Skessuhorn - 19.11.2014, Blaðsíða 12

12 MIÐVIKUDAGUR 19. NÓVEMBER 2014
Jólatré Skagamanna hefur nú ver-
ið sett upp á Akratorgi á Akranesi.
Fyrr á þessu ári stóðu yfir mikl-
ar endurbætur á torginu. Í kjöl-
farið hefur trénu nú verið val-
inn nýr staður framan við minnis-
merki sjómanna. Starfsmenn Akra-
nesbæjar unnu að því í gærmorgun
að setja tréð upp og ganga tryggi-
lega frá festingum þess. „Það verð-
ur kveikt á jólatrénu laugardaginn
29. nóvember. Þetta tré var sótt í
Álfholtsskóg við Fannahlíð í Hval-
fjarðarsveit,“ segir Regína Ásvalds-
dóttir bæjarstjóri Akraness.
mþh
Á hverju hausti standa lionsklúbbur
í landinu fyrir blóðsykursmæling-
um fólki að kostnaðarlausu. Síðast-
liðinn föstudag og laugardag fóru
mælingar fram hér á Vesturlandi á
nokkrum stöðum. Meðal annars á
Akranesi, Borgarnesi, Snæfellsbæ
og Stykkishólmi og e.t.v. víðar. Hár
blóðsykur er lúmskur sjúkdóm-
ur sem getur leitt af sér sykursýki.
Því er mikilvægt að fólk láti mæla
blóðsykurinn reglulega og leiti sér
lækninga komi óeðlilega hátt gildi
í ljós. Verkefni þetta er því þarft
og þakklátt sem endurspeglaðist í
miklum fjölda sem þáði mælingu
um síðustu helgi.
mm
Þeir kostir sem kynntir hafa ver-
ið í sambandi við væntanlega sól-
arkísilverksmiðju Silicor Materi-
al á Grundartanga gefa til kynna
að þetta verði eitt stærsta einstaka
verkefni, og jafnframt það umhverf-
isvænasta, sem unnið hefur ver-
ið að í stóriðju á Íslandi í talsverð-
an tíma. Davíð Stefánsson fer fyr-
ir verkefnisstjórninni og undirbún-
ingi á Íslandi. Skessuhorn átti spjall
við Davíð nú í vikubyrjun. Þar kom
í ljós hversu stórt verkefnið er og
forskotið sem það hefur á aðra hlið-
stæða framleiðslu í heiminum, bæði
hvað varðar um-
hverfismál og
arðsemi. Fram-
leiðsluverðmæt-
in eru auk þess
meiri en marg-
ir gera sér grein
fyrir. Davíð seg-
ir seldar afurðir
verksmiðjunnar
verði sambæri-
legar loðnu- og
síldveiðum við
Íslandsstrendur. „Verkefnið mun
styrkja fjölbreytni í íslensku at-
vinnulífi. Við þurfum að styrka
stoðir íslensks atvinnulífs og Silicor
mun þar leggja drjúgt að mörkum,“
segir Davíð. Hann segist bjartsýnn
á að lokamarkið sé innan seilingar,
það er að ljúka fjármögnun verk-
efnisins. Það muni vonandi gerast
í desembermánuði. Næstu daga eru
horfur á að stórum áföngum verði
náð, varðandi skipulags- og orku-
mál. Davíð segir að huga þurfi að
mörgum þáttum og allir ferlar þurfi
að vera í lagi og unnir í réttri röð.
„Þetta eru tugir ef ekki hundruð
samningar sem að endingu þarf að
ná. Ég er að vona að lánasamning-
um miði einnig áfram og allt komi
þetta saman á sama tíma, sem og
heimild frá Seðlabanka Íslands
vegna undanþága frá gjaldeyris-
höftum,“ segir Davíð.
Stór hluti framleiðsl-
unnar þegar seldur
Sem kunnugt er mun áætluð
verksmiðja Silicor á Grundar-
tanga hreinsa sólarkísil fyrir notk-
un á sólarrafhlöðum. Framleiðsl-
an byggist á nýrri tækni sem Sili-
cor hefur einkarétt á og er talin um
þriðjungi ódýrari en hefðbundn-
ar vinnsluaðferðir. Aðferð Silicor
byggir á framleiðslu í lokuðu kerfi
og er án nokkurrar teljandi meng-
unar, enda þurfti verkefnið ekki að
gangast undir mat á umhverfisá-
hrifum. Guðjón Jónsson efnaverk-
fræðingur hjá VSÓ verkfræðiráð-
gjöf sem unnið hefur með verk-
efnið hefur sagt að flestir málm-
sérfræðingar nagi sig í handabökin
yfir að hafa sést yfir þá tækni sem
Silicor býr yfir.
Móðurfélag fyrirtækisins er með
höfuðstöðvar sínar í Kaliforníu og
félagið er með starfsemi í tveimur
löndum til viðbótar, með tilrauna-
verksmiðju í Toronto í Kanada og
rannsókna- og þróunarstöð í Berl-
ín í Þýskalandi. Fyrirhuguð ár-
leg framleiðslugeta verksmiðjunn-
ar á Grundartanga er áætluð allt
að 19.000 tonn, sem þó er einung-
is lítill hluti heimsmarkaðar sem
áætlaður er að verði um 360.000
tonn árið 2020.
Þá vekur athygli að nú þegar sé
búið að tryggja sölu 85% fram-
leiðslunnar. Sólarkísillinn verð-
ur að mestu seldur til Kína (75%),
Kóreu og Taívan. Útflutningsverð-
mæti verksmiðjunnar er áætlað á
bilinu 50 til 60 milljarðar króna á
ári. Áætlaður byggingakostnað-
ur verksmiðjunnar á Íslandi er um
750 milljónir bandaríkjadollara,
um 90 milljarðar króna.
Samið er við hið þekkta fyrirtæki
SMS Siemag í Þýskalandi um alút-
boð verkefnisins. Þar af er tækja-
búnaður áætlaður um 450 milljónir
dollara. Áætluð stærð verksmiðju-
byggingarinnar á Íslandi er um
93.000 m2 og framkvæmdasvæði
alls um 223.000 m2.
Fleiri í startholunum
Þegar séð verður fyrir að fjör-
mögnun verksmiðjunnar ljúki,
væntanlega í lok þessa árs eða
byrjun næsta, verður stofnað verk-
efnis- og rekstarfélag Silicor á Ís-
landi, sem á og rekur verksmiðjuna
við Grundartanga. Davíð segir að
eins og staðan sé í dag verði verk-
efnið í meirihlutaeign erlendra
aðila, en innlend félög og sjóðir
hafi einnig sýnt verkefninu mik-
inn áhuga. Áætlanir gera ráð fyrir
að bein störf hjá Silicor verði 450,
en ljóst að afleidd störf og starf-
semi verður mun meiri í umfangi.
Davíð segir að flutningastarf-
semi verði mikil í kringum Silicor.
„Við vitum af nokkrum fyrirtækj-
um í startholunum sem bíða eft-
ir að Silicor bindi alla enda,“ segir
Davíð. Skessuhorn hefur einmitt
frétt að fyrirtæki hafi sýnt bygg-
ingu vöruhótels á Grundartanga
áhuga í tengslum við áform Sili-
cor. Þar er verið að tala um kostn-
aðarsamar framkvæmdir til við-
bótar. Þá segir Davíð að fyrirtæki
sem vinna að fullframleiðslu á sól-
arkísil og vinnslu úr aukaafurðum
fylgist einnig með þróun mála og
sýni verkefninu áhuga. Aukaaf-
urðir þessa framleiðsluferlis eru
nýttar í iðnað sem notar álblendi
og fyrir vatnshreinsun.
Fullum afköstum verði
náð vorið 2018
Áætlað er að bygging verksmiðj-
unnar á Katanesi við Grundar-
tanga hefjist í ársbyrjun 2015 og
væntingar standa til þess að full-
um framleiðsluafköstum verði
náð haustið 2017 eða vorið 2018.
Verksmiðjan á Íslandi mun þurfa
85 MW orku sem kemur frá Orku
Náttúrunnar (Orkuveitu Reykja-
víkur) og Landsvirkjun. Davíð
Stefánsson segir að stór hluti starfa
hjá Silicor verði fyrir háskóla-
menntað og tækni- og iðnmennt-
að fólk. Allir verðandi starfs-
menn muni þurfa á starfsnámi að
halda og þar mun væntanlega ný-
lega stofnaður Stóriðjuskóli verða
góð fyrirmynd. „Það verða marg-
ir verkþættir eftir þó að fjármögn-
un og stóru undirbúningsþættirnir
verði að baki þegar uppbyggingin
hefst. Það er til dæmis ráðningar-
og menntunarmálin sem er stór
pakki og verktakar verða fengnir
til að sinna. Það ríður á að sam-
félögin í kringum Grundartanga
verði tilbúin að taka þátt í þessu
stóra verkefni með okkur,“ segir
Davíð Stefánsson. þá
Í Grunnskóla Grundarfjarðar er
mikil samvinna við bókasafn stað-
arins. Árið 2002 var orðið þröngt á
þingi í skólanum og því var brugð-
ið á það ráð að flytja bókasafn skól-
ans yfir í bókasafn bæjarins sem þá
var hinum megin við götuna. Þetta
reyndist vel og fóru krakkarnir yfir
á bókasafnið þar sem að þeir höfðu
aðgang að ýmsum fróðleik. En í
fyrra breyttist aðstaðan þegar bæj-
arbókasafnið var flutt yfir í Sögu-
miðstöðina til að rýma fyrir nýj-
um bæjarskrifstofum. Þá lengd-
ist nú vegurinn fyrir fróðleiksfúsa
námsmenn skólans sem vildu næla
sér í bækur á bókasafninu. En nú er
breyting á því þegar bókasafn opn-
aði að nýju innan veggja skólans.
Þetta er mikil búbót fyrir grunn-
skólann og mun betri þjónusta við
nemendur.
Salbjörg Nóadóttir verður bóka-
vörður á skólabókasafninu. Af þessu
tilefni veitti Sunna Njálsdóttir for-
stöðumaður bókasafns Grundar-
fjarðar viðurkenningar fyrir þátt-
töku í bókaverðlaun barnanna
2014. Það voru þau Daníel Em-
anuel Kwakie úr 1. bekk og Aníta
Sól Valdimarsdóttir úr 6. bekk sem
hlutu verðlaunin að þessu sinni.
tfk
Silicor yrði sterk stoð til viðbótar íslensku atvinnulífi
Spjallað við verkefnisstjóra væntanlegs stóriðjuvers á Grundartanga
Af hverju velur Silicor Ísland?
Gott viðskiptaumhverfi / Mikil fag-•
mennska.
Aðgengi að fjármögnun.•
Fríverslunarsamningur við Kína.•
Orka á samkeppnishæfu verði.•
Sterkir innviðir (höfn, vegir, stöðug orka, •
o.s.fv.).
Þekking á áliðiðnaði. •
Mögulegir birgjar og kaupendur fram-•
leiðslunnar.
Davíð Stefánsson
verkefnisstjóri
Silicor á Íslandi.
Séð yfir væntanlegt afhafnasvæði Silicor við Grundartanga (innan gulu línunnar).
Af hverju ætti Ísland
að velja Silicor?
Silicor er grænt og vænt fyrirtæki.•
Silicor skapar fjölda starfa, beint og •
óbeint.
Silicor styður við núverandi áliðnað.•
Silicor gæti verið umtalsverður kaupandi •
á kísilmálmi frá þeim fyrirtækjum sem nú
eru að hasla sér völl á því sviði hér á landi.
Silicor skapar mikinn gjaldeyri. •
Silicor mun auka fjölbreytni íslensks at-•
hafnalífs.
Salbjörg er hér að lesa sögu og kynna
bókasafnið fyrir nemendum.
Viðurkenningar fyrir
bókaverðlaun barnanna
Sunna Njálsdóttir með verðlaunahöfunum Anítu og Daníel.
Þeir Magnús Sigurðsson og Haf-
steinn Jóhannesson starfsmenn
Akranesbæjar settu jólatréð upp
á Akratorgi.
Jólatréð
á Akratorgi
Lionsklúbbarnir í Snæfellsbæ buðu upp á blóðþrýstings- og
blóðsykursmælingu í samstarfi við heilsugæslu HVE. Góð
mæting var í Átthagastofuna í Ólafsvík þar sem mælingin fór
fram og voru alls 85 sem mættu. Þegar mælingu var lokið var
boðið upp á kaffi, djús og ávexti. Ljósm. þa.
Mældu blóðsykurinn víða um land
Stöðugur straumur fólks var í blóðsykursmælingu þegar
lionsklúbbarnir í Borgarnesi buðu upp á slíkt á föstudaginn
í Hyrnutorgi. Ljósm. mm.