Frjáls verslun - 01.08.2012, Blaðsíða 45

FRJÁLS VERSLUN 8.- 9. 2012 45
aðgerðir skila ÁraNgri
Bókin er sett upp fyrir þá sem
hafa lítinn tíma, stuttir kaflar,
lykilatriði dregin fram í römmum
og góð kaflayfirlit í upphafi
hvers kafla. Bókina á enda eru
dregin fram einkenni þeirra
sem ná árangri, þau útskýrð og
dæmi tekin. Höfundur leggur
mikla áherslu á aðgerðir og
er sífellt að spyrja lesandann
spurninga sem hvetja hann til
að skoða sjálfan sig, hvað hann
þarf að gera öðruvísi til að ná
enn meiri árangri og skora á
hann að grípa til aðgerða. Strax
í inngangi leggur höfundur
áherslu á það að sama í hverju
þú vilt ná árangri gerist ekkert
með því einu að lesa bók. „Þú
verður að prófa hugmyndirnar,
skora á hugmyndafræðina og
nota aðferðirnar. Enginn er
sjálf krafa „með’etta“ af því einu
að lesa bók. Leyndarmálið á
bak við árangur liggur ekki í
því að vita, það liggur í því að
gera.“ Orð að sönnu. Bókin er
einfaldur leiðarvísir fyrir þá sem
vilja og þora að stíga skrefið,
grípa til aðgerða og þannig ná
enn meiri árangri en áður.
Einkenni þeirra sem ná árangri
Árangurshringurinn
Í bókinni er kastljósinu beint að einkennum þeirra sem ná árangri og
hafa þetta „eitthvað“ sem skilur þá frá meðaljóninum. Hér er að finna
örfá þessara atriða sem einkenna þá sem þá árangri. Þessir aðilar:
• Þróa innsæi sitt og eru óhræddir við að byggja ákvarðanir sínar á því.
• Trúa því statt og stöðugt að hægt sé að gera betur.
• Senda ekki tölvupóst heldur taka upp símann og hitta fólk.
• Hafa skýr gildi og lifa eftir þeim auk þess að gefa sér tíma til að skilja gildi
þeirra sem þeir eiga í samskiptum við.
• Eiga sína góðu og slæmu daga eins og við hin en hafa engu að síður meiri
eldmóð en margir aðrir og kunna að stilla hann af eftir aðstæðum hverju
sinni.
• Kunna að haga sér. Gætu verið hrokafullir en eru öruggir, gætu verið ýtnir
en velja að vera kurteisir. Gætu verið háværir en í stað þess einbeita þeir sér
að því að hlusta.
• Halda ró sinni í streituvaldandi aðstæðum. Taka ákvarðanir, grípa til
aðgerða og nýta tímann vel.
• Eiga í stöðugum uppbyggilegum og krefjandi samræðum við mjög mikil-
vægan aðila; sig sjálfan.
• Eru sífellt að spyrja sig og aðra krefjandi spurninga.
• Lenda í erfiðum aðstæðum og mistekst eins og öllum öðrum. Þeir finna til
þegar það gerist, það er vont en þeir læra af mistökunum og eru fljótir að
ýta þeim á bak við sig og halda áfram.
• Hugsa fjórum sinnum fleiri bjartsýnishugsanir en svartsýnishugsanir
(80/20-reglan).
• Nálgast áhættu með öðrum hætti en almennt gerist. Þeir vita þrennt; hverju
þeir eru að hætta, hverjar líkurnar eru á jákvæðri niðurstöðu og hvað þeir
myndu gera færi allt á versta veg. Geta þeirra til að takast á við afleiðing-
arnar er það sem skilur þá frá öðrum.
Hugmyndafræði bókarinnar gengur út á árangurshringinn. Hægt er að
byrja hvar sem er í hringnum en oftar en ekki hefst hann á óánægju
með þá leið „sem alltaf hefur verið farin“. Þeir sem ná árangri láta ekki
þar við sitja heldur hafa löngun til að finna aðra lausn og leita hennar
fullum fetum. Þegar lausnin er fundin er lykilatriði að grípa til aðgerða.
Það sem einkennir þá sem ná árangri er að oftar en ekki grípa þeir fljótt
til aðgerða. Svo fljótt að oft virðist sem þeir hafi ekki hugsað hlutina til
enda. Þeirra mottó er að aðgerðir skili árangri og frekar en að ofhugsa
hlutina grípa þeir fljótt til aðgerða og prófa sig áfram. Þetta leiðir oftar
en ekki til árangurs. Þar stoppa þeir sem eru „með’etta“ þó ekki því
meira að segja þegar árangri er náð má finna betri leiðir til að vinna
hlutina og því halda þeir áfram að leita betri lausna og ferlið fer aftur af
stað. Það að ná árangri leiðir til aukins öryggis og sjálfstrausts. Hins vegar
er hættan á því að mistakast fyrir hendi og líklega hún sem gerir það að
verkum að ekki allir láta slag standa en þeir sem ná árangri láta vaða.
Bókin The Edge eftir breska rithöfundinn og fyrirlesarann Michael
Heppell er ein þeirra.
Frumkvöðullinn sér þörf og finnur út hvað þarf
að breytast. Hann prófar lausnir og fær fólk í lið
með sér, grípur til aðgerða og nær árangri. Hann
er ánægður með árangurinn en spyr sig þótt
árangrinum sé náð: „Það hlýtur að vera til betri
leið – eða hvað?“
Máttur aðgerðanna
Í bókinni er lögð mikil áhersla á mikilvægi þess að grípa til aðgerða. Eins
og höfundur segir á einum stað: „Með því að grípa til aðgerða blæstu
lífi í hugmyndir. Gamla mýtan um að taka sér stöðu, miða og skjóta er í
dag skjóttu, skjóttu, skjóttu. Mun betra er að grípa til aðgerða og stilla
kúrsinn að nýju reynist aðgerðin ekki skila tilætluðum árangri frekar en
að skipuleggja, skipuleggja, skipuleggja.“
„Hann fann upp
Dyson­ryksuguna
sem er kraftmeiri en
hefð bundnar ryk­
sug ur og án poka.
Þessi uppfinning
hans hefur fært
hon um og fyrirtæki
hans mikinn auð.“