Þjóðlíf - 01.11.1987, Blaðsíða 9

IN N LENT
„leyndarmálið": að við værum þegar búin að ganga frá samningi við
Phonogram hljómplötufyrirtækið uppá 100 þúsund pund og bað
hann að láta þetta ekki fara lengra.
Raunverulega sýndu öll stóru hljómplötufyrirtækin áhuga en það
þurfti eitthvað til að þau tækju skrefið til fulls og byðu fram samning.
Þetta tókst og nú keppast þau um að fá samning. Við réðum lögfræð-
ing í London til að eiga samskipti við þessi fyrirtæki - og með þeim
fyrirmælum að það þýddi ekkert að bjóða fram samninga upp á
hundrað þúsund. Við værum með mikiu stærri samning í huga.“
- Eru Sykunnolarnir að brjótast fram með nýja stefnu í músík eins
og bresku poppblöðin halda fram?
Björk: „Þegar við komum til London í haust urðum við strax vör
við að menn héldu að allt sem við værum að gera væri úthugsað, t.d.
öll smáatriði á myndbandinu Birthday. En það sem við erum aðeins
að gera er að spila tónlist sem okkur þykir gaman að. Svo einfalt er
það.
Sumir hafa haldið að munurinn á Kuklinu og Sykurmolunum væri
sá að nú værum við fyrst og fremst að hugsa um að gera eitthvað
skemmtilegt en okkur finnst þetta mjög skrítið vegna þess að í
Kuklinu vorum við ekkert síður að gera skemmtilega hluti og því
höfum við aldrei fengið skilið hvers vegna fólk hér hefur ekki alveg
eins getað dansað og skemmt sér með Kukli og Sykurmolunum rétt
eins og Stuðmönnum. Við fengum strax á okkur þann stimpil að við
værum eitthvað „enfant terrible'4 og höfum ekki losnað við hann
síðan.“
- Sumir halda því þó fram að tónlistin ykkar sé orðin léttari og
auðmeltari?
Einar: „Það er ekkert meðvitað. Þetta er ómeðvitað ferli hjá
okkur því þegar við fórum inn í Sykurmolana gerðum við það með
allt annað í huga en í Kuklinu. Við erum ekki að leika okkur að
tónlistinni heldur leika okkur sjálf. Það skiptir líka máli að það er
enginn einn lagahöfundur í hljómsveitinni því við semjum öll tónlist-
ina. Það yrði helvíti góður fundur hjá okkur ef við gætum öll sest
niður til að ákveða hvernig tónlist við ætluðum að spila - hvernig stíl
við vildum fylgja.“
Björk: „Aftur á móti er stefna Sykurmolanna mjög mörkuð af því
að nú leyfum við okkur að gera ýmsa hluti sem Kuklið gerði ekki. í
Kuklinu vorum við sjálf búin að takmarka okkur við ákveðinn stíl og
af þeim áhrifum sem við höfðum á aðra. Undir lokin vorum við farin
að einbeita okkur eingöngu að því að gera bara ljóta tónlist. Kuklið
hafði alltaf það takmark að ljótasta tónlistin er í rauninni fallegasta
tónlistin.
Það hefur líka haft sín áhrif að aðeins þrír af fimm meðlimum
Sykurmolanna komu úr Kuklinu. Gítarleikarinn og bassaleikarinn
voru ekki í Kuklinu og þeir hafa mikil áhrif því þeir eru, ásamt
söngvurunum, melódían í hljómsveitinni."
- Hvernig verður tónlist Sykurmolanna til?
Björk: „í flestum lögum byrjar bassaleikarinn á að semja línuna.
Við komum svo inn með okkar hugmyndir og Sigtryggur trommu-
leikari semur sín bít. Það er ýmist að við setjum laglínu ofaná
bassalínuna eða ákveðinn takt..."
Einar: „Og síðan fæ ég að útsetja smávegis á endanum."
Björk: „Það sér bara hver um sig.“
- Komu þessi lœti með ykkur ípoppheiminum á óvart?
Einar: „Já,ég er skíthræddur og hef ekkert sofið í marga daga.
Derek hringdi í mig á mánudaginn og sagði að við yrðum að spila á
föstudaginn því hann sé búinn að stefna öllum þessum fyrirtækjum
hingað. Það var erfitt að finna hús fyrir tónleikana með svo stuttum
fyrirvara en það tókst. Þessu hefur fylgt heilmikið álag.
Fólk heldur að þetta sé allt ósköp einfalt og skemmtilegt en ég er
voðalega hræddur við þetta allt saman. Þetta gerðist bara allt í
einu...“
Björk: „Þetta er slys.“
Einar: „Já, þetta er slys. Við höfum aðeins verið að gera sömu
hluti og við höfum verið að fást við í mörg ár og svo kemur þetta allt í
einu upp.“
HELGI FRIÐJÓNSSON
• „Svo einfalt er það.“ (!)
Derek: „Venjulega fara hljómsveitir til hljómplötufyrirtækjanna
og biðja þau um að gefa út sínar plötur. Við vildum snúa þessu við og
sögðum við þá að ef þeir hefðu áhuga þá skyldu þeir drífa sig til
íslands og hitta Sykurmolana þar. Við sögðum þeim jafnframt að
Sykurmolarnir væru eingöngu til viðtals um samning ef þau fengju að
gera þetta eins og þau vilja sjálf. Aðalatriðið er að fyrirtækin koma til
þeirra og biðja um hljómplötusamninga.
Fulltrúar flestra fyrirtækjanna hafa þegar séð Sykurmolana á
tónleikum úti og eru vægast sagt mjög áhugasamir. Þetta er líka
trúlega í fyrsta skipti sem þessi stórfyrirtæki taka sig upp og fara til
annars lands til að reyna að ná samningum við tónlistarmenn."
Einar: „Þetta skelfir mig því við erum ekki tónlistarfólk í bransan-
um - við erum ekki atvinnumenn heldur bara áhugafólk og þurfum
að passa okkur vel að koma ekki skemmd út úr þessu. Þessi bransi er
svo rotinn.
Það sem Derek hefur raunverulega verið að gera er að starfa fyrir
okkur fyrir utan bransann og hann hjálpar okkur að vera við sjálf
þrátt fyrir að bransinn sé kominn utanum okkur."
Björk: „Derek hefur farið bakdyramegin að bransanum. En sem
dæmi um það hvenig þessi breski bransi gengur fyrir sig þá var mér
sagt í Bretlandi um daginn að ein manneskja ynni við það í fullu starfi
að koma Terence Trent D Arby í réttu partíin."
- Eru Sykurmolarnir tónlistarlega í fremstu röð í Bretlandi núna,
Derek?
„Já, tvímælalaust og þau eru eina hljómsveitin sem hefur komist á
tvær forsíður tónlistarblaðanna strax eftir fyrstu plötu. Birthday
hefur nú selst í 15 þúsund eintökum sem er einstakt miðað við hversu
litla kynningu platan fékk framan af.“
- Geta þau endurtekið þetta í Bandaríkjunum?
9