Þjóðlíf - 01.06.1988, Síða 22

INNLENT
Hin umdeiida skepna dregin að landi.
Hvalveiðar
Islenskir hagsmunir
Vaxandi þrýstingur er nú á íslensk stjórnvöld
að hætta við hvalveiðarnar í kjölfar álits-
hnekkis sem málstaður stjórnvalda varð
fyrir í málinu á fundi Alþjóðhvalveiðiráðsins
og í kjölfar sífellt fyrirferðarmeiri mótmæla-
aðgerða gegn hvalveiðunum á erlendum vett-
vangi. íslensk útflutningsfyrirtæki eru og
mjög á varðbergi, enda rekja margir hnign-
andi gengi íslenskrar vöru og þjónustu í Vest-
urálfu m.a. til afstöðu stjórnvalda í hval-
veiðimálinu. Nýverið urðu íslendingar af
stórum viðskiptasamningi í Bandaríkjunum
einungis með tilvísun til hvalveiðistefnunnar.
Fyrirhugað var að hefja hvalveiðar enn að
nýju 12.júní en þeim hafði þá verið frestað
vegna fundar Alþjóðahvalveiðiráðsins í
Auckland í Nýja Sjálandi. Og eftir almenna
andstöðu við íslensk stjórnvöld á fundinum
var enn ákveðið að fresta byrjun veiðanna
um ótilgreindan tíma. Heimildir herma að
íslensk stjórnvöld reyni nú að átta sig á því
hver sé raunverulegur bakgrunnur þeirrar
yfirlýsingar formanns bandarísku sendi-
nefndarinnar í Auckland um að íslendingar
myndu líklega fá á sig staðfestingarkæru ef
þeir héldu áfram uppteknum hætti, vegná
ítrekaðra samþykkta hvalveiðiráðsins gegn
veiðunum. Með staðfestingarkæru er átt við
það að viðskiptaráðherra Bandaríkjanna til-
kynni forsetanum að viðkomandi þjóð,
brjóti samþykktir náttúruverndarlaga í
Bandaríkjunum, og beri því að meina íslend-
ingum að flytja út vörur til Bandaríkjanna.
Málið er því enn einu sinni komið í algeran
hnút og yfirvofandi eru meiri þvinganir en
íslendingar hafa þekkt „síðan á dögum
hörmangara", eins og einn heimildarmanna
Þjóðlífs komst að orði.
A veiðilistanum í sumar eru 80 langreyðar
og 20 sandreyðar eða sami fjöldi dýra og
veiddist í fyrra.
Herferð gegn fisk- og
flugi
Grænfriðungar beggja vegna Atlantsála
hafa ekki látið deigan síga í aðgerðum sínum
og hafa aðhafst ýmislegt til að vekja athygli á
hvalveiðum íslendinga, þrátt fyrir að lítið
hafi heyrst um það hér á landi. Þannig hefur
Þjóðlíf áreiðanlegar heimildir fyrir því að
Grænfriðungar hafi sl. vetur gert tilraunir til
að ná fundi forseta íslands, Vigdísar Finn-
bogadóttur þegar hún var á ferð í Banda-
ríkjunum. í>á hafa Grænfriðungar staðið
fyrir herferðum í Boston og víðar í Banda-
ríkjunum gegn Flugleiðum. Þeir hafa skrifað
söluskrifstofum og heimsótt þær. Auk þess
hafa þeir verið í flughöfnum, dreift ljós-
myndum af hvalaslátrun og öðrum áróðri til
að vekja athygli ferðamanna á hvalveiðum
Islendinga. Flugleiðamenn munu margir
hverjir hafa áhyggjur af þessu og samkvæmt
heimildum Þjóðlífs hefur fyrirtækið ítrekað
vakið máls á þeim viðskiptahagsmunum sem
í húfi eru við ríkisstjórn landsins. m.a. í bréfi
til ríkisstjórnarinnar í ágúst í fyrra. Bogi
Ágústsson blaðafulltrúi Flugleiða, kvað ekki
annað hafa verið gert af hálfu fyrirtækisins,
og í bréfinu segi ekki annað en að fyrirtækið
hafi orðið vart við mótmæli erlendis vegna
stefnu stjórnvalda í hvalveiðimálum.
22