Fréttatíminn - 12.06.2015, Page 6

Afgreiðslutími
Mán. til fös. frá kl. 10–18
Laugardaga frá kl. 11–16
www.dorma.is
Holtagörðum
512 6800
Dalsbraut 1, Akureyri
558 1100
MEIRA Á
dorma.is
Sumar
útsala
NATURE’S REST
heilsurúm
Aðeins 59.900 kr.
Nature’s Rest heilsudýna
með Classic botni.
Stærð: 140x200 cm.
Fullt verð: 92.900 kr.
33.000
krónur
AFSLÁTTUR
TVENNUTILBOÐ
dúnsæng + koddi
O&D dúnsæng
· 50% dúnn
· 50% smáfiður
+ Dúnkoddi
Fullt verð: 24.900 kr.
Aðeins 18.900 kr.
TVENNU
TILBOÐ
Holtagarðar | Akureyri | www
.dorma.is
Sumar
útsala
TVENNUTILBOÐ
dúnsæng + koddi
NATURE’S REST
heilsurúm
Aðeins 59.900 kr.
Nature’s Rest heilsudýna
með Classic botni.
Stærð: 140x200 cm.
Fullt verð: 92.900 kr.
33.000
krónur
AFSLÁTTUR
O&D dúnsæng
· 50% dúnn
· 50% smáfiður
+ Dúnkoddi
Fullt verð: 24.900 kr.
Aðeins 18.900 kr.
TVENNU
TILBOÐ
Þú finnur
Dormabæklinginn á dorma.is
 Kvenréttindi Margir gefa frí 19. júní
Hátíðardagskrá víða um land
„Það streyma hér inn hátíðar-
dagskrár allsstaðar af landinu,“
segir Ásta Ragnheiður Jóhannes-
dóttir, framkvæmdastjóri hátíðar-
nefndar 100 ára kosningarafmæl-
is kvenna. „Það er mjög mikill
áhugi og hingað hringja margir
til að spyrjast fyrir um hvernig
best sé að haga dagskránni og
eins hringja fyrirtæki hingað
inn varðandi hvenær sé best að
gefa frí,“ segir Ásta Ragnheiður
en ríkisstjórn Íslands hefur hvatt
vinnuveitendur, jafnt á almennum
vinnumarkaði sem og hjá ríki og
sveitarfélögum, til að gefa starfs-
mönnum frí frá hádegi næstkom-
andi föstudags, 19. júní, svo fólk
geti tekið þátt í hátíðarhöldum.
Fjöldi vinnuveitenda hefur til-
kynnt frí svo hægt sé að fagna
deginum. „Það byrjar auðvitað
bara hver vinnustaður á að gefa
frí þegar hann vill. Sumir ætla að
safna öllum í fyrirtækinu saman
klukkan 11 og drekka saman
kaffi áður en haldið er í bæinn
til að taka þátt í hátíðarhöldum.
Það er ofboðslega mikið um að
vera, en hér í Reykjavík mun há-
tíðin byrja á gjörningi í Hljóm-
skálagarðinum í hádeginu og
svo taka við fjölbreyttir viðburðir
út um allan bæ og svo tekur at-
höfnin á Austurvelli við klukkan
16. Þangað mun skrúðgangan
koma inn frá Miðbæjarskólanum
en það kallast á við dagskrána
fyrir hundrað árum. Þá röðuðu
ungar stúlkur sér upp við Mið-
bæjarskólann með íslenska fán-
ann, sem var verið að flagga í
fyrsta sinn þennan dag og gengu
svo fylkti liði í fylgd kvenna inn á
Austurvöll.“ -hh.
Á myndinni sjást ungar stúlkur með íslenska fánann við Miðbæjarskólann áður en haldið var
á Austurvöll, þann 7. júlí 1915. Breytingin á stjórnarskránni, sem gaf konum eldri en 40 ára
rétt til að kjósa, var gerð þann 19. júní og þess vegna er sá dagur kvenréttindadagur Íslands.
En konur fögnuðu til að þakka þinginu daginn sem þingið kom saman, þann 7. júlí 1915.
Barnaverndarstofa, Borgartúni. Tvær starfsstöðvar Reykjavíkurborgar hafa tekið þátt í tilraunaverkefni á styttingu vinnu-
vikunnar, Barnaverndarstofa og Þjónustumiðstöð Árbæjar og Grafarholts. Mikil ánægja með verkefnið ríkir meðal starfsmanna.
Mynd/Hari
 atvinnuMál Stytting vinnuviKunnar
Tilraunaverkefni Reykjavíkurborgar á styttingu vinnuvikunnar hefur nú staðið yfir í þrjá mánuði.
Halldóra Gunnarsdóttir, framkvæmdastjóri Barnaverndarstofu, segir gríðarlega ánægju ríkja
með verkefnið meðal starfsmanna. Engar kvartanir hafi borist frá hvorki samstarfsaðilum né
þjónustuþegum og starfsfólkið sé endurnært.
Þ að er gríðarleg ánægja með verkefnið meðal star fs -manna hér,“ segir Halldóra
Gunnarsdót t ir, f ramkvæmda-
stjóri Barnaverndarstofu, um til-
raunaverkefni Reykjavíkurborgar
á styttingu vinnuvikunnar. Verk-
efnið hófst í byrjun mars og fer
fram í tveimur starfsstöðvum
borgarinnar, Þjónustumiðstöð Ár-
bæjar og Grafarholts, sem lokar nú
klukkustund fyrr alla virka daga,
og Barnavernd Reykjavíkur, sem
er nú lokuð eftir hádegi á föstu-
dögum. Markmið verkefnisins er
að kanna áhrif á vellíðan og starfs-
anda starfsmanna og þjónustu
starfsstaðanna, með tilliti til gæða
og hagkvæmni. Verkefnið mun
standa fram á næsta haust en þá
verður tekin ákvörðun um fram-
haldið með hliðsjón af reynslunni.
„Enn eru ekki komnar fram neinar
mælingar en við erum komin með
þriggja mánaða reynslu og starfs-
fólkið talar um mikla breytingu,“
segir Halldóra. „Fólk vill leggja
mikið á sig til að þetta gangi en
að sjálfsögðu hefur það áhrif þeg-
ar 35 manns ganga út á hádegi á
föstudegi. En á móti erum við með
neyðarvakt og við sinnum þeim
erindum sem til okkar berast. Það
kemur fyrir að fólk vinnur utan
vinnutíma en það er þá kannski líka
fólk sem hefur ekki skilað sínum
vinnutímum yfir vikuna.“
Engar kvartanir borist
Þegar starfsstaðir voru valdir í
upphafi var tekið tillit til þess hvar
mesta álagið væri, en á þeim tveim-
ur stöðum sem urðu fyrri valinu hef-
ur fólk unnið undir miklu álagi síð-
ustu misseri. „Þetta er spennandi
verkefni einmitt þess vegna,“ segir
Halldóra. „Auðvitað er gríðarlegt
álag hérna og það á eftir að koma í
ljós hvort að það sé hægt að ætlast
til þess að við þjöppum verkefnum
okkar saman sem þessu nemur. Ég
er enn ekki viss um að það takist þó
svo að það hafi sýnt sig að í mörgum
tilfellum aukist framleiðni við það
að stytta vinnuvikuna, því það er
öðruvísi starfsemi en við erum með
hér. En það eru allir hér mjög glaðir
og ánægðir með að fá að taka þátt í
þessari tilraun og allir vilja mikið
á sig leggja til að þetta gangi sem
best og ég hef ekki fengið neinar
kvartanir vegna skerðingu á þjón-
ustu. Hvorki frá samstarfsaðilum
né þjónustuþegum um að annað-
hvort hafi ekki náðst í okkur eða þá
að fólk sé ekki að fá nauðsynlega
þjónustu.“
Starfsfólkið er endurnært
Halldóra segir fólk mæta endurnært
til vinnu á mánudegi. „Fólk hættir
á hádegi á föstudögum svo helgin
er mun lengri. Og það þýðir það
að fólk kemur mun endurnærðara
til vinnu á mánudögum. Fólk talar
um það hversu vel tíminn nýtist
þegar helgin byrjar fyrr og flestir
hafa sett sér það markmið að nýta
tímann vel á uppbyggilegan hátt,
með börnunum sínum eða til ein-
hverskonar sjálfsræktar. Fólkið hér
ræðir helgina, hvernig hún var nýtt
og flestir tala um að þeim líði eins
og eftir frí.“
Halla Harðardóttir
halla@frettatiminn.is
Gríðarleg ánægja
með styttri vinnuviku
6 fréttir Helgin 12.-14. júní 2015