Frjáls verslun - 01.01.2014, Page 75
FRJÁLS VERSLUN 1. 2014 75
Árni Oddur Þórðarson rekur vinsældir Marels á Íslandi til árangurs fyrirtækisins á alþjóðlegum
mörk uðum. „Marel er alþjóðlegt félag og
innan við 1% tekna kemur frá íslenskum
viðskiptavinum. Síðustu fimm árin hafa
almennt verið erfið á heimsvísu og hagvöxt
ur með minnsta móti. Á sama tíma hefur
Marel tekist að vaxa um 4% árlega og hefur
styrkt samkeppnisstöðu í öllum heimsálfum
í kjölfar mikilla fjárfestinga í nýsköpun og
markaðssókn. Marel er því sönn fyrirmynd
annarra frumkvöðlafyrirtækja,“ segri Árni
Oddur um árangurinn sem skilar vin
sældum.
„Marel er með skýra stefnu og framúr
skar andi starfsfólk. Vöxtur félagsins hefur
verið ævintýralegur frá stofnun þess. Þegar
félagið var skráð á hlutabréfamarkað árið
1992 voru starfsmenn þess 45 talsins og
heildarvelta um 300 milljónir íslenskra króna.
Í dag er félagið í fremstu röð á heimsvísu í
framleiðslu og sölu á hátæknilausnum til fisk,
kjöt og kjúklingavinnslu,“ bætir hann við.
„Marel tekur þátt í mörgum gríðarlega
metnaðarfullum verkefnum sem hafa þá
skemmtilegu aukaverkun að styrkja ímynd
okkar í leiðinni. Okkur finnst mikilvægt
að styðja við nýsköpunar og sprotastarf
en Marel byrjaði sinn feril sem hugmynd
uppi í Háskóla Íslands fyrir rúmum þrjátíu
árum. Kjarninn í okkar starfsemi og þar af
leiðandi órjúfanlegur hluti af ímynd okkar er
sjálfbærni, en fyrstu sjóvogirnar sem Marel
hannaði voru gerðar til að bæta nýtingu,
minnka sóun og þar af leiðandi auka sjálf
bærni. Nú horfa viðskiptavinir sífellt meira á
lausnir sem spara rafmagn, vatn og tryggja
rekjanleika,“ segir Árni Oddur.
Hann segir einnig að jákvæð ímynd á
Íslandi skipti miklu þótt tekjunar séu að litlu
leyti íslenskar. „Marel byggir velgengni sína
á þeim mannauði sem fyrirtækið býr yfir
hverju sinni og við þurfum að fá færasta
og snjallasta fólkið í lið með okkur. Í því
sam bandi er ákaflega ánægjulegt að sjá
að Marel er ofarlega í huga tæknimenntaðs
ungs fólks sem jafnvel heldur út í heim að
læra við fremstu háskólana og vill svo koma
heim til Íslands með sína þekkingu og vinna
hjá Marel.“
4. Sæti
Árni Oddur Þórðarson, forstjóri Marels:
Verkin skapa ímyndina
„Marel er með skýra stefnu
og framúr skar andi starfsfólk.
Vöxtur félagsins hefur verið
ævintýralegur frá stofnun þess.
Þegar félagið var skráð á hluta
bréfamarkað árið 1992 voru
starfsmenn þess 45 talsins og
heildarvelta um 300 milljónir
íslenskra króna. Í dag er félagið í
fremstu röð á heimsvísu í fram
leiðslu og sölu á hátæknilausn
um til fisk, kjöt og kjúklinga
vinnslu,“ bætir hann við.