Fréttatíminn - 13.06.2014, Qupperneq 64

 Í takt við tÍmann marta rún Ársælsdóttir
Dreymir um að borða mig í gegnum Ítalíu
Marta Rún Ársælsdóttir er 22 ára Garðabæjarmær sem skrifar um mat og menningu á vefsíðunni
Femme.is. Hún er að hefja nám í viðskipta- og markaðsfræði við Háskóla Íslands og vinnur
í sumar hjá Steinunni Sigurðardóttur fatahönnuði. Marta Rún leggur á sig ferðalag til
Hafnarfjarðar fyrir góðan kaffibolla.
Staðalbúnaður
Ég vil helst vera fín og vel til fara og ég
geng sjaldnast í lágbotna skóm. Á Íslandi
versla ég mest í Zöru, ég fæ mér auka-
hluti síðan í hinum ýmsu verslunum. Mér
þykir skemmtilegt að vera með fallegar
töskur og skipti ég reglulega um þær
sem ég geng með. Ég reyni að kaupa mér
færri flíkur og aukahluti og hugsa heldur
um gæðin en magnið. Ég fjárfesti í fínum
sólgleraugum sem ég held mikið upp á.
Hugbúnaður
Þegar ég fer niður í miðbæ er það voða-
lega misjafnt hvert ég fer. Það fer aðallega
eftir hópnum sem ég er með. Skemmti-
legast finnst mér samt að geta setið og
spjallað en stundum getur verið gaman að
fara að dansa þegar ég er úti með stelp-
unum. Ég er mikið fyrir að prófa ný kaffi-
hús og veitingastaði. Það sem er í upp-
áhaldinu í augnablikinu er The Coocoo’s
Nest úti á Granda. Besti kaffibollinn, að
mínu mati, er í Hafnarfirði á Pallet Kaffi-
kompaní. Ferðalagið þangað er alveg þess
virði.
Vélbúnaður
Ég hef verið mikill aðdáandi Apple í
nokkur ár. Ég á iPhone, Macbook Air
og AppleTV. Mest er ég háð símanum
mínum og nota hann aðallega í að taka,
skoða og deila myndum á Instagram. Þá
fékk ég mér Canon myndavél nýverið
sem ég er búin að vera læra á. Núna eyði
ég líka miklum tíma í tölvunni eftir að
við opnuðum síðuna. KitchenAid vélin
og Nespresso kaffivélin mín eru sá
vélbúnaður sem er mest notaður í
eldhúsinu.
Aukabúnaður
Tíska, hönnun og listir eru
mér hugleikin. Mér finnst
gaman að skoða og hugsa
um þau málefni enda stefni
ég á nám í viðskipta-
og markaðsfræði með
áherslu á hönnun og ný-
sköpun. Ég er nú að vinna
hjá frábærum fatahönnuði
til að læra meira í þessum
geira. Aðaláhugamálin mín
eru síðan matur og menning.
Uppáhaldsmaturinn minn er
ítalskur matur og mig dreymir um
að borða mig í gegnum Ítalíu. Síðustu
ár hef ég ferðast mest til Bandaríkj-
anna en fór til Parísar um páskana og
þangað fer ég svo sannarlega aftur.
Uppáhaldsstaðurinn á Íslandi eru
klárlega Vestmannaeyjar.
 appafengur
Vivino
Appið Vivino
er frábært app
fyrir alla sem
eru áhugafólk
um léttvín
og uppruna
þeirra.
Það er mjög
einfalt í notk-
un, í appinu er
myndavél og
það eina sem
þarf að gera er
að taka mynd
af miðanum á
vínflöskunni
og voila, þá
birtast allar
upplýsingar
um vínið.
Upplýsing-
arnar sem
maður fær
eru um vínið
sjálft, eigin-
leika þess og
galla, allt um
ræktandann
og framleiðsl-
una á víninu,
hvernig vínið
er metið um
allan heim og
það sem er
skemmtilegt,
dómar frá
fólki um víða veröld sem hefur einnig verið
að drekka þetta vín. Einnig er mjög skemmti-
legur vinkill að það er hægt að bæta vinum og
vandamönnum í hópinn og þá sér maður hvað
fólk er að prófa og fær álit þess, hvaða víni það
mælir með, eða vill forða manni frá.
Þetta er mjög hentugt þegar velja skal rétta
vínið fyrir matarboð, veislur eða bara róman-
tíska kvöldstund með makanum.
Hannes Friðbjarnarson
hannes@frettatiminn.is
Ljósmyndir/Hari
Þetta er sportbílsrauða KitchenA-
id vélin mín sem ég fékk í jólagjöf
frá foreldrum mínum, hún er mikið
notuð í eldhúsinu mínu.
Alexander Wang taskan sem mér þykir ótrúlega
vænt um. Ég fékk hana á frábærum díl hjá stelpu
sem ég kynntist í New York.
Nespresso latte vélin kemur
mér í gang á morgnana.
64 dægurmál Helgin 13.-15. júní 2014