Þjóðlíf - 01.11.1987, Blaðsíða 10

INNLENT
• „Heimsfrægðin já ..
Derek: „Þaö er þegar byrjað. Þau eru komin inn á topp tíu lista í
háskólaútvarpsstöðvunum og hafa þegar fengið tilboð frá bandarískum
aðilum. Enigma bauð þeim t.d. 75 þúsund dollara samning fyrir eina
hljómplötu, sem er mjög óvenjulcgt (tæpar þrjár miljónir ísl. kr.).
Oftast vilja þeir gera bindandi samning í þrjú til sex ár en í þessu
tilviki eru þeir reiðubúnir að gera samning um aðeins eina plötu."
- Erud þið tilbúin aðfara í hljómleikaferð til Bandaríkjanna?
Einar: „Við Björk erum búin að gera með okkur samkomulag að
fara á tólf konserta í Ameríku. Fjóra á austurströndinni, þrjá í
miðjunni og fjóra á vesturströndinni, síðan til Hawaii - og þegar við
höfum spilað í strandpartíi á Hawaii ætlum við að fara til Japan. Þetta
ætlum við að reyna að gera á næsta ári."
Björk: „Eitt sinn hitti ég litlar Hawaiistúlkur í klúbbi í Greek
Street og síðan senda þær mér öðru hvoru bréf vegna þess að þær sáu
einn konsert með Kuklinu. Þær vilja endilega fá okkur til Hawaii."
Derek: „Ráðandi og virt fyrirtæki í Bretlandi hefur boðið þeim 30
daga tónleikaferð sem á að hefjast uppúr tuttugasta nóvember. Það
er mjög óvenjulegt að svo stór tónleikasamningur standi til boða
nema þegar um vel þekktar hljómsveitir er að ræða. Þeim stendur
líka tónleikatúr til boða í Bandaríkjunum.
Eg tek ekki ákvarðanirnar heldur fæ tilboðin í hendur, segi þeim
frá hvað stendur til boða og læt þau alveg um að ákveða hvað þau
vilja gera...“
Einar: „Þrjátíu daga tónleikaferðalag með jafn mörgum tónleik-
um um Bretland kemur ekki til greina. Við munum kannski segja
umboðsmanni þessa fyrirtækis að við séum til í að spila á sex eða sjö
stórum tónleikum. Þá fær hann sjokk en gerir okkur svo annað
tilboð. Ég get líka sagt þér að útsendarar hljómsveita eins og Siouxie
and the Banshees og Cure vilja að við hitum upp fyrir þau á tónleik-
um í desember. Það er því hitt og þetta í gangi sem við getum valið úr
en við ætlum okkur samt alltaf að eiga heima á íslandi."
- Hvað tneð útgáfu á fleiri plötum?
Einar: „Þar sent Ammæli gengur svo vel í sölu núna, verður Cold
Sweat ekki gefin út í Bretlandi fyrr en í janúar og stóra platan stuttu
síðar. Þá vitum við frekar hver raunveruleg staða okkar er - hvort
draumurinn núna á eftir að snúast upp í martröð."
- Derek, verða þau orðin heimsfræg eftir árið?
„Eftir þrjá mánuði, gæti ég trúað," segir Derek. „Þau hafa þegar
fengið tugi tilboða um að leika á tónleikum með frægum hljómsveit-
um. Venjulega þurfa hljómsveitir að kaupa slíkt dýru verði. Þetta eru
alger umskipti frá því sem venjulega gerist."
Einar: „Heimsfrægðin já. Það er algert grundvallaratriði fyr>r
okkur að eiga heima á íslandi. Við höfum prófað að starfa úti og það
kemst hálfgert los á okkur strax eftir eina viku því þá er maður
Sykurmoli í 24 tíma á dag og ræðir ekki um neitt annað en sjálfan sig
og tónlistina.
Þegar við Björk fórum í viðtalaferðirnar til Bretlands fundum við
að það er mjög auðvelt að týna sér í þessu. Þess vegna ætlum við að
10