Þjóðlíf - 01.06.1988, Side 7

INNLENT
Reykjavík
Flokkurinn sterkur —
Davíð á niðurleið
Sjálfstæðisflokkurinn heldur sterkri stöðu sinni í Reykjavík og gott
betur samkvæmt skoðanakönnun sem Félagsvísindastofnun Háskóla
Islands framkvæmdi fyrir Þjóðlíf í mánaðarbyrjun. Hins vegar hefur
mjög dregið úr persónuvinsældum Davíðs Oddssonar, sem naut
stuðnings 64.7% Reykvíkinga samkvæmt skoðanakönnun Félags-
vísindastofnunar fyrir kosningarnar 1986 en nýtur nú stuðnings
49.2% samkvæmt niðurstöðum könnunarinnar.
Skoðanakönnun
Félagsvísinda-
stofnunar sýnir
nýjustu hrœringar í
höfuðborginni
Nú er kjörtímabil borgarstjórnar einmitt
hálfnað. Á þeim tímamótum er eðlilegt að
líta yfir farinn veg og skoða stöðu bæði meiri-
hluta og minnihluta borgarstjórnar. Davíð
Oddsson og Sjálfstæðisflokkurinn í Reykja-
vík unnu mikinn kosningasigur og fengu 52.7
% atkvæðanna í borgarstjórnarkosningun-
um í maí 1986. I skoðanakönnunum síðustu
mánuði fyrir kosningarnar hafði flokkurinn
farið jafnvel enn hærra, oft yfir 60% og
a.m.k. einu sinni yfir 70%.
Persónuvinsældir Davíðs Oddsonar voru
enn meiri og í skoðanakönnun Félagsvís-
indastofnunar í maí 1986, viku fyrir kosning-
ar, kom í ljós að 64.7% kjósenda vildu Davíð
áfram sem borgarstjóra þrátt fyrir að stórt
hlutfall þessara hafi ætlað sér að kjósa aðra
flokka en Sjálfstæðisflokkinn. Þegar kjós-
endur voru spurðir sömu spurningar í júní-
byrjun 1988 hafði afstaðan breyst og nú vildu
einungis 49.2% Davíð áfram sem borgar-
stjóra. Hann hefur því persónulega misst
15.5% fylgi á þessu hálfa kjörtímabili eða
fjórðung þess fylgis sem hann hafði.
Fyrir tveimur árum vildu 29% einhvern
annan sem borgarstjóra en núna vildu 44.4%
þeirra sem afstöðu tóku einhvern annan sem
borgarstjóra. 6.4% tóku ekki afstöðu til
7