Læknablaðið - 15.02.2008, Page 64

IUMRÆÐUR O G FRÉTTIR
ÍSLENSK ERFÐAGREINING
slíkar einstaklingsbundnar upplýsingar geta haft
jákvæð áhrif á hegðun einstaklingsins."
Jóhartn Ágúst Sigurðsson, prófessor í heimilis-
lækningum, benti á í viðtali í síðasta tölublaði
Læknablaðsins að hætt hefði verið við langtíma-
rannsókn í Noregi vegna þess að upplýsingar um
hugsanlega erfðafræðilega áhættu gætu ýtt undir
sjúkdómstíðni og þar með væri siðferðilega rangt
að halda rannsókninni áfram.
„Þarna var verið að benda á að upplýsingar um
áhættu gæti ýtt undir kvíða og þessi kvíði gæti
síðan hugsanlega ýtt undir áhættu ákveðinna
sjúkdóma, í þessu tilfelli sykursýki. Mér finnst
þetta almennt frekar langsótt og vil einnig benda á
gagnrýnin ætti ekki á engan hátt beinast að sérstak-
lega að erfðafræðilegri áhættu frekar en hverjum
öðrum áhættuþætti. Almennt hafa þó menn verið
sérstaklega á varðbergi gagnvart erfðafræðilegri
áhættu og ég held að það endurspeglist að nokkru
í þessu viðhorfi Jóhanns. í eðli sínu tel ég þó að
ekkert frábrugðið í því að tengja erfðabreytileika
við áhættu fremur en reykingar eða einhverja aðra
hegðun sem vitað er að getur valdið sjúkdómum.
Áður var það þannig að sýnd erfðafræðilegrar
áhættu var oft mjög há, þannig að það að bera
erfðabreytileika eða stökkbreytingu var nánast
sjálfkrafa dómur um það að sjúkdómurinn kæmi
fram. Einnig voru flestir þeir sjúkdómar sem
tengdust stökkbreytingum af þessu tagi mjög
illvígir og í því samhengi verður allt tal um
erfðabreytileika gagnvart sjúkdómum sem læknis-
fræðin átti engin svör við mjög erfið siðfræðilega.
Hins vegar ef um er að ræða sjúkdóma þar sem
fara saman erfðir og umhverfisáhrif og erfða-
breytileikinn hefur þar að auki lága sýnd þá er
í eðli sínu enginn grundvallarmunur á þessum
erfðafræðilegu og umhverfislegum áhættuþáttum.
Að því leyti eigum við eftir að læra að meðhöndla
upplýsingar af þessu tagi."
Magnús segir að lokum að hann gæti ekki sagt
við sjúkling sem til hans leitaði að þessar upplýs-
ingar væru sannanlega gagnlegar. „Eg gæti ekki
sagt með beinum vísindalegum rökum að þessar
upplýsingar séu gagnlegar. Ég gæti ekki út frá
læknisfræðilegu sjónarmiði ráðlagt sjúklingi að
panta þessa rannsókn. En þá komum við aftur að
því sem ég benti á í upphafi að íslensk erfðagrein-
ing er ekki að markaðssetja þetta sem lækningatól.
En þetta er sannarlega spennandi innlegg í mjög
svo lifandi fræðigrein."
Heilbrigðisstofnun Suðurlands
Geðlæknir!
Laus er staða yfirlæknis á geðdeild Heilbrigðisstofnunar Suðurlands. Við deildina starfa nú tveir geðlæknar og er
starfsemin blönduð geðlæknisfræði, bæði réttargeðlækningar, almennar geðlækningar og lækningar í fangelsi.
Við mat á umsóknum verður mikið lagt upp úr eiginleikum sem lúta að samstarfi og sveigjanleika, skipulögðum og
sjálfstæðum vinnubrögðum og hæfni í samskiptum. Laun eru samkvæmt kjarasamningi Læknafélags íslands og
fjármálaráðherra. Staðan getur verið laus eftir samkomulagi. Upplýsingar um stöðuna veitir Óskar Reykdalsson
framkvæmdastjóri lækninga í síma 868-1488 eða á netfangi: oskar@hsu.is
Umsóknum ásamt staðfestum upplýsingum um læknismenntun og læknisstörf sendist á viðeigandi eyðublöðum
sem fást á skrifstofu landlæknis til Óskars Reykdalssonar fyrir 1. mars 2008.
Heilbrigðisstofnun Suðurlands var stofnuð 1. sept. 2004 við sameiningu heilsugæslustöðva á Suðurlandi og Heilbrigðisstofnunarinnar á
Selfossi. Þjónustusvæði stofnunarinnar nærtil um 20.000 íbúa á Suðurlandsundirlendinu.
Um er að ræða 8 heilsugæslustöðvar og eitt sjúkrahús á Selfossi með 55 sjúkrarúm.
Stofnunin rekur ennfremur Réttargeðdeildina á Sogni í Ölfusi og veitir geðheilbrigðisþjónustu á Litla-Hrauni.
Alls eru um 220 stöðugildi við Heilbrigðisstofnun Suðurlands.
1 56 LÆKNAblaðið 2008/94