Fréttatíminn - 19.09.2014, Side 21

Margfalt
minni
umbúðir
með nýrri, byltingarkenndri
prenttækni HP og betri
orkunýtingu.
Ódýrari
í rekstri
Fáðu ráðgjöf sérfræðinga Opinna kerfa við val á lausnum
sem henta þínum þörfum og umhverfi.
Nánar á www.ok.is/ProX
Helmingi ódýrari í rekstri
en sambærilegir laserprentarar
Nýtt hraðamet* í prentun
– allt að 70 blaðsíður á mínútu
Umhverfisvænn
Kynntu þér eiginleika nýju
„HP PageWide“ tækninnar
HP Officejet Pro X fjölnotaprentarar
*Samkvæmt Guinness World Records og prófunum Buyers Laboratory LLC.
Sérfræðingar þér við hlið
jafnframt til ríkari þörf á að bjóða
upp á vandað, íslenskt barnaefni,
svo börn alist ekki upp við erlent
barnaefni fyrst og fremst. Fyrsta
skrefið í þá átt verður tekið í vetur
þegar opnaður verður sérstakur
barnavefur, KrakkaRÚV, þar sem
aðgengi barna að sjónvarpsefni á
íslensku verður mun betra en verið
hefur.
„Ef ekkert verður að gert verður
þróunin sú að fyrsta stopp hjá
yngstu kynslóðinni, þegar þau
sækja sér afþreyingarefni, verði
erlendar efnisveitur með barnaefni
á erlendum tungum. Við viljum að
sjálfsögðu að börnin okkar alist
upp við barnaefni á íslensku en
það þarf að standast þær gæða-
kröfur sem þessi kröfuhörðu neyt-
endur gera. Þessi nýjung, Krakk-
aRÚV, er hluti af því verkefni sem
fram undan er, að efla vef RÚV“
segir Magnús Geir.
Einnig er í vinnslu nýr veður-
vefur sem opnaður verður innan
skamms. „RÚV hefur einfaldlega
ekki sett vefmál nógu ofarlega í
forgang og fyrir vikið er vefurinn
ekki nægilega góður miðað við allt
það frábæra efni sem verið er að
framleiða hér innanhúss. Það er í
raun synd hvað það er óaðgengi-
legt og við þurfum að vera miklu
framar í þeim efnum,“ segir hann.
Magnús Geir leggur jafnframt
mikla áherslu á að auka þjónustu
við landsbyggðina. „Á síðustu
árum hefur RÚV gefið eftir og
óeðlilega stór hluti starfseminnar
er nú í Reykjavík. Við ætlum að
bæta við fréttariturum hringinn í
kringum landið sem miðla meira
efni inn í landsmiðlana á sama
tíma og við viljum efla svæðis-
bundna miðlun. Það eru nokkur
ár síðan svæðisútvörpin voru lögð
af en nú sjáum við fyrir okkur að
fara í svæðisbundna miðlun og
það verði í gert í auknum mæli í
gegnum vefinn. Þetta er afar brýnt
sanngirnismál þar sem RÚV er
ríkisútvarp allra landsmanna,“
segir Magnús.
Starfið krefjandi og skemmti-
legt
Aðspurður segir Magnús Geir
starf útvarpsstjóra bæði krefj-
andi og skemmtilegt. „RÚV er
ein mikilvægasta menningar- og
lýðræðisstofnun þjóðarinnar og á
að vera sameinandi afl. Ég tel að
það séu ótal tækifæri til að gera
gott Ríkisútvarp enn betra. Það fer
ekkert á milli mála að landsmönn-
um þykir vænt um sitt Ríkisútvarp
og hafa á því ótal og ólíkar skoð-
anir. Breytingarnar hafa gengið
vel en eðlilega hafa þær líka tekið
á. Við, nýja fólkið, komum hér
inn á erfiðum tímapunkti þar sem
staða RÚV er strembin. Þetta er
kannski bara eins og öll stór verk-
efni, það verður að reyna að fara
hratt í hlutina til að bæta það sem
þarf að bæta. Það hefur líka verið
lærdómsríkt að átta sig á því hvað
sjónarmið eru mörg og ólík. Við
viljum og reynum að hlusta en
stundum verður bara að horfast í
augu við það að sjónarmiðin eru
ósamræmanleg og það sem einn
vill gengur í berhögg við það sem
annar óskar eftir.
Ágætis dæmi um þetta er þegar
við sýndum frá HM í knattspyrnu
karla í sumar. Þar bauð RÚV upp
á fjölbreytta dagskrá á þessu
sviði en sumum fannst allt of lítið
af leikjum sýnt beint á meðan
öðrum finnst að eigi ekki að sýna
neitt. Okkar hlutverk er að reyna
eftir fremsta megni að sætta ólík
sjónarmið og stefna að einhverri
bestun,“ segir Magnús Geir. Þá
bendir hann á að framboð efnis
Ríkisútvarpsins sé gríðarlega
mikið og ekki ætlast til þess að
hver einasti dagskrárliður höfði til
hvers og eins.
Spurður hvers vegna hann hafi
sóst eftir að gegna starfinu segir
Magnús Geir að hann hafi séð í því
tækifæri. „Ég hafði setið í stjórn
RÚV í nokkurn tíma þannig að ég
hafði kynnst starfseminni þó það
hafi verið úr hæfilegri fjarlægð.
Mér finnst Ríkisútvarpið afar
mikilvæg, spennandi og skemmti-
leg stofnun og mér hefur alltaf þótt
vænt um það. Ég sá fjölda sóknar-
tækifæra fyrir RÚV og að þeim er
nú unnið. Þótt ég sé leikhúsmaður
af lífi og sál – þá byrjaði ég svo
ungur í leikhúsinu að mér fannst
tímabært að stíga út úr því. Þetta
væri spennandi viðfangsefni og
áhugavert verkefni sem væri tæki-
færi sem ég vildi ekki láta framhjá
mér fara,“ segir Magnús Geir.
Fimmta barnið á leiðinni
Magnús og sambýliskona hans,
Ingibjörg Ösp Stefánsdóttir, eiga
von á barni á næstu dögum en það
verður fimmta barnið á heimilinu.
Ingibjörg átti þrjú börn fyrir og
saman eiga þau átján mánaða
son. Fjölskyldan bjó um hríð á
tveimur stöðum, hér í Reykjavík
og á Akureyri, þar sem Ingibjörg
hefur gegnt starfi framkvæmda-
stjóra Menningarhússins Hofs um
sjö ára skeið. Þau eru nú búin að
koma sér fyrir í Fossvogsdalnum
og börnin byrjuð í skóla. Aðspurð-
ur segir Magnús Geir það ganga
vel að finna jafnvægi milli starfs
og fjölskyldulífsins. „Ég er mikill
fjölskyldumaður og nýt mín hvergi
betur en með fjölskyldunni. Ég
reyni að sinna því eins vel og ég
mögulega get og reyni að passa
upp á það. Ef mikið gengur á í
vinnunni þarf maður að venja sig
á að slökkva á þeim hugsunum
og vera alveg til staðar heima.
Það er að lærast en óneitanlega er
áreitið meira í nýju starfi en því
fyrra. Annars gengur fjölskyldu-
lífið bara dásamlega vel og ég er
bara svo heppinn að eiga frábæra
fjölskyldu,“ segir Magnús Geir.
„Pabbahlutverkið er náttúrulega
best af öllu. Ég náði að taka gott
fæðingarorlof með syni okkar í
fyrra sem er ómetanlegt. Svo eru
stjúpbörnin mín alveg yndisleg og
hafa mikinn áhuga á leikhúsi og
nú sjónvarpi þannig að við erum
svolítið saman í þessu öllu,“ segir
hann.
Magnús Geir var á fertugasta
ári þegar hann eignaðist sitt fyrsta
barn. „Það var alveg komin upp-
söfnuð löngun,“ viðurkennir hann
brosandi. „Auðvitað setur þetta
allt annað í samhengi. Ég hef verið
í leikhúsinu af lífi af sál – og er það
að sjálfsögðu með öll þau verkefni
sem ég tek mér fyrir hendur – en
fjölskylduhlutverkið setur allt í
annað samhengi því núna er annað
sem er mikilvægara, miklu mikil-
vægara, meira gefandi og ennþá
skemmtilegra en vinnan,“ segir
hann.
Metnaðarfull rás fyrir forvitið
fólk
Eitt af því sem lögð hefur verið
áhersla á undanfarið er að skerpa
muninn á Rás 1 og 2 og efla
menningarlegt hlutverk Rásar 1.
„Rás 1 er einstök í íslenskri fjöl-
miðlaflóru. Hún hefur verið með
þjóðinni áratugum saman og við
viljum að hún verði það áfram, að
hún vaxi og dafni. Hlustunin hefur
hins vegar verið að dala hægt og
bítandi á undanförnum árum. Við
viljum að Rás 1 verði enn til staðar
eftir 20 ár og því verðum við að
tryggja að hún þróist með breytt-
um tíðaranda án þess að neinu sé
kollvarpað,“ segir Magnús. „Rás
1 á að vera metnaðarfull rás fyrir
forvitið fólk um samfélagið og
menningu og þar á að vera pláss
fyrir þætti sem höfða kannski ekki
til allra. Í niðurskurðinum í fyrra
var hart gengið fram gegn Rás 1,
dregið var úr frumframleiðslu,
dagskrárgerðarmönnum fækkaði,
dregið var úr tónleikaupptökum og
útvarpsleikhúsi og endurflutning-
Framhald á næstu opnu
Helgin 19.-21. september 2014