Frjáls verslun - 01.08.2012, Blaðsíða 74

74 FRJÁLS VERSLUN 8.- 9. 2012
ANDRi MáR iNGÓLFssoN, FoRsTjÓRi pRiMeRA TRAVeL GRoup
aukning um 12% á næsta ári
1. Hver verða forgangs verk -
efni fyrirtækis þíns næstu sex
mán uðina?
Áframhaldandi hagræðing
á öllum sviðum rekstrarins
eins og hefur verið viðvarandi
síðustu þrjú árin. Nú er hins
vegar komið að því að byggja
upp vöxt að nýju eftir erfitt
umhverfi í efnahagsmálum í
Evrópu, sem hefur haft áhrif á
alla markaði, og að byggja upp
nýja markaði. Primera Travel
Group er að opna marga nýja
áfanga staði fyrir árið 2013
sem lofa mjög góðu og bætti
við flugvél nr. 7 í flota sinn í
síðustu viku sem mun auka
innri vöxt Primera Air um 12%
á næsta ári.
2. Hver er kjarninn í stefnu-
mót un fyrirtækis þíns?
Sveigjanleiki, hraði, stöðug
endur skoðun á árangri og skjót
viðbrögð við breytingum á ytri
aðstæðum.
3. Hafa tekjur fyrirtækis þíns
vaxið frá því í fyrra?
Tekjur Primera Travel Group
hafa vaxið um 8% á milli ára
sem er frábær árangur miðað
við það erfiða umhverfi sem
hefur ríkt á mörkuðum. Við
sjá um fram á frekari vöxt á
næsta ári.
4. Hvaða árangur ert þú
ánægðastur með innan þíns
fyrirtækis á árinu?
Allar einingar fyrirtækisins eru
reknar með hagnaði og það
er lykilatriði í áframhaldandi
uppbyggingu þess. Svo er ég
afar stoltur af því að Primera
Travel Group er eitt örfárra
fyrirtækja sem hafa staðið skil á
öllum sínum skuldum án nokk­
urra afskrifta hjá nokkrum aðila
og nú búum við að heilbrigðum
innri vexti.
5. Hver er helsti vandinn sem
fyrirtæki glíma núna við?
Margir glíma við allt of mikla
skuldsetningu sem og upp­
bygg ingu sem er arfleifð af
rekstri fyrir hrun. Ytri aðstæður
eru líka afar erfiðar, hátt
olíuverð hefur haldist þrátt
fyrir samdrátt og atvinnuleysi
ásamt gríðarlegum sveiflum í
gengi gjaldmiðla. Þetta gerir
miklar kröfur til fyrirtækja sem
starfa á alþjóðamörkuðum.
6. Er atvinnulífið enn of
skuld ugt til að geta byrjað að
fjárfesta?
Í mörgum tilfellum en það
eru líka sem betur fer til
öflug fyrirtæki á Íslandi í dag
sem hafa fjárfestingargetu.
Hins vegar er ómögulegt að
fjárfesta til lengri tíma með það
vaxtastig sem er á Íslandi í dag.
Á sama tíma ætla stjórnvöld að
hækka skatta á hótelgistingu
svo mikið að það mun ekki
aðeins hafa áhrif á komu erl ­
endra ferðamanna til Íslands
heldur draga úr fjárfestingu
í nýjum hótelum sem og
endur nýjun eldri hótela. Enn
eitt dæmi um ákvörðum um
hækk un á sköttum þar sem
menn gera sér enga grein fyrir
afleiðingunum.

7. Eitthvert eitt ráð sem þú vilt
gefa stjórnvöldum?
Það þarf að skera niður opin ­
bera stjórnsýslu og gera hana
hagkvæmari. Það er ekki leiðin
að hækka endalaust skatta til
að loka fjárlagagatinu. Það þarf
að lækka kostnað og stækka
tekjustofninn. Það er lykill í
öllum góðum rekstri og gildir
líka í ríkisrekstri.
„Nú er hins vegar komið að því
að byggja upp vöxt að nýju eftir
erfitt umhverfi í efnahagsmálum í
Evrópu, sem hefur haft áhrif á alla
markaði, og að byggja upp nýja
markaði.“
Andri Már Ingólfsson.
Við treystum á þau,
þau treysta á Vodafone
Þín ánægja er okkar markmið
Slysavarnafélagið Landsbjörg reiðir sig á
öruggt og víðtækt fjarskiptakerfi okkar.