Skessuhorn - 19.11.2014, Blaðsíða 22

22 MIÐVIKUDAGUR 19. NÓVEMBER 2014
Föstudaginn 21. nóvember kl.
10-13 verður haldin málstofa um
menningu sem atvinnustefnu í Há-
skólanum á Bifröst. Málstofan
er liður í því að koma af stað um-
ræðu um hvernig menningarstefnu
við viljum fyrir menningarráðin á
landsbyggðinni til framtíðar. Rætt
verður um tilgang menningarstefnu
í stjórnsýslu og hvernig hún gagnast
í daglegum rekstri og skipulagningu
menningarverkefna. Einnig hvaða
tilgang hún hafi og hvernig teng-
ist menningarstefna atvinnustefnu
sveitarfélaganna. „Sveitarstjórum á
Vesturlandi er sérstaklega boðið, en
allir eru velkomnir. Við vonumst til
þess að þau sem tengjast menning-
arstörfum sýni áhuga og mæti. Til
stendur að fara í vinnu við að móta
nýja menningarstefnu fyrir Menn-
ingarráð Vesturlands. Þessi mál-
stofa er upphaf þeirrar vinnu,“ seg-
ir Elísabet Haraldsdóttir hjá Menn-
ingarráðinu.
Menning er
verðmætasköpun
Elísabet og fleiri telja að nú sé kom-
inn tími til að hugað verði að því
hvernig menningarstefna sveitar-
félaganna geti gagnast markvisst
í störfum menningarráða og í at-
vinnusköpun. „Þetta er málstofa
sem við Njörður Sigurjónsson hjá
Háskólanum á Bifröst höfum unn-
ið að. Menningarráð Vesturlands
hefur átt gott samstarf við skólann
sem ég er afskaplega þakklát fyr-
ir. Skólinn hefur litið á menningu
sem mikilvæg tækifæri í atvinnu-
sköpun. Ágúst Einarsson fyrrver-
andi rektor skólans verður þarna
ásamt Vilhjálmi Egilssyni núver-
andi rektor og fleirum. Ágúst er nú
kannski okkar þekktasti talsmaður í
dag fyrir því að menning skapi ekki
bara andleg, heldur líka efnahagsleg
verðmæti. Þetta hefur hann rökstutt
og það liggja eftir hann lærð rit um
þessi efni. Nú síðast í haust kom út
eftir hann bók um verðmætasköpun
ritlistar og bókmennta. Ágúst hef-
ur sýnt að listamenn eru ekki þiggj-
endur heldur skapa þeir verðmæti,“
segir Elísabet.
Nágrönnum boðið að
vestan og norðan
Að hennar sögn er skólinn á Bif-
röst frjór jarðvegur fyrir góðar
hugmyndir. „Háskólinn er hlynnt-
ur menningu. Við höfum boðið
menningarráðunum á Vestfjörðum
og Norðurlandi vestra að taka þátt
í þessari málstofu. Þessi svæði liggja
jú að okkur hér á Vesturlandi. Við
þurfum að móta nýjar menning-
arstefnur á komandi ári. Við þurf-
um að átta okkur á því að menning
skapar störf. Hún styrkir nærsam-
félögin og leggur sitt af mörkum til
að íbúum Vesturlands líði vel.“
Elísabet bendir á hægt sé að fara
margar leiðir í að móta menningar-
stefnu sveitarfélaga. „Ég fagna því
að Háskólinn á Bifröst sé tilbúinn
að taka þessa umræðu með okkur á
faglegum nótum nú þegar við ætl-
um að hefja hana í þessari málstofu
þar þann 21. nóvember. Þarna mun-
um við vonandi eflast og fá góð ráð
til þess að hefja vinnu við að móta
frekar þessa stefnu á nýju ári. Í mín-
um huga er þetta nýtt upphaf.“
Tók þátt í ráðstefnu
Vitbrigðanna í Rifi
Elísabet fagnar því að Vitbrigði
Vesturlands skuli nú vera komið á
fót. „Ég er búin að reyna nokkrum
sinnum að stofna svona hópa. Ég
var komin með hóp af fólki í hug-
lægum sköpunargreinum á lista hjá
mér sem ég vissi að voru frá Vest-
urlandi og höfðu áhuga á að koma
að slíkri samvinnu. Lengi vel virt-
ist þó ekki vera jarðvegur fyrir
það þar til núna. Fólki fannst svo
langt á milli staða svo sem Akra-
ness og Stykkishólms eða Borgar-
ness og Grundarfjarðar, bara til að
nefna dæmi. Þetta myndi því aldrei
ganga. Nú hefur hins vegar orð-
ið vakning meðal þeirra sem starfa
við skapandi vinnu í landshlutan-
um. Þau hafa stofnað með sér Vit-
brigði Vesturlands sem eru samtök
fyrir fólk á þessum vettvangi. For-
maðurinn er Sigursteinn Sigurðar-
son arkitekt er held ég einmitt rétti
maðurinn til þess að koma slíku
starfi áfram.“
Öflugt fólk að
koma fram
Að sögn Elísabetar hafa marg-
ir einstaklega öflugir einstakling-
ar menntað sig í skapandi grein-
um, komið heim á Vesturland
með afraksturinn og starfa nú inn-
an Vitbrigða Vesturlands. „Þar vil
ég nefna t.d. Dögg Mósesdótt-
ur í Grundarfirði sem var að halda
stuttmyndahátíðina í Grundarfirði
nú í sjöunda skipti. Einnig Kára
Viðarsson sem stofnaði Frystiklef-
ann á Rifi og hefur flutt mörg frá-
bær leikverk þar. Þá er hópur ein-
staklinga sem hefur staðið að Hinu
blómlega búi og unnið nýtt mynd-
band fyrir Markaðsstofu Vestur-
lands. Þar eru þau Guðni og Bryndís
Geirsdóttir í stafni. Rósa Jónsdóttir
á Hvanneyri og Gunnhildur Guð-
nýjardóttir á Snæfellsnesi, Magn-
ús Hreggviðsson frá Borgarnesi.
Öll eru þau hönnuðir sem vinna á
fjölbreyttu sviði innanhúsarkitekt-
úrs og hönnunar. Á Akranesi eru
það Anna Leif Elídóttir listamað-
ur og verkefnastjóri Akranesbæjar
auk Hönnu Þóru Guðbrandsdóttur
söngkonu með töluverða reynslu
í Íslensku óperunni. Logi Bjarna-
son listamaður frá Borgarnesi. Allt
eru þetta nöfn sem efla Vitbrigðin.
Mörg önnur mætti líka nefna sem
hafa starfað ötullega að því að skapa
tækifæri til þess að vinna verkefni
sem tengjast Vesturlandi.“
Fræ Menningarráðsins
eru að spíra
Menningarráð Vesturlands er sam-
starfsverkefni ríkis og sveitarfélaga
sem styrkja menningartengd verk-
efni í landshlutanum. Mörg undan-
farin ár hefur ráðið styrkt hin ýmsu
verkefni og viðburði.
„Mér finnst mjög ánægjulegt að
heyra þegar ungt fólk í skapandi
greinum hér á Vesturlandi, eins
og til dæmis Dögg Mósesdóttir og
Kári Viðarsson, tala um að styrk-
ir frá Menningarráði Vesturlands
hafi komið þeim af stað. Menning-
arráðið hefur stutt Dögg frá upp-
hafi. Hún hefur margsagt að þess-
ir styrkir hafi ráðið úrslitum um
að hún gæti haldið þessa hátíð sem
hefur fest sig í sessi og laðar að
fjölda fólks. Samstarfið við hana
hefur verið ótrúlega gefandi og
skemmtilegt. Hið sama er að segja
um Kára sem er með listamiðstöð-
ina í Frystiklefanum í Rifi. Þau eru
bæði dæmi um ungt fólk sem er að
koma frá höfuðborgarsvæðinu til
baka í sinn heimabæ og setja þar af
stað svæðisbundin menningarverk-
efni. Ragnar Skúlason tónlistar-
kennari á Akranesi hefur unnið frá-
bært starf með Þjóðlagasveitina þar
og margir fleiri,“ segir Elísabet.
Vilja snúa aftur heim
Elísabet Haraldsdóttir segir að það
sé afskaplega mikils virði að geta
styrkt verkefni sem eru þess eðlis
að þau geti skapað atvinnu í fram-
tíðinni. Nú sé að skapast rétti jarð-
vegurinn til að vinna markvisst að
slíku. „Stór hluti þeirra sem eru í
Vitbrigðunum eru fólk sem ekki er
búsett á Vesturlandi en eru fædd
hér og uppalin og eiga hér rætur.
Mörg þeirra tala um að þau vilji
flytja heim aftur. Þau fylgjast vel
með því sem gerist í landshlutan-
um. Í þessu fólki er falinn mikill
mannauður, þau eru vel menntuð
og búa yfir góðri reynslu og þekk-
ingu. Sveitarfélögin mættu verða
meðvitaðri um að sýna ungu fólki
í skapandi greinum meiri áhuga
og ef þau laða fólk aftur til baka,
til dæmis að loknu námi og eftir
nokkurra ára störf á Íslandi og er-
lendis, þá hafa skapandi menning-
arverkefni ákaflega mikið að segja.
Flest í þessum geira eru einyrkjar.
Þau geta vel hugsað sér að koma
til baka í sinn heimabæ eða heima-
byggð. Mér finnst mjög áberandi
í þessum hópi sem myndar Vit-
brigði Vesturlands að þau líta á sig
sem Vestlendinga og eina heild.
Með nútíma tækni er ekki lengur
talað um að landfræðilegar vega-
lengdir. Þau langar til að gera gagn
með sinni menntun og þekkingu.
Þau hafa til dæmis sýnt áhuga á
því hvernig menningarstefna getur
haft áhrif á störf þeirra.“
mþh
Á laugardaginn var kom hópur-
inn Vitbrigði Vesturlands saman
til ráðstefnu í Frystiklefanum í Rifi
á Snæfellsnesi. Vitbrigðin eru fólk
búsett á Vesturlandi eða með tengsl
þangað sem vinnur að hugverkum
í atvinnuskyni; arkitektúr, hönnun,
myndlist, tónlist, leiklist og hvað-
eina sem fellur undir hugtakið hug-
verk.
Ráðstefnan var kölluð Rástef-
nuhlé. Á henni héldu félagar Vit-
brigða Vesturlands ýmis erindi.
Fólk búsett allsstaðar af Vesturlandi
og víðar af landinu rabbaði saman
og kynntist hvert öðru. Ráðstefnu-
hléð var kynnt í átta síðna sérblaði
sem fylgdi Skessuhorni í síðustu
viku. Hér eru ljósmyndir frá við-
burðinum sem stóð daglangt og
þótti afar vel heppnaður.
mþh
Elísabet Haraldsdóttir menningarfulltrúi Vesturlands:
„Í mínum huga er þessi málstofa nýtt upphaf“
Elísabet teiknar á borða ásamt félögum í Vitbriðgum Vesturlands á ráðstefnunni
sem haldin var í Frystiklefanum í Rifi á laugardag. Frá vinstri: Elín Elísabet Einars-
dóttir, Elísabet Haraldsdóttir, Rósa Björk Jónsdóttir og Alda Hlín Karlsdóttir.
Elísabet Haraldsdóttir er menningarfulltrúi Vesturlands.
Geir Theodór Konráðsson úr Borgar-
nesi. Fjær stendur Sigursteinn Sigurðs-
son arkitekt og formaður Vitbrigða
Vesturlands en hann er búsettur í
Borgarnesi.
Ráðstefnuhlé Vitbrigða Vesturlands í Rifi
Spjallað í hléi. F.v: Logi Bjarnason
myndlistarmaður úr Borgarnesi,
Halldór Heiðar Bjarnason og Lilian
Pineda frá Fljótstungu, Kristjana E.
Sigurðardóttir myndlistarkona úr
Staðarsveit og Rósa Björk Jónsdóttir
hönnuður frá Hvanneyri.
Kári Viðarsson leikari og frystiklefastjóri í Rifi, Anna Leif og Logi
Bjarnason.
Magnús Hreggviðsson grafískur
hönnuður úr Borgarnesi og Alda Hlín
Karlsdóttir menningarfulltrúi
Grundarfjarðar.
Hjónin Bryndís Geirsdóttir kvikmynda-
framleiðandi og Guðni Páll Sæmunds-
son leikstjóri, búsett í Árdal í Andakíl,
á spjalli við Sólrúnu Sumarliðadóttur
tónlistarkonu.
Frá vinstri: Erla Margrét Gunnars-
dóttir skipulagsfræðingur, Kristjana
E. Sigurðardóttir myndlistarkona og
Gunnhildur Guðnýjardóttir innanhúss-
arkitekt, báðar úr Staðarsveitinni.
Bryndís Geirsdóttir skreytir Vit-
brigðafánann.