Fréttatíminn - 19.09.2014, Side 64

 HafnarHúsið alþjóðleg samsýning
Myndun sjö listamanna
Alþjóðlega samsýningin
Myndun verður opnuð í
Listasafni Reykjavíkur,
Hafnarhúsi, laugardaginn
20. september klukkan
16. Sjö listamenn eiga
verk á sýningunni: Tomas
Saraceno frá Argentínu,
Ernesto Neto frá Brasilíu,
Ragna Róbertsdóttir frá
Íslandi, Mona Hatoum frá
Líbanon, Monika Grzymala
frá Póllandi og Ryuji Na-
kamura og Rintaro Hara
frá Japan. Sýningarstjóri
er Ingibjörg Jónsdóttir.
Rætur þessara lista-
manna eru ólíkar, að því er
fram kemur í tilkynningu
Listasafns Reykjavíkur, en
það sem sameinar þá er
að verk þeirra eru þrívíðar
innsetningar sem þeir
vinna inn í rými. „Verkin
endurspegla ákveðna
skynjun, hugsun og hrynj-
anda sem má túlka sem
enduróm frá lífinu, frum-
kröftunum, uppbyggingu
efnisheimsins og mótunar
alheimsins. Annað sem
tengir verkin sterkt saman
er að þau hafa orðið til í
ferli þar sem orka og tími
virðast hafa hlaðið þau.
Verkin höfða vitsmuna-
lega, hugmyndafræðilega
og á skynrænan hátt til
áhorfandans. Þau koma
á óvart með ferskleika
sínum, fornri visku og
sterkri nærveru.“ -jh
Guðrún syngur með Rastrelli sellókvartett
Rastrelli sellókvartett og sópran-
söngkonan Guðrún Ingimarsdóttir
halda tvenna tónleika hér á landi um
helgina, í Reykholtskirkju í Borgar-
firði, laugardaginn 20. september,
klukkan 16 og í Listasafni Íslands,
sunnudaginn 21. september, klukkan
20. „Rastrelli sellókvartettinn hefur
skapað sér mikla sérstöðu meðal
strengjakvartetta á heimsvísu.
Þessir fjórir hljóðfæraleikarar heilla
áheyrendur um allan heim með ástríðu-
fullum leik sínum. Þeir eru jafnvígir
hvort sem þeir leika klassísk verk,
tangó, Bossa Nova eða jazz-stand-
arda. Stundum hljóma sellóin eins
og saxófónn, stundum eins og píanó
eða Bandóneon,“ segir í tilkynningu,
en Rastrelli sellókvartettinn hefur
komið fram í mörgum af stærstu
tónleikasölum heims.Undanfarin
ár hefur Guðrún Ingimarsdóttir
starfað sem söngkona í Þýskalandi og á
meginlandi Evrópu, auk Íslands. -jh
Guðrún Ingi-
marsdóttir.
 leiklist gullna Hliðið frumsýnt í BorgarleikHúsinu
Leynd barátta
þjóðarinnar
við sjálfa sig
Leikfélag Akureyrar
setti upp á síðasta
ári sýninguna Gullna
hliðið eftir Davíð
Stefánsson og hlaut
mikið lof. Sýningin
hlaut 3 Grímuverð-
laun af þeim 7 sem
hún fékk tilnefn-
ingar fyrir og þar á
meðal fékk leik-
stjórinn Egill Heiðar
Anton Pálsson
Grímu fyrir besta
leikstjórn. Sýn-
ingin er nú komin
til Reykjavíkur og
verður frumsýnd í
kvöld, föstudags-
kvöld á stóra sviði
Borgarleikhússins.
Leikhús á Íslandi er
á mjög góðum stað,
segir Egill Heiðar Anton
Pálsson, leikstjóri Gullna
hliðsins. Ljósmynd/Hari
e gill Heiðar hefur undanfarið ár dvalið í Berlín þar sem hann gegnir prófessors-stöðu við Ernst Busch leiklistarskólann.
Hann segir Þjóðverja bera mikla virðingu fyrir
list og listamönnum.
„Þarna er önnur menning, hún er ekkert að
efast um það að hún vilji hafa listir sem hluta af
því að vera í samfélagi.“
Egill kláraði LHÍ 1999 og fór í nám í leik-
stjórn í Kaupmannahöfn og hefur verið meira
eða minna erlendis síðan. „Þetta er mín fyrsta
frumsýning í Reykjavík í næstum því áratug,
þegar ég setti upp leikritið Sumardagur í Þjóð-
leikhúsinu.“
Þú ferð snemma út í leikstjórn, stóð aldrei til
að verða leikari?
„Ég vildi bara ráða alltof mikið, segir Egill.
eða þá að ég hafi bara ekki verið nógu góður
leikari.
Í einlægni þá fann ég það eftir fyrsta árið í
leiklistarskólanum, ég komst að því þegar ég
sá magnað leikhús í Berlín. Þá hugsaði ég með
mér, ég klára þetta bara og fer í leikstjórn og
gerði það bara. Leikstjórinn er málamiðlari allra
mögulegra listforma og reynir að stýra þeim í
sömu átt. Hann þarf ekkert endilega að virka
sjálfur, en hann þarf að láta annað fólk virka,“
segir Egill.
„Við ákváðum að setja upp Gullna hliðið því
í þeirri sögu er leynd barátta þjóðarinnar við
sjálfa sig, sem er svo frábært að geta afhjúpað.
Það tókst vel fyrir norðan, fólk var að fatta um
hvað við vorum að fjalla. Þessi kraftbyltingar-
hljómur fyrirgefningarinnar sem er í verkinu er
magnaður og á alltaf við. Þetta er einhverskonar
kómedía af Bjarti í Sumarhúsum. Þessi íslenski
kaótíski berserkur sem rífur kjaft við alla, meira
að segja Lykla-Pétur er mjög þekktur í þjóðar-
sálinni. Við eru ennþá í því.“
„Ég fer til Kaupmannahafnar strax eftir frum-
sýningu þar sem ég er að setja upp aðra sýningu
þar. Það er voða gaman að flakka svona á milli,
mér finnst það ótrúlega hressandi,“ segir Egill.
„Við erum heppin hvað við getum hoppað á
milli hlutverka á skömmum tíma. Við sjáum
leikara fara úr Mary Poppins yfir í hádrama og
allt þar á milli á Íslandi. Frábærir leikarar verða
allt í einu frábærir leikstjórar. Við virðumst
ekki hræðast neitt nema okkur sjálf. Leikhús
á Íslandi er á mjög góðum stað. Nú þurfum við
að klára þetta skref að gera ögrunina á milli
stofnanna listræna, við erum búin að vera lengi
í peningahliðinni. Það var líka fínt, það þurfti að
lækna okkur. Það er rosalegur kraftur í íslensku
menningarlífi og það á að styðja hann.“
Hannes Friðbjarnarson
hannes@frettatiminn.is
64 menning Helgin 19.-21. september 2014