virðingu. Á Norð
urálsmótinu gilda ákveðnar reglur
í leik og umgengni. Engu að síð
ur, þá hefur hvert félag rétt til þess
að kvarta og gera athugasemdir
við framkvæmd mótsins eða hluta
þess. Ef þú þarft að nota þenn
an rétt, gerðu það við réttan að
ila. Segðu rétt frá, rólega og virtu
ákvörðunina, hver svo sem hún
verður.
Á mótinu starfar sjálfstæð úr
skurðarnefnd, sem tekur á móti
kvörtunum mótshaldara og fé
laga. Nefndin kannar umkvört
un og kveður upp endanlegan úr
skurð, sem öll félög og mótshaldari
skuldbinda sig til að fylgja.
MÓTSREGLUR
Leiktími er 2 x 12 mínútur. Inná
leikvelli eru aldrei fleiri en 7 leik
menn frá hverju liði.
Í leikjum er aldrei skráður meiri
markamunur en 3 mörk.
Ef að lið eru jöfn að stigum þá
ræður markamunur. Ef að marka
munur er jafn þá ræður innbyrð
is leikur liðanna. Ef að sá leikur er
jafn þá eru þeir hærri sem að hafa
fengið færri mörk á sig. Ef það er
einnig jafnt þá ræður hlutkesti.
Leikir í deildum (laugard og sunnud)
við gestalið telja ekki til stiga.
Þjálfurum er óheimilt að færa
leikmenn á milli liða.
Ef tæpt er á mannskap og nauð
synlegt þykir að færa leikmenn á
milli liða, þá skal sérstaklega sækja
um það til mótsstjórnar.
Dómari hefur rétt til að fara
fram á það við þjálfara að leikmað
ur sé tekinn af velli ef hann gerist
sekur um gróft brot. Annar leik
maður skal þó koma inn á.
Við hliðarlínu skulu eigi aðr
ir vera staðsettir en varamenn,
þjálfari og einn fararstjóri. Aðr
ir, foreldrar og áhorfendur, skulu
vera fjær, nánar tiltekið fyrir aftan
mörkin utan merktrar línu.
Dómari hefur rétt til að stöðva
leikinn en láta klukkuna ganga
telji hann að áhorfendur, þjálfar
ar eða varamenn brjóti reglur eða
séu uppvísir að ósæmilegri hegðun.
Til ósæmilegrar hegðunar telst t.d.
óviðeigandi hróp og köll.
Góð umgengni er öllum til sóma
verum okkar liðum til sóma.
Allir mæta í góðu skapi.
Á mótinu starfar keppnisráð.
Ráðið skipa 3 aðilar, sem ekki
koma að stjórn mótsins. Félög
geta áfrýjað ákvörðunum móts
stjóra og starfsmanna mótsins sem
varða keppnina og úrslit leikja,
til þessa ráðs. Ráðið kannar mál
og kveður upp endanlegan úr
skurð, sem öll félög og mótshald
ari skuldbinda sig til að fylgja.
KEPPNISFYRIR-
KOMULAG
Öllum liðum frá hverju félagi er
við skráningu skipt niður á sex
flokka (A, B, C, D, E, F), hvern
með 24 liðum. Þjálfarinn í samráði
við mótshaldara sér um þá skipt
ingu. Þjálfarinn skipar sjálfur þátt
takendum í lið fyrir fyrsta leik og
má ekki færa þátttakendur á milli
liða á meðan á móti stendur.
Fyrri hluti mótsins fer fram á
föstudeginum. Þá er öllum liðum
innan hvers flokks (A, B, C, D, E,
F) skipt tilviljanakennt í sex riðla
með fjórum liðum hver, þar sem
liðin fjögur spila hvert við annað.
Liðin spila þrjá leiki, annað hvort
kl. 13:0016:00 eða kl. 16:00
19:00. Ein umferð í hverjum riðli
verður leikin samtímis á samliggj
andi völlum og einungis verður
eins leiks bið hjá hverju liði. Nið
urstaða föstudagsriðlanna er not
uð til að raða í deildir fyrir seinni
hlutann.
Seinni hluti mótsins fer fram á
laugardegi og sunnudegi. Hvert
lið keppir þá fimm leiki. Inn
an hvers flokks (A, B, C, D, E, F),
lenda öll lið sem vinna sína riðla
á föstudegi saman í sex liða deild,
þau lið sem lenda í öðru sæti á
föstudegi lenda öll saman í sex
liða deild o.s.fv. Úr þessu verða til
fjórar deildir með sex liðum inn
an hvers flokks þar sem svipuð lið
eru saman í deild: Íslenska deildin,
Enska deildin, Spænska deildin og
Þýska deildin.
Fjórar af fimm umferðum deild
anna eru leiknar á laugardegi, ann
að hvort kl. 9:0013:00 eða kl.
13:0017:00. Síðasta umferðin fer
fram á sunnudag, kl. 9:0011:00.
Ekki verður um neina úrslitaleiki
um sæti að ræða.
Meginmarkmið Norðurálsmóts
ins er að strákarnir okkar upp
lifi knattspyrnu á jákvæðan hátt og
komi heim með góðar minningar
um skemmtilega daga.
Með fyrirkomulagi mótsins eru
eftirfarandi þættir hafðir í fyrir
rúmi: Stutt bið er milli leikja hjá
hverju liði, leikir eru milli liða sem
eru af svipuðum styrkleika, leik
gleði þar sem að komast í úrslit er
ekki lengur markmiðið og engir
úrslitaleikir.
FARARSTJÓRAR
Föstudagur er notaður til að getu
skipta liðum fyrir keppni á laugar
degi og sunnudegi. Úrslitin verða
því að vera rétt skráð. Þjálfarar og
liðstjórar verða að fylgjast vel með
skráningu úrslita á föstudegi og
tilkynna strax til mótsnefndar ef
skráning úrslita er röng.
Úrslit leikja og leikjaskipulag er
birt í glugga á mótshúsi á vallar
svæðinu.
Þeir sem lenda í 1. og 2. sæti á
föstudegi spila kl. 13:0017:00 á
laugardegi. Þeir sem lenda í 3. og
4. sæti á föstudegi spila kl. 9:00
13:00 á laugardegi og síðan spila
allir 1 kappleik á sunnudag kl.
9:0011:00.
Fararstjórafundir verða haldnir
daglega í sal á efri hæð Íþróttamið
stöðvarinnar á tíma sem fram kem
ur í dagskrárskjalinu. Gengið er inn
að sunnanverðu frá aðalleikvangi.
Mikilvægt er að allir þátttakend
ur og liðstjórar í hverju liði mæti
saman í mat á skipulögðum tímum.
Ekki verða skipulagðar sundferð
ir að þessu sinni, en frítt er í sund
fyrir alla á eigin ábyrgð.
Allir óskilamunir verða settir í
matsal Íþróttamiðstöðvar á meðan
á móti stendur. Eftir mót er hægt
að hafa samband við skrifstofu
KFÍA varðandi óskilamuni.
STRÆTÓ
Strætó mun ganga á hálftíma fresti
fyrir keppendur milli mótssvæðis
og gististaða í Brekkubæjarskóla
og Fjölbrautaskóla Vesturlands
á mótstíma og fram eftir kvöldi
eftir þörfum. Frítt er í strætó alla
helgina, en þátttakendur hafa for
gang.
MATUR OG MATSAL-
UR
Morgunverður er framreiddur
í sal Brekkubæjarskóla fyrir
dvalargesti í þeim skóla, en aðrir fá
morgunverð í matsal Íþróttamið
stöðvarinnar.
Tímasetningar fyrir matmáls
tíma er birt í Tímaskipulagsskjöl
um. Öllum liðum er úthlutað
ur sérstakur matmálstími fyrir há
degis og kvöldmat. Matur fyr
ir alla þátttakendur er framreidd
ur í íþróttasal Íþróttamiðstöðvar.
Gengið er inn í Íþróttamiðstöðina
að vestanverðu.
SUND
Frítt verður fyrir alla í sund á
föstudag frá 13:0020:00 og á
laugardag frá 9:0019:00 í boði
Akraneskaupstaðar. Athugið að
ábyrgð á börnunum er alfarið á
höndum foreldra og fararstjóra.
Vinsamlegast kynnið ykkur opin
bera reglugerð 814/2010 er varðar
sundferðir barna.
LIÐSMYND
Liðsmynd er skemmtileg minning.
Mótshaldarar sjá um að taka liðs
mynd af öllum liðum, á ákveðnum
tíma, og er tímasetning birt í
Tímaskipulagsskjölum. Myndirnar
verða til sölu í foreldrakaffinu.
Fyrir Fjölskyldur
TJALDSTÆÐI
Tjaldstæði mótsins fyrir fjöl
skyldur keppenda er á grasflötum
við Byggðasafnið og í nágrenni,
við Leynisbraut og nálægt Garða
lundi. Svæðið er skipt í fimm
hluta: Kúttersflöt, Garðaflöt, Safn
aflöt, Hótelflöt og Formannaflöt
og er félögum úthlutað svæðum á
einni flötinni. Félagssvæðið verður
merkt í upphafi. Tjaldstæðið verð
ur tilbúið eftir kl. 18 fimmtudag
inn 19. júní. Þarna verður sett upp
snyrtiaðstaða í gámum, kamrar
og útiþvottaaðstaða, ásamt rusla
gámum. Ekkert rafmagn er á tjald
svæðinu. Gistigjald á tjaldsvæði
mótsins er 3.500 kr. á hvern ferða
vagn (tjald/hjólhýsi/fellihýsi o.fl.).
Ekki er heimilt að tjalda á lóðinni
við Grundaskóla eða öðrum lóð
um í nágrenninu. Veitingasala er
í Safnaskálanum við Byggðasafn
ið og í Golfskálanum á golfvellin
um. Vinsamleg tilmæli eru að gest
ir á tjaldsvæði virði almennar um
gengnisreglur og njóti þess að eyða
helginni í faðmi fjölskyldunnar og
fylgjast með keppni barna sinna án
neyslu áfengis. Opinbert tjaldstæði
Akranesbæjar með allri þjónustu er
staðsett vestan til í bænum, rétt hjá
bensínstöðinni Olís, sjá upplýsing
ar á www.tjalda.is.
HUNDAHALD
Leyfilegt er að vera með hunda
á tjaldstæði mótsins. Þeir verða
að vera í bandi allan tímann og
hegðun þeirra þannig að þeir trufli
ekki aðra tjaldgesti. Auðvitað þrífa
eigendur allt eftir hundana sína.
Í samræmi við reglur bæjarins, þá
er ekki leyfilegt að hafa hunda á
keppnissvæðinu, ekki í Akranes
höllinni, á Langasandi eða í
Garðalundi, hvorki í bandi eða í
fanginu.
MATSALA
Hægt er að kaupa matarpakka sem
gilda í morgunverð (2x), hádegis
verð (1x), kvöldverð (2x) og grill
veislu (1x) á mótinu. Matarpakkinn
kostar 6.000 kr. fyrir fullorðna og
4.000 kr. fyrir börn (undir 18 ára)
Einnig er hægt að kaupa miða fyrir
staka máltíð og eru verðin sem hér
segir:
Fullorðnir: Hádegis eða kvöld
matur kr. 1.500 morgunmatur kr.
800. Börn: Hádegis eða kvöld
matur kr. 1.000, morgunmatur kr.
800. Grillveisla verður haldin á að
alkeppnisvellinum á sunnudegin
um milli kl. 11:00 og 12:15 fyr
ir alla þátttakendur og eru foreldr
ar velkomnir og geta keypt miða
í grillið á kr. 700. Kaffi og veit
ingasala á keppnistíma er í veit
ingatjöldum á keppnissvæðinu fyr
ir áhorfendur.
FORELDRAKAFFI
Foreldrar allra karla og kvenna
flokka ÍA sameinast um að bjóða
öllum foreldrum þátttakenda til
kaffi og kökuveislu á laugardags
kvöldið kl. 21:3023:00. Foreldra
kaffið verður í matsal Íþróttamið
stöðvar og aðgangur er ókeypis.
Foreldrakaffi er eingöngu fyrir
foreldra þátttakenda (ekki fyrir
börn)!
LIÐSMYNDIR
Í foreldrakaffi verða myndir frá
keppni föstudagsins sýndar og
boðnar til sölu á 1.000 kr. Þar
verða einnig til sölu myndir af
hverju liði, sem teknar hafa verið
sérstaklega af ljósmyndurum móts
ins á föstudeginum.
BÍLASTÆÐI
Bílastæði eru við Íþróttamiðstöð
ina, við Innnesveg, á tjaldsvæðum
og á öðrum merktum svæðum.
Ekki er heimilt að leggja bílum
á grasið við keppnisvelli, á gang
brautir, eða göngustíga. Eigendur
bíla sem lagt er á gönguleiðir og
gangstíga verða sektaðir af lög
reglu og hugsanlega verða bílarnir
fjarlægðir.
UMGENGNI
Keppnissvæði, matsalir og gisti
staðir þátttakenda eru algjörlega
reyklaus. Foreldrar eru vinsam
legast beðnir um að virða það.
Ruslagámar og tunnur eru stutt
frá á öllu keppnissvæðinu og á
tjaldsvæðinu. Keppendur og
áhorfendur eru félögum sínum til
sóma með góðri umgengni.
UPPLÝSINGAR
Allar upplýsingar um mótið, s.s.
kort, skipulag og úrslit, er birt
á heimasíðu mótsins, www.kfia.
is/norduralsmot. Einnig verður
leikskipulag og úrslit birt á snjall
símavef: http://nm.kfia.is. Þessar
upplýsingar eru uppfærðar eftir
þörfum, alveg fram á síðasta dag.
Norðurál er aðalstyrktaraðili mótsins.
Prúðir piltar úr HK ræða við þjálfara sinn.