Fréttatíminn - 19.09.2014, Side 24

Lærði að slaka á
eftir ástvinamissi
Guðmundur Konráðsson upplifði mikla sorg þegar hann
aðeins 15 ára gamall missti 3ja vikna bróður sinn. Þetta var
fyrsta áfallið af mörgum, hann missti síðar annan bróður í
slysi og fjölda ættingja og vina í snjóflóðinu á Flateyri, auk
þess sem faðir hans féll frá. Guðmundur leitaði allra leiða
til að finna gleðina á ný en hamingjan reis af sjálfu sér eftir
að hann fékk leiðsögn andlegs leiðbeinanda og tókst þá að
uppfylla loforðið sem hann gaf eldri bróður sínum: Að vera
hamingjusamur fyrir þá báða.
Þ að er enginn sem nær ham-ingjunni heldur rís hún af sjálfu sér þegar maður
sér að það eina sem þarf að gera
er að slaka á. Það tók mig 10 ár
með mínum andlega kennara að
fatta þetta, eins augljóst og þetta
er. Ég var búin að reyna að verða
hamingjusamur með því að gera,
kaupa og skemmta mér en ekk-
ert virkaði. Þetta small allt saman
þegar ég bara fattaði að slaka á,“
segir Guðmundur Konráðsson, 49
ára kerfisfræðingur hjá Hagstof-
unni. Guðmundur hefur í gegnum
árin misst fjölda ástvina. Hann er
fæddur og uppalinn á Flateyri og
þegar hann var 15 ára gamall dó
3ja vikna bróðir hans skyndilega,
12 árum síðar lést 22ja ára bróðir
hans í slysi og 12 árum eftir það dó
faðir þeirra. Guðmundur var flutt-
ur frá Flateyri þegar snjóflóðið féll
yfir bæinn árið 1995 og átti hann
bæði vini og ættingja meðal þeirra
sem þá létust.
Forn indversk fræði
Guðmundur er annar skipuleggj-
enda Heimsljóss messunnar sem
haldin verður fjórða fimmta árið í
röð í Lágafellsskóla í Mosfellsbæ
um helgina. Heimsljós mælir með
heilunarguðsþjónustu í kvöld,
föstudag, í Lágafellskirkju en á
laugardag hefst hin eiginlega dag-
skrá og stendur yfir alla helgina,
fram á sunnudag. Verður fjöldi
fólks á messunni að kynna ýmsa
starfsemi, svo sem bowen-tækni,
blómadropameðferð, Qigong æf-
ingar og bætiefni. Á sunnudag
verður Guðmundur með erindi
þar sem hann ræðir fráfall ást-
vina sinna og afleiðingu þess á
líf hans. Hann ætlar þar að miðla
af reynslu um þann tíma sem tók
hann að ná sér af því áfalli sem
ástvinamissir er, hvaða áhrif það
hefur að horfast í augu við þann
ótta sem fylgir dauðanum og
hvaða þýðingu það hefur að sitja
með sorginni án þess að reyna að
ýta henni frá sér. Um tíu ár eru
síðan Guðmundur kynntist Adva-
ita Vedanta, fornum indverskum
fræðum sem tengjast Veda-
fræðunum, og með leiðsögn
kennara lærði hann að slaka á
og fara úr huganum í hjartað.
„Ljósið kemur úr hjartanu,“
segir hann.
Hver og einn lokaðist í
sinni sorg
Guðmundur var að koma
heim úr heimavistarskóla
sama dag og litli bróðir
hans dó, 1. nóvember 1980. „Sorg-
in sem hvíldi yfir heimilinu þegar
ég kom heim var ólýsanleg. Það
var lítil samhygð í þorpinu þar
sem fólk vissi ekki hvernig það
átti að bregðast við eða hvað það
átti að segja. Hver og einn lokaðist
dálítið inni í sinni sorg og langan
tíma tók að vinna úr henni,“ segir
hann.
Annað áfallið var 5. september
1992 þegar annar bróðir hans lést
í slysi rúmlega tvítugur. „Það hafði
mikil áhrif á allt þorpið og ólíkt
fyrra skiptinu var mikill stuðning-
ur við fjölskylduna. Ólíklegasta
fólk gaf sig að okkur og tjáði hug
sinn. Það stóðu allir sem einn og
stóðu með okkur í gegnum þetta.
Þó það hafi tekið langan tíma
að vinna úr sorginni og
missinum varð allt
léttara fyrir
vikið.“
Áður
en
Minja er gjafavöruverslun með áherslu á íslenska og erlenda hönnun • skólavörðustíg 12 • sími 578 6090 • www. minja.is • facebook: minja
K
raftaverk
Mikið úrval af dýrapúðum eftir
hinn þekkta hönnuð
og Íslandsvin Ross Menuez.
3 stærðir - Verð frá kr. 3.500
bróðir hans var jarðsettur bað Guð-
mundur um að fá að vera einn með
kistunni. „Ég geri mér ekki alveg
grein fyrir af hverju ég bað um það
en það kom síðan til mín að þarna
skyldi ég gefa honum heit: „Ég skal
vera hamingjusamur fyrir okkur
báða.“ Þegar ég sagði þessi orð þá
vissi ég ekki alveg hvað þau þýddu
en ég ímyndaði mér að þau tengd-
ust gleði. Ég lagði í framhaldinu
áherslu á að finna gleði, ég leitaði
gleðinnar um víðan völl þar til ég
gerði mér grein fyrir hinu augljósa:
Ég gat ekki fundið gleðina held-
ur myndi hún finna mig þegar ég
væri búinn að fjarlægja þær hindr-
anir sem stóðu í vegi fyrir henni.
Ég hætti að gefa hlutum og hug-
myndum í kring um mig of mikið
gildi. Með því að gefa þeim of djúpa
merkingu hálfpartinn límast þeir
við mann. Það er líka hægt að líkja
þessu við rafmagnshleðslu, að fólk
hlaði hlutina í kring um sig. Með því
að afhlaða þá er hægt að sökkva sér
í kyrrðina og slaka á, að vera ekki of
upptekinn af því sem er í kringum
mann heldur leyfa lífinu að flæða í
gegn um sig.“
24 viðtal Helgin 19.-21. september 2014