Læknablaðið - 15.12.2006, Síða 5

II M R Æ Ð A 0 G F R É T T I R
867 Af sjónarhóli stjórnar. Læknafélag - fyrir hverja og hvers vegna?
Sigurðiir E. Sigwðsson
868 íþyngjandi vandi Evrópubúa
Offita, ofeldi og hreyfingarleysi
Staðreyndir sem vega þungt
Þyngdarstuðull ekki áreiðanlegur mælikvarði
Hávar Sigwjónsson
871 Ævilöng ánauð - viðtal við Ludvig Guðmundsson
Hávar Sigwjónsson
876 Mikilvægt að skimað sé fyrir öðrum hugsaniegum röskunum
- viðtal við Sólveigu Jónsdóttur
Hávar Sigwjónsson
877 Leikin fræðslumynd um heilabilun
879 Hnarreistar flöskur og létthlaupandi - áhugamál Einars Thoroddsen
Hávar Sigwjónsson
885 Sameindamyndgreining - aðferð til að greina sjúkdóma á frumu-
og sameindastigi - viðtal við Sigurð Sigurðarson og Vilmund
Guðnason
Hávar Sigwjónsson
886 Síra Jón Steingrímsson - líf hans og lækningar I
Örn Bjarnason
893 Um fulltrúalýðræði í LÍ
Sigwbjörn Sveinsson
F fl S T I R P I S T l fl R_____________________________________
895 íðorð 193. Aðstoð óskast
Jóhann Heiðar Jóhannsson
896 Læknadagar 2007
795 Einingaverð og taxtar
893 Sérlyfjatextar
904 Ráðstefnur og fundir
905 Vefst okkur íslensk tunga um tönn? - Hugleiðing höfundar
Þórarinn Eldjárn
LISTAMAÐUR
MÁNAÐARINS
Um töluvert skeið hafa raunsæislegar
myndir af hinu og þessu verið áberandi
í myndlist og þar hefur ný stafræn tækni
helst ráðið för í Ijósmyndun og mynd-
böndum. Pessi áhersla sem enn er ríkjandi
hefur smitast í aðra miðla, samanber mikið
framboð á fígúratífu málverki. Um leið
hefur örlað á andsvari sem vex um þessar
mundir fiskur um hrygg og er sérstaklega
áberandi i nýjum teikningum. Það er eins og
nú sé að einhverju leyti löngun til þess að
í myndlist sé skynjanleg beintenging milli
listaverks og handa listamanns sem vinn-
ur það. Sem dæmi eru abstraktteikningar
þar sem sjá má handbragð einstaklings í
einstöku verki, þar sem skynja má íhugun
og tíma í úrvinnslu. Á forsíðu Lækna-
blaðsins að þessu sinni er verkið Blásturs-
blóm frá árinu 2005, eftir Guðnýju Rósu
Ingimarsdóttur (f. 1969). Hún er búsett (
Belgíu þar sem hún fæst auk teikninga
við gerð innsetninga sem fela í sér skúlp-
túra, Ijósmyndir og myndbönd. Hún setur
fram verk sem vísa í tilvistarlegar vanga-
veltur um samskiþti og tilfinningar og
notar helst likamann og tungumálið sem
forsendur rannsókna sinna. Með því að
beina sjónum áhorfandans að hvers kyns
smáatriðum gefur hún til kynna tíma sem
á lítið skylt við asann í samtímanum, hún
nostrar við verkin og þar liggur ekki allt í
augum uppi. Með þvi að þaulskoða þau
kemur fram lagskipting, glær himna, göt
eftir nálastungur og saumaðir þræðir. Til
að undirstrika þessi einkenni mótvægis
við raunveruleikann og daglegt lif eru þau
spunnin út frá kunnuglegum formum en
að öðru leyti hugarsmíð listamannsins.
Bláar æðar liggja að klösum þar sem
fínlegar, rauðar háræðar móta nýrna-
laga liffæri en um leið minnir teikningin á
valmúa á hvolfi, Blástursblómin eiga sér
enga raunverulega fyrirmynd. Þau gætu
jafnvel minnt á jólakúlur nú á aðventunni.
Sumar linur eru dregnar fínlega en aðrar
brenglast þar sem liturinn hefur blætt
og sundrast í blautum pappír. Síðar hafa
bæst við skellur af akrílefni sem auk þess
að dempa það sem undir er, bjóða upp
á áframhaldandi vinnslu myndarinnar á
nýju yfirborði. Þetta er aðferðafræði sem
Guðný Rósa hefur sérhæft sig í og ein-
kennir aðrar teikningar hennar. Þær eru
orðnar eins og einhvers konar lifandi vefur
sem hún sker upp til að kanna undirlagið,
krukkar í og saumar fyrir.
Markús Þór Andrésson
Læknablaðið 2006/92 841
© Rétthafi myndarinnar er Galerie Conrads