Frjáls verslun - 01.01.2014, Page 60

60 FRJÁLS VERSLUN 1. 2014
Burtséð frá skattlagningunni finnst
mér réttlætanlegt að þrotabú eða slitabú
þessara fyrirtækja greiði ákveðnar bætur
eins og þau hafa verið látin gera víða
um lönd, ekki síst í Bandaríkjunum. Slík
skattlagning eða greiðslur hafa tekið á sig
ýmsar myndir en rökin fyrir þeim eru þau
að það sé eðli legt að lögaðilar sem ollu
ríkjunum eða samfélögunum fjárhagslegu
tjóni taki þátt í að greiða fyrir það.
Verðtryggingin er enn eitt stóra málið.
Sérðu fyrir þér að verðtryggð lán
verði alveg afnumin eða fest í lög að
vextir verði ekki hærri en 2% ofan á
verðtryggð lán í einhverjum tilfellum?
Maður hefur svo sem velt þessu mikið
fyrir sér vegna þess að það er svo skrítið
hversu háir vextir eru lagðir ofan á verð ­
tryggingu. Ef maður skoðar vaxta stigið víða
erlendis þar sem þó er einhver verðbólga
og berum þá vexti saman við vexti sem
tíðkast hér ofan á verð tryggingu þá nær
þetta náttúrlega ekki nokkurri átt. Ég er
því kominn inn á að það sé æskilegast
að hverfa frá verðtryggða kerfinu í
neytenda lánum. Ýmis rök hníga að
því, meðal ann ars þau að verðtrygging
neytendalána, þar með talið fasteignalána,
veldur því að lögmál markaðarins virka
ekki sem skyldi. Svo ég útskýri hvað ég
á við: Það virðist vera alveg ljóst að fólk
tekur ákvarðanir um hvaða húsnæði
það kaupir, og hversu há lán það tekur,
ekki út frá raunverulegum kostnaði,
verðinu á peningunum, heldur út frá
fyrstu afborgunum. Það er það sem þetta
kerfi gerir – það felur kostnaðinn, blekkir
neytandann svo að segja með því að henda
kostnaðinum aftur fyrir. Á sama hátt er
óæskilegt að stýrivextir Seðla bank ans,
tækið sem hann notar, virki ekki vegna
þess að verðtryggingin kippir virkni
þess úr sambandi. Til að byggja upp heil ­
brigðara fjármálakerfi og betri virkni
markaðarins tel ég að við verðum að fara
út úr þessu verðtryggða umhverfi.
En það er ekki þar með sagt að verð ­tryggð sparnaðarform eigi ekki rétt á sér og að ríkið geti kom ­
ið að útgáfu slíks enda eðlilegt að ríkið
fjármagni sig verðtryggt, a.m.k. að hluta.
Nú, greiðslubyrðin af óverð tryggðu
lánunum er auðvitað mjög mikil framan
af en greiðist hraðar niður. Bent hefur
verið á að það gæti verið skil virkari
nýting á vaxtabótakerfinu að veita fólki
auk inn stuðning fyrst eftir að það tekur
óverðtryggð lán og þá minni stuðning
þegar á líður þegar fólk er byrjað að greiða
lánið niður og greiðslubyrðin að minnka.
Þú starfaðir eitt sinn sem fréttamaður á
RÚV? Hvað finnst þér um RÚV núna?
Við ræddum áðan hvort ég væri hörund ­
sár en ég get sagt ykkur að það eru engir
hörundsárari en fréttamenn. Sé bent á að
þeir hafi farið rangt með vilja þeir ekki
leiðrétta það í lengstu lög né viðurkenna
að þeim hafi orðið á í messunni. En um
RÚV vil ég almennt segja að mér finnst
mikilvægt að sú stofnun sinni því lög ­
bundna hlutverki sínu að fræða og halda
uppi menningarstarfsemi en líka að
gæta hlutlægni í fréttaflutningi sínum.
Ég tel ekki að Ríkisútvarpinu sé stjórnað
af einhverjum stjórnmálamönnum eða
flokkum eða að bein tenging sé þangað
inn frá einhverjun ákveðnum flokkum.
Hins vegar er ákveðinn kúltúr ríkjandi á
fjölmiðlum eins og öðrum vinnustöðum,
og það hefur verið reynslan, ekki aðeins
hér heldur víðar, að vinstrisinnað fólk leitar
meira í þessi störf. Fjölmiðlamenn verða að
gæta sín á því að vera ekki að koma sinni
Hvernig flokkur er Framsóknar -
flokkurinn?
Ég hef skilgreint flokkinn þegar
ég hef verið spurður að þessu
sem flokk róttækrar rökhyggju.
Hann er frjálslyndur miðjuflokkur,
þ.e. stefna hans miðast ekki við
fyrirfram mótaða hugmyndafræði
til hægri eða vinstri heldur þá
skoðun að rétt sé að rökræða
alla hluti til að komast að bestu
mögulegu niðurstöðu. Með
öðrum orðum að þessi frjáls ­
lyndis þáttur í stefnu hans er að
allir eigi rétt á sinni skoðun og til
að rökstyðja hana. En þar með
er ekki sagt að allar skoðanir séu
jafnréttháar.
Takið þið þá hvert mál fyrir sig
og rökstyðjið það?
Já, flokksþing til dæmis (sem
hjá öðrum flokkum kallast lands ­
fundur) markast nokkuð af því
að menn taka upp mál sem
eru til umræðu í þjóðfélaginu
og rökræða það hver sé besta
nálgunin í hverju tilviki.
Ef menn trúa því að rökræðan
leiði í ljós að eitthvað sé rétt
en annað rangt, eitt sé betra
en annað, þá verða menn líka
að vera reiðubúnir að berjast af
hörku eða töluverðri festu fyrir
því sem þeir telja að sé rétt.
Þess vegna tala ég um róttæka
rök hyggju. Það hefur kannski
endurspeglast í stefnunni á
undanförnum árum að við höfum
tekið stóra slagi út af ákveðnum
málum og gerðum það vegna
þess að við höfðum komist að
þeirri niðurstöðu að það væri
rétt nálgun. Skuldamálin eru
dæmi um þetta þar sem við
stóð um frammi fyrir óvenjulegu
vandamáli og veltum því mikið
fyrir okkur, ekki aðeins innan ­
flokks heldur við hvern þann
sem hafði skoðun á þessu máli,
hvað væri hægt að gera við
þessar óvenjulegu aðstæður. Svo
komumst við að því að þessar
óvenjulegu aðstæður kölluðu á
óvenjulegar lausnir, með öðrum
orðum að í þessu tilviki væri
óvenjulega lausnin sú rökrétta,
og vorum þá tilbúin að fylgja
henni eftir.
Andstæðingar ykkar hafa
jafnvel kallað ykkur lýð skrums -
flokk sem daðri við þjóð -
ernishyggju?
Já, þetta er auðvitað ævin ­
týralega vitlaust en það hefur
orð ið aðeins vart við þetta og
þá aðallega eftir að fylgið jókst
í aðdraganda síðustu kosn inga.
Augljóslega gramdist andstæð ­
ingunum, sérstaklega á vinstri
vængnum, hvað flokkurinn
fékk mikið fylgi í kosningunum.
Ég held að þeir hafi verið bara
undrandi, talið að þetta ætti ekki
að geta gerst. Vinstriflokkarnir
lögðu greinilega annað mat
á eigin frammistöðu en við
gerðum og fannst niðurstaða
kosn inganna hreinlega röng.
Kjósendur hefðu komist að
rangri niðurstöðu og gripu þá til
þess ráðs að segja okkur hafa
verið með poppúlískan áróður
og reyndu svo að setja það í
sam hengi við það sem væri að
gerast í öðrum löndum án þess
að rökstyðja þetta á nokkurn hátt
annan en þann að fylgi flokksins
jókst og vísuðu til þess að fylgi
ein hverra annarra flokka sem þeir
tilgreindu hefði gert það líka.
Þú hafnar því þá að þú hafir
verið að taka Framsóknar -
flokk inn langt til hægri líkt og
hægri- og þjóðernissinnuðustu
flokkarnir víða í nágranna lönd -
unum, iðulega á grundvelli
innflytjendamála?
Við höfum lítið sem ekkert fjall ­
að um innflytjendamál og þau
nánast ekkert verið á dagskrá
hér. Það sem ég held að hafi
verið rótin að þessum tilraunum
eða tilburðum andstæðinga okkar
vinstra megin til að setja á okkur
ein hvern slíkan stimpil er að við
vorum með tillögur sem mæltust
vel fyrir en voru að þeirra mati
poppú lískar. En hvað varðar
umræðu um innflytjendamál hef ­
ur hún verið mjög lítil og nán ast
ekki nein á Íslandi undan farin ár.
Á hinn bóginn hefur Fram ­
sóknar flokkurinn alltaf verið
þjóð legur flokkur. Meira að
segja Jón Sigurðsson, sem
var formaður flokksins um
skeið, lagði áherslu á þetta
og bjó til orðið þjóðhyggja; að
Fram sóknarflokkurinn væri
þjóð hyggjuflokkur sem tryði á
þjóð ina og möguleika hennar og
landsins. Þetta er auðvitað búið
að vera gegnumgangandi stef í
sögu þessa flokks allt frá því að
hann var stofnaður í aðdraganda
þess að Ísland varð fullvalda
ríki. Flokkurinn spratt upp úr
sjálf stæðisbaráttunni á margan
hátt, eins og aðrir flokkar, og
frá upphafi hefur áherslan verið
á það að Íslendingum vegnaði
best ef þeir hefðu sjálfir stjórn á
eigin málum, hefðu fullt forræði
sinna eigin mála. Það er ekkert
nýtt að Framsóknarflokkurinn sé
þjóðlegur.
Big Brands Online
Reykjavik Internet Marketing Conference 2014
Framundan er glæsilegasta Reykjavik Internet Marketing Conference (RIMC) ráðstefna sem haldin
hefur verið. Aðalþema hennar er „Stór vörumerki á netinu“ með áherslu á félagsmiðla og samspil
þeirra á markaðshagkerfi fyrirtækja.
Meðal fyrirlesara eru topparnir í félagsmiðlum, leitarmarkaðssetningu og netsamskiptum
frá KLM, Heineken, Geox, Roland, Nokia, Dell og Money & Travel Supermarket.
Auk þeirra koma framkvæmdastjóri Google í Noregi, Jan Grønbech og framkvæmdastjóri
Lenovo.com, Ajit Sivadasan.
RIMC 2014 fer fram 28. mars á Grand Hotel Reykjavík
Sjá allar nánari upplýsingar á heimasíðunni www.rimc.is
European Search Awards 2014
European Search Awards er alþjóðleg samkeppni, meðal þeirra virtustu í internet markaðssetningu
í Evrópu. Hátíðin er í boði Manual Link Building og SEMPO og verða verðlaunin afhent í tengslum
við RIMC 2014.
Verðlaunahátíðin verður á Grand Hotel Reykjaví k að kvöldi 28.mars.
Hér má sjá allar tilnefningarnar: www.europeansearchawards.com/2014-shortlist
forsætisráðherra