Skessuhorn - 19.11.2014, Blaðsíða 24

24 MIÐVIKUDAGUR 19. NÓVEMBER 2014
Fjárhagsáætlun Akraneskaupstaðar
fyrir næsta ár var nýverið tekin til
fyrri umræðu í bæjarstjórn. Meðal
forsenda fyrir áætluninni er að al-
mennar þjónustugjaldskrár hækki
samkvæmt áætluðum vísitölu-
hækkunum um 3,4% um áramót-
in. Bæjar ráð hefur skipað starfshóp
sem hefur það hlutverk að yfirfara
gjaldskrár Akraneskaupstaðar og
þessi liður kann því að breytast fyr-
ir síðari umræðu um fjárhagsáætl-
un sem fram fer 9. desember nk. Í
fjárhagsáætluninni er gert ráð fyrir
ráðstöfun 120 milljóna króna vegna
ýmissa framkvæmda árið 2015.
Meðal annars er um að ræða breyt-
ingar á sambýlinu við Vesturgötu,
gatnagerð á eldri götum bæjar-
ins og húsfegrunarsjóð sem ætlað-
ur er til uppbyggingar húsa í gamla
miðbænum. Einnig er gert ráð fyrir
greiðslu 128 milljóna vegna kaupa
Akraneskaupstaðar á Dalbraut 6
sem ráðist var í fyrr á þessu ári. Þá
er áætlað að varið verði 73 milljón-
um vegna ýmissa framkvæmda við
viðhald og rekstur gatna, göngu-
stíga og opinna svæða og vegna
skipulagsmála á Sementsreit árið
2015.
Bæjarstjórn samþykkir sam-
kvæmt frumvarpinu að ráðstafa tíu
milljónum vegna reksturs íbúasam-
býlis á Vesturgötu sem fyrirhugað
er að taka í notkun árið 2015. Einn-
ig að 3,8 milljónir fari til aukning-
ar á stöðugildi talmeinfræðings úr
25% í 80% í leikskólum Akranes-
kaupstaðar. Í fjárhagsáætluninni
er gert ráð fyrir að ráðstafa þrem-
ur milljónum til stofnunar og starf-
semi þróunarfélags um Grundar-
tangasvæðið og tveimur milljón-
um vegna vinnu starfshóps sem
stofnaður var fyrr á árinu um Sem-
entsreitinn. Ráðstafað verði tveim-
ur milljónum króna vegna vinnu
starfshóps um hafnarsvæðið og
Breið sem einnig var stofnaður fyrr
á þessu ári. Þá verði 64 milljónum
króna varið til almenns viðhalds og
húsumsjónar í eignasjóði og fast-
eignafélagi Akraneskaupstaðar á
árinu 2015. þá
Sunnudaginn 9. nóvember síðaslið-
inn var Lárus Ástmar Hannesson
frá hestamannafélaginu Snæfellingi
kjörinn nýr formaður Landssam-
bands hestamannafélaga (LH) á
aukalandsþingi LH sem haldið var
í Reykjavík. Nú bar svo til að tveir
hestamenn af Vesturlandi kepptu í
kjöri um formannssæti LH. Lár-
us hafði betur gegn Stefáni Ár-
mannsyni frá Skipanesi í Hvalfjarð-
arsveit sem er í Hestamannafélag-
inu Dreyra. Hlaut Lárus 88 atkvæði
en Stefán 62. Fjórir atkvæðaseðlar
voru auðir. Kristinn Hugason sem
hafði verið þriðji maður um hituna
dró framboð sitt til baka áður en
þingfulltrúar gengu til kosninga.
„Ég tilkynnti ekki framboð mitt
fyrr en að morgni fimmtudags-
ins fyrir aukalandsþingið. Krist-
inn Hugason hafði boðið sig fram
fyrst og síðan Stefán Ármannsson.
Ég var svo síðastur til að bjóða mig
fram. Það var búið að leita til mín
af ýmsum. Ég hafði bara beðið eft-
ir að sjá hvað kæmi upp úr höttun-
um varðandi þetta áður en ég sló
til,“ segir Lárus Ástmar þar sem við
hittum hann í heimabænum Stykk-
ishólmi aðeins fimm dögum eftir
formannskjörið.
Í hestum frá barnæsku
Lárus Ástmar starfar daglega sem
kennari við grunnskólann í Stykk-
ishólmi. Hann sest í formannssæti
LH með umtalsverða reynslu í far-
teskinu, bæði innan hestamennsku
og félagsmála. Lárus hefur um ára-
bil setið í bæjarstjórn Stykkishólms
sem oddviti L-lista félagshyggju-
fólks. Listinn hafði meirihluta í
bænum kjörtímabilið 2010-2014.
Síðustu mánuði fyrir sveitarstjórn-
arkosningarnar í vor gegndi Lárus
auk þess stöðu bæjarstjóra Stykkis-
hólms.
„Ég fæddist nú ekki inn í hesta-
menninguna. Sem lítill polli var
ég þó strax mjög áhugasamur um
hesta. Suðaði í foreldrum mínum
þar til ég fékk minn fyrsta hest. Þá
var ég tíu eða ellefu ára. Tveimur
árum síðar var ég farinn að ríða út á
fullu. Áhuginn var mjög mikill. Ég
dvaldi við hestamennsku í Þýska-
landi, fór í Bændaskólann á Hól-
um í Hjaltadal 1982-1984 til að
læra meira um almennan búskap,
hestamennsku og tamningar. Ég
hef stundað hestamennsku alla tíð.
Ferill minn í hestamennskunni nær
yfir breitt svið þannig að ég þekki
víða til af eigin reynslu. Ég hef
starfað sem dómari, ræktandi, fjöl-
skylda mín stundar hestamennsku,
við ferðumst á hestum og ég keppi
aðeins. Árið 1978 fór ég tólf ára á
mitt fyrsta landsmót sem haldið var
á Þingvöllum. Ég hef verið á þeim
öllum síðan. Kannski má segja að
ég komi úr öllum áttum nema því
að selja búnað til hestamennskunn-
ar,“ segir Lárus.
Áframhaldandi deilur
til tjóns
Í hestamennskunni hefur hann
heldur ekki farið varhluta af félags-
málastörfum . „Ég hef verið í stjórn
hestamannafélagsins Snæfellings
og meðal annars formaður í fjögur
ár. Nú er ég í varastjórn. Síðan hef
ég starfað mikið í Gæðingadóm-
arafélagi Íslands og verið formaður
þar. Eins og staðan er nú þá er ég
starfandi formaður fræðslunefndar
Gæðingadómarafélagsins. Nú þeg-
ar ég hef verið kjörinn formaður
Landssambands hestamannafélaga
mun ég draga mig út úr því.“
Formannsskiptin koma í kjölfar
mikilla átaka innan LH meðal ann-
ars vegna deilna um staðsetningu
landsmóts sumarið 2016. Fyrir
lágu ákvarðanir um að halda næsta
landsmót 2016 í Skagafirði. Fyrri
stjórn sleit þeirri ákvörðun og tók
þá stefnu að halda mótið í Kópa-
vogi. Þetta varð mjög umdeilt.
Upp úr sauð svo eftir var tek-
ið í október þegar fyrrverandi for-
maður og gervöll stjórnin gekk frá
borði og sagði af sér eftir ásakan-
ir um óheilindi. Þess vegna varð að
ganga til stjórnarkjörs á aukalands-
þingi og Lárus orðinn formaður.
Lárus gengur ekki gruflandi að því
að hans bíði miklar áskoranir við
að leysa erfiða hnúta. „Ég held að
hestamenn átti sig á því að þessar
deilur geti ekki annað en farið illa
með okkur sem heild ef þær haldi
svona áfram,“ segir hann.
Telur að finna megi
lausnir
Aðspurður að því hvort hann líti svo
á að hann hafi verið kjörinn formað-
ur til að gegna hlutverki eins konar
sáttasemjara svarar hann: „Vonandi
gagnast mér að koma frá landssvæði
sem hefur ekki sóst eftir því að fá að
halda landsmót og þannig að mestu
staðið utan við þessar deilur. Við
megum ekki eyða of mikilli orku í
að karpa um svona hluti. Þetta bitn-
ar svo á öllu öðru félagsstarfi. Fólk
missir fókusinn á það. Ég hef ver-
ið að skoða þessi mál mjög vel síð-
an ég var kjörinn formaður. Þau
munu leysast ef menn hefja sig upp
úr þessum förum sem þeir eru í sem
eru að hugsa fyrst og fremst um sín
svæði. Menn þurfa að vera reiðu-
búnir að hliðra til og breyta með
hagsmuni allrar greinarinnar sem
heildar að leiðarljósi. Ef við náum
þessu þá held ég að það verði ekkert
mjög flókið að leysa úr þessu.“
Lárus bendir á að þegar liggi fyr-
ir ákveðin atriði sem vinna megi út
frá. „Landsþingssamþykkt er fyrir
því að fara aftur í viðræður við fé-
lagið Gullhyl sem sér um mótshald
á Vindheimamelum í Skagafirði.
Jafnframt á að efna til ráðstefnu um
landsmótin sem er önnur umræða
aðskilin frá hinu,“ segir hann.
Megum ekki gleyma
hefðinni og sögunni
Lárus dregur þó enga dul á að deil-
an sé flókin þar sem margir hags-
munir og hefðir takast á. „Það þarf
að taka tillit til ýmissa þátta. Menn
verða líka að skilgreina hvað þeir
vilja með landsmótin í framtíðinni.
Að mínu mati eru kröfurnar orðn-
ar miklar. Við þurfum að staldra við
og hugsa á hverju við viljum byggja,
hvert skuli stefna. Ég hugsa oft til
þess að þýskir vinir mínir sem voru
mjög snemma með íslenska hesta
byrjuðu ekki síst með þá vegna þess
að íslenski hestamaðurinn var svo
skemmtilegur. Það var frelsi, söng-
ur og einfaldlega gaman. Við höfum
pínulítið gleymt og fjarlægst þetta.
Erum farin að taka okkur of alvar-
lega. Þetta snýst orðið of mikið um
keppni.“
Hann segist þó hafa fullan skilning
á að landsmótin og hestamennskan
verði að taka mið af fjármálum og
rekstri. „Það er jú búið að fjárfesta
gríðarlega í þessari grein. Því er
eðlilegt að fólk vilji sjá að þetta reki
sig. Þó er engum hagur í því að gera
þetta þannig að það verði svo óaðl-
aðandi að það dragi stórlega úr að-
sókn fólks á landsmótin. Við þurf-
um að hafa léttara yfir þessu aftur.
Forsendan til að svo megi verða er
auðvitað að leysa þessar deilur sem
nú eru uppi. Við verum auðvitað að
taka tillit til allra faglegra þátta en
jafnframt verðum við líka að vera
meðvituð um hefðina og söguna.
Við megum ekki missa sjónar af
því að búa til skemmtileg mót sem
eru aðlaðandi fyrir fólk til að koma
á. Við þurfum að fá tíu til fimm-
tán þúsund manns á landsmótin. Þá
verður þetta fínt.“
Tækifæri felast í mis-
munandi umhverfi
Lárus segir að deilurnar um stað-
setningu landsmótsins séu öðrum
þræði ákveðin togstreita milli þess
að halda mótin úti á landi eða í þétt-
býli á höfuðborgarsvæðinu. Þarna
er ekki bara á ferðinni hefðbundinn
rígur milli landsbyggðar og þétt-
býlis, heldur snúist þetta líka um
eðli og inntak mótanna.
„Vissulega verða þetta alltaf ólík
mót á höfuðborgarsvæðinu og úti á
landi. Það felst í hlutarins eðli þar
sem umhverfi þeirra er svo ólíkt.
Þetta þarf þó ekki að vera neikvætt.
Í þessu felast líka tækifæri. Ein teg-
und af móti höfðar kannski frekar
til eins hóps heldur en annars. Það
er ekki langt síðan landsmótin voru
á fjögurra ára fresti. Það var þannig
alveg til ársins 2000. Nú er þau hins
vegar annað hvert ár. Í heildina séð
verða landsmótin að hafa ákveðinn
grunn sem eru hestarnir. Við þurf-
um þó líka að huga að skemmtana-
gildinu. Mótin geta svo hvert um
sig verið af ákveðinni gerð. Erlend-
ir gestir geta ákveðið hvort þeir vilji
frekar koma á svona mót eða hitt.
Íslendingar geta gert hið sama. Það
er þó ekki gott að búa til togstreitu.
Meginmálið er að það verður að
vera jákvætt andrúmsloft í kring-
um landsmótin. Ef það er ekki þá
missum við fullt af gestum frá okk-
ur. Það mun einungis verða öllum
til tjóns.“
mþh
Meðal annars á að ráðstafa tíu milljónum króna vegna reksturs íbúasambýlis á
Vesturgötu, sem fyrirhugað er að taka í notkun á næsta ári.
Áætlað að 120 milljónir fari til ýmissa framkvæmda á næsta ári
Lárus Ástmar Hannesson nýkjörinn formaður Landssambands hestamannafélaga:
„Við verðum að skapa jákvætt andrúmsloft“
Þarna eru þeir félagarnir Lárus og Atlas frá Lýsuhóli. Þeir hafa meðal annars
unnið A- flokk gæðinga hjá Snæfellingi í þrjú ár í röð.
Ljósm. Kolbrún Grétarsdóttir.
Lárus Ástmar Hannesson í Stykkishólmi, nýr formaður Landssambands hesta-
mannafélaga.
Hinn nýi formaður LH á góðri stundu í hestaferð.