Frjáls verslun - 01.01.2014, Síða 103

FRJÁLS VERSLUN 1. 2014 103
Fyrst ber að nefna nýlega skráningu olíu fé ­
lags ins N1. Var rúmlega fjórðungur hlutafjár
boðinn almennum fjárfestum og eins og
samkvæmt venju var margföld eftirspurn eftir
hlutabréfunum. Félagið var skráð í Kauphöll
Íslands seint á árinu og veitti mörgum ágætis
jólabónus. Þeir sem skráðu sig í almennu
útboði fengu rúmlega 12 þúsund hluti á
geng inu 15,3 krónur á hlut. Síðan félagið var
skráð á markað hefur gengið verið á bilinu
18­19 krónur á hvern hlut, þó nær 19 krónum
mestallan tímann. Einstaklingar sem ákváðu
að selja sinn „skammt“ fengu að teknu
tilliti til kostnaðar og fjármagnstekjuskatts
um það bil 30 þúsund krónur í hagnað fyrir
skammtinn.
Gengi N1 er nú þegar hærra en það verð mat
sem tvær greiningardeildir mátu fyrir tækið
á við útboð þess, en þau verðmöt voru fyrir
hvern hlut 15 krónur og 18,3 krónur. Sé litið á
markaðsvirði félagsins saman borið við innra
virði þess, það er eigið fé félagsins, þá virðast
hlutabréf þess ekki vera dýru verði keypt.
Miðað við núverandi hagnað þarf hins vegar
tölu verðan bata til að hlutabréfin geti talist
áhugaverður fjárfestingarkostur. Almennt er
gert ráð fyrir tekjusamdrætti í rekstri olíu fyrir ­
tækja með tilkomu sparneytnari farar tækja,
sem reiða sig jafnvel einungis á raf magns orku
varðandi keyrslu. Því er líklegt að fram tíðar ­
möguleikar N1 í aukningu hagnaðar liggi
fyrst og fremst í hagræðingu rekstrar.
Það voru tvö útboð sem vöktu mesta at hygli
á árinu. Bæði útboðin voru í trygg ingar fé ­
lögum og áttu þau sér stað með nokk urra
daga millibili í apríl (annað var skráð í Kaup ­
höllina snemma í maí). Fyrra út boðið voru
hlutabréf í VÍS á genginu 7,95. Lokagengi
fyrsta dagsins sem viðskipti áttu sér stað
með þau var 9,22. Á sjötta við skipta degi
bréf anna var gengi bréfanna komið í 10 sem
þýddi að þeir sem keyptu í frumútboðinu
höfðu ávaxtað fé sitt um 25% og gott betur
á þeim stutta tíma. Eftir gott hálfsársuppgjör
hækkaði gengi hlutabréfa félagsins enn
frekar og var komið yfir 11 krónur fyrir hvern
hlut í byrjun ágústmánaðar. Síðan þá hefur
gengi VÍS aftur á móti lækkað örlítið. Kemur
það aðallega til vegna undirliggjandi eigna
félagsins. Þó svo að ávöxtun innlendra hluta ­
bréfa hafi verið viðunandi síðari hluta ársins
hefur ávöxtun skuldabréfa verið slök síðustu
mánuði ársins, en stór hluti fjárfestinga
trygg ingafélaga er almennt í slíkum bréfum
(íslensku tryggingarfélögin eru þar engin
undantekning). Því til viðbótar hefur styrk ing
krónunnar síðustu mánuði ársins haft þau áhrif
að verðmæti erlendra eigna trygg inga r félaga í
íslenskum krónum er talið hafa minnkað.
Hagnaður VÍS hefur undanfarin ár verið að
mestu leyti bundinn við ávöxtun fjáreigna í
safni fyrirtækisins en aðeins að litlum hluta
vegna rekstrar í tengslum við tryggingar, sem
er auðvitað undirstaða sköpunar á auknu virði
þess. Erfitt er að meta hvaða áhrif gengis ­
sveifl ur eignasafnsins hafa á væntingar fjár ­
festa. Það sem skiptir fjárfesta þó mestu máli
varð andi afkomu VÍS til lengri tíma er afkoma
rekstrarins á tryggingarstarfsemi félagsins.
Vísbendingar sjást í uppgjörum félagsins um
að vænta megi betri afkomu af þeim hluta
starfsemi félagsins næstu misseri. Verði þau
að veruleika gætu hlutabréf félagsins hækkað
enn meira en valdi sá liður afkomunar
vonbrigðum er hætt við að fjárfestar sýni
þeim minni áhuga.
Hagnaður VÍS hefur undanfarin
ár verið að mestu leyti bundinn
við ávöxtun fjáreigna í safni
fyrirtækisins en aðeins að litlum
hluta vegna rekstrar í tengslum
við tryggingar, sem er auðvitað
undirstaða sköpunar á auknu
virði þess.
Tæplega tveimur vikum eftir að bréf VÍS
voru skráð í Kauphöllina bætust hlutabréf
TM í hóp skráðra félaga á skipulögðum
mark aði. Útboðsgengið var 20,10 en gengi
bréfanna hækkaðiskarptog var lokagengi
fyrsta viðskiptadags þeirra í Kauphöllinni
26,70. Rekstur félagsins gekk vel á árinu 2013
og var afkoma vegna rekstrar þess í trygg ­
ingargeiranum afar góð. Sú afkoma endur ­
speglaðist í virði hlutabréfa þess en gengi
þeirra náði um tíma að fara yfir 33 krón ur
fyrir hvern hlut. Eins og með gengi hluta bréfa
í VÍS dalaði gengi hlutabréfa í TM síðustu
vikur ársins 2013 því líklegt er að fjárfestar
hafi tekið tillit til slakrar afkomu í eigna safni
félagsins vegna styrkingar íslensku krón ­
unnar og almennrar lækkunar á skulda bréfa ­
mörkuðum.
Fjárfestar gera ráð fyrir betri afkomu frá
rekstri TM en VÍS sé litið á verðlagningu
hluta bréfa félaganna á markaði út frá innra
virði þeirra (svokallað V/I­hlutfall). Segja má
að markaðsaðilar geri ráð fyrir að reksturinn
verði tiltölulega svipaður og hann hefur verið
síðastliðið ár sem þýðir að flökt í afkomu
félagsins varðandi tryggingarstarfsemi muni
koma fram með nokkuð beinum hætti í gengi
hlutabréfa þess.
Frumútboð 2013