Frjáls verslun - 01.08.2012, Blaðsíða 40

40 FRJÁLS VERSLUN 8.- 9. 2012
Nayar hóf störf hjá HCLT árið 1985, sem „stjórn ­andi í þjálf un“. 20 árum síðar var hann skipaður forstjóri þess. Þegar
Nayar tók við stjórnartaumunum hjá
HCLT árið 2005 var fyrirtækið eitt af fimm
stærstu upplýsingatæknifyrirtækjum
Ind lands. Hjá því störfuðu um 30 þúsund
starfsmenn í 18 löndum. Ársvelta var um
700 milljónir dollara og vöxtur hafði verið
að meðaltali um 30% á ári síðustu fimm ár.
HCLT sýnist eins og hvert annað fyrir ­
tæki í þessum geira. Skipulag og ferlar
eru ekki frábrugðnir því sem þekkist
ann ars staðar. Stjórnunin er aftur á móti
gjör ólík því sem menn eiga að venjast.
Ritstjóri Fortune, David Kirkpatrick:
„Ég sé fyrir mér hvernig stjórnun verður í
framtíðinni – það verður eins og þeir gera í
Indlandi.“
HCLT átti velgengni að fagna frá því
það var stofnað árið 1976. En eins og
önnur upplýsingatæknifyrirtæki þurfti
það að fara í gagngera endurskoðun á
við skiptamódeli sínu í kjölfar mikillar
niður sveiflu í kringum aldamótin síðustu.
Við blasti að þrátt fyrir vöxt hafði HCLT
dregist aftur úr.
Forráðamenn HCLT ákváðu að endur ­
skipuleggja starfsemina og leggja áherslu
á gæði fremur en magn. Leggja megin ­
áherslu á vörur og markaði þar sem sam ­
keppni var lítil og mögulegt að skapa sér
sér stöðu (Blue Ocean). Nayar vissi að það
skipti ekki eingöngu máli hvað fyrirtækið
myndi gera til að snúa vörn í sókn heldur
líka hvernig hlutir yrðu gerðir. Nayar
ákvað að fara óhefðbundnar leiðir og
leggja meiri áherslu á hvernig. Leiðina
kallar hann: „Starfsfólkið í fyrsta sæti –
viðskipta vinurinn í öðru.“
Frá því Nayar tók við stjórn hefur
árang urinn ekki látið á sér standa. Árið
2010 voru 55 þúsund starfsmenn hjá
fyrirtækinu og það velti 2,5 milljörðum
dollara. HCLT var t.d. eitt fárra fyrirtækja
í heiminum sem tókst að vaxa umtalsvert
á árunum 2008­2009. Árangur Nayars
og samstarfsfólks hans hefur vakið
heimsathygli og hrist hressilega upp í
hugmyndum manna um árangursríkar
stjórnunaraðferðir.
Ný stefNa – Nýjar aðferðir
Ný stefna HCLT gerði ríkari kröfu
um frumleika og nýsköpun en áður.
Nayar sá fram á að hrista þyrfti vel
og vandlega upp í skipulaginu. Hann
lagði fáar en mikilvægar reglur til
grundvallar:
Starfsfólkið í fyrsta sæti og viðskipta-
vinir í öðru – viðskiptavinir eru
ekki eins fágætir og gott starfsfólk.
Ef við gerum vel við starfsfólkið
og það upplifir að það starfi hjá
frábæru fyrirtæki mun það veita
afbragðsþjónustu. Það mun svo skila
sér í auknu virði fyrir viðskiptavini.
Gegnsæi – það brúar bilið milli stjórn ­
enda og starfsfólks. Mörg fyrirtæki
skapa sér vandamál með því að búa til
óþarfar hindranir í samskiptum fólks.
Sigrún Þorleifsdóttir
stjórnunarráðgjafi hjá attentus –
mannauði og ráðgjöf ehf.
StarfSfólkið í fyrSta Sæti
stjórnun
– viðskiptavinurinn í öðru
„Viðskiptavinurinn er ávallt í fyrsta sæti.“ Þetta hefur löngum verið
talið boðorð númer eitt fyrir þá sem vilja ná árangri í viðskiptum.
Það er ekki niðurstaða Vineets Nayars, forstjóra HCL Technologies
(HCLT) á Indlandi. Nayar er höfundur bókarinnar „Employees first
– Customers second“ eða „Starfsfólkið í fyrsta sæti - viðskiptavin-
irnir í öðru sæti“. Bókin kom út árið 2010. Í bókinni gerir Nayar
grein fyrir byltingarkenndum aðferðum sínum við stjórnun sem
vakið hafa verðskuldaða athygli um allan heim.