Fréttatíminn - 19.09.2014, Page 68

 Í takt við tÍmann Ósk GunnarsdÓttir
Rokkaður hippi sem hleypur hálfmaraþon
Staðalbúnaður
Ég veit ekki hvernig ég á að lýsa fatastíln-
um mínum, kannski rokkaralegur í bland
við hippakjóla og hárbönd. Ég veit ekkert
skemmtilegra en að fara á markaði í út-
löndum, eins og í Camden eða í New York
og grúska og finna gömul föt af breskum og
bandarískum ömmum. Ég er ekki snobbuð
og kaupi ekki eftir merkjum, ég er ekki með
Prada töskur eða neitt svoleiðis. Hér heima
finn ég alltaf eitthvað í Vero Moda og uppá-
halds íslensku hönnuðirnir mínir núna eru
Sara í Forynju og Birta í Júníform.
Hugbúnaður
Ég er alltaf með eins árs syni mínum og
manninum mínum þegar ég er ekki að
vinna, þeir eru skemmtilegastir. Í sumar
reyndum við að vera dugleg að flakka um
landið. Jújú, maður kíkir alveg út þegar
maður fær pössun. Ég á ekki neinn uppá-
halds skemmtistað, það eru alltaf að koma
nýir staðir og ég fylgist ekki nógu vel
með. Ég fer bara þangað sem vinir mínir
fara. Uppáhaldskaffihúsið mitt er samt
alltaf Prikið, ég var að vinna þar í denn og
þar líður mér alltaf eins og heima. Ég er
nýbyrjuð að horfa á Game of Thrones en ég
er hrifnust af BoJack Horseman. Það eru
miklir meistarar á bak við þann þátt. Í sum-
ar hljóp ég hálfmaraþon en þegar ég byrjaði
að æfa fyrir það hafði ég mest hlaupið fimm
kílómetra. Ég tók þetta bara á þrjóskunni.
Pabbi er mikill hlaupari og ég vildi sjálfsagt
sýna mig og sanna. Kannski maður taki
maraþonið næst.
Vélbúnaður
Ég eignaðist iPhone fyrir ári síðan og nota
hann talsvert. Ég nota nokkur öpp, til
dæmis Runkeeper, ýmis barnatengd öpp og
QuizUp. Ég er bæði nörd og keppnismann-
eskja svo það hentar mér. Annars er ég svo-
lítill klaufi og eyðilegg eiginlega alltaf alla
síma.
Aukabúnaður
Ég elska að elda og finnst gaman að bjóða
vinum í góðan mat og halda spilakvöld.
Mér finnst skemmtilegast að elda ítalskan
mat og hef verið að prófa mig áfram að elda
indverskan mat. Á sunnudögum hittist stór-
fjölskyldan alltaf hjá mömmu og pabba í mat
og það er toppurinn á vikunni. Ég er mjög
fjölskyldukær. Þegar ég fer út að borða finnst
mér mjög skemmtilegt að fara á Tapasbar-
inn, það er fínt að fá mat sem ég kann ekki
elda heima. Ég fer samt ekki mikið út að
borða, ég er dugleg við að elda eða að stofna
matarklúbba og láta bjóða mér í mat. Síðustu
tvö ár hef ég farið til Ítalíu í frí, ætli ég sé
ekki með eitthvert blæti.
Ljósm
ynd/H
ari
Ósk Gunnarsdóttir er 27 ára útvarpskona á FM957 og sjónvarpskona á Bravó og
Stöð 2. Hún nýtur sín vel í starfinu enda hófst undirbúningurinn snemma, þegar
hún sleit barnsskónum í Kópavogi var Ósk dugleg að taka viðtöl við vini og ná-
granna á kassettutækið sitt. Ósk elskar að elda ítalskan mat og finnst enginn jafn
skemmtilegur og eins árs sonur hennar.
 appafenGur
Lumosity
Flestir eru sammála um að öpp á borð við
Candy Crush geri lítið til að örva heila-
starfsemina. Til mótvægis við slík öpp
hafa verið þróuð nokkur sem beinlínis eiga
að þjálfa heilann. Lumosity er eitt þeirra.
Þar er búið að
hanna þrautir
sem eiga að
bæta minni,
athyglisgáfu,
s ne r p u og
sveigjanleika.
Þú getur sér-
va l ið þraut-
irnar. Ert þú
alltaf að týna
húslyklunum?
Á t t u er f i t t
með að muna
nöfn? Finnst
þér þú ekki
geta hugsað
út fyrir boxið?
Eða viltu bæta
þig í hugar-
reikningi?
Lumosity
gefur sig út
fyrir að geta
hjá lpað þér
með þetta allt.
Ætlast er til að
notendur „æfi“
3 - 5 sinnum
í viku, í um
10 mínútur í
senn.
A pp ið er
ókey pis en
hægt er að
kaupa viðbæt-
ur og fá að-
gang að fleiri
þrautum.
- eh
Sætar franskar
frá McCain
Sætu kartöflurnar frá McCain eru ómótstæðilega
bragðgóðar. Þú skellir þeim í ofninn og áður en þú
veist af hefurðu töfrað fram girnilegt og gómsætt
meðlæti. Prófaðu núna!
Vinsælar hjá Íslendingum í mörg ár
68 dægurmál Helgin 19.-21. september 2014