Iðnaðarmál - 01.04.1971, Blaðsíða 23

aðarins á þeim grundvelli, sem frum-
varp þetta gerir ráð fyrir. Verði hún
rekin sem sjálfstæð stofnun með sam-
eiginlegri aðild hinna almennu at-
vinnusamtaka, sem ráðandi eru í iðn-
aðinum, þ. e. Félags ísl. iðnrekenda,
Landssambands iðnaðarmanna og
Sambands ísl. samvinnufélaga, og
jafnframt með aðild viðskiptaráðu-
neytisins og iðnaðarráðuneytisins, a.
m. k. meðan stofnunin verði studd
með fjárframlögum af opinberri
bálfu. Mundi slík stofnun verða til
þess fallin að veita markvissa og sam-
henta forustu í útflutningsmálum iðn-
aðarins, og geta eflt hlut útflutnings-
iðnaðar í þjóðarbúskapnum til muna
umfram það, sem annars mundi vera.
Meginhlutverk stofnunarinnar yrði
það, að annast alhliða kynningu út
á við á útflutningsvörum iðnaðarins,
markaðskönnun og markaðsleit, á-
samt milligöngu um hvers konar við-
skiptasambönd, en inn á við mundi
hún starfa að kynningu á útflutnings-
möguleikum og leiðbeiningu um hag-
nýtingu þeirra, og jafnframt aðstoða
við skipulagningu framleiðenda á út-
flutningsstarfsemi sinni og stuðla að
samvinnu þeirra á milli um fram-
kvæmd hennar. Þannig mundi stofn-
unin geta leyst af höndum mikilvæg
verkefni, sem einstökum iðnfyrir-
tækjum væru ofviða, og myndað sam-
eiginlegan farveg fyrir þá reynslu og
þekkingu, sem fyrirtækin þarfnast
varðandi markaðshlið starfsemi sinn-
ar.
Þau atvinnusamtök, sem að framan
greinir, eru sammála um nauðsyn
slíkrar miðstöðvar og reiðubúin til
að standa að stofnun hennar í því
formi, sem frumvarpið gerir ráð fyr-
ir. Af hálfu Félags ísl. iðnrekenda
liggur það fyrir, að félagið muni
leggja niður hina sérstöku útflutn-
ingsskrifstofu sína, ef frumvarpið
verður að lögum, en er reiðubúið að
láta Utflutningsmiðstöð iðnaðarins
verða aðnjótandi þeirrar aðstöðu og
reynslu, sem skrifstofan hefur þegar
aflað.
Samkvæmt frumvarpinu verður
Útflutningsmiðstöð iðnaðarins fyrst
og fremst stofnun framleiðenda og
útflytjenda sjálfra, en studd af hinu
opinbera. Það er brýn og eðlileg
nauðsyn, að sá stuðningur verði veitt-
ur í verulegum mæli. Meðal annars
gerir aðild íslands að EFTA það sér-
staklega tímabært, að tryggja sem
bezt varanlega aðstöðu slíkrar mið-
stöðvar.
Frumvarpi þessu er ætlað að
mynda hinn nauðsynlega löggjafar-
ramma um starfsemi útflutningsmið-
stöðvarinnar, en gert er ráð fyrir, að
málum hennar verði nánar skipað í
stofnskrá, er samin verði á grund-
velli laganna og staðfest af ráðherra.
Hér á eftir verður vikið nánar að
hinum einstöku greinum frumvarps-
ins.
Athugasemdir við einstakar greinar
Um 1. gr.
Hér er fjallað um stofnendur út-
flutningsmiðstöðvarinnar, sem eru
tæmandi taldir í greininni. Gert er
ráð fyrir, að aðild þessara stofnenda
verði undirstaðan að starfsemi stofn-
unarinnar.
Um 2. gr.
Þarfnast ekki skýringa.
Um 3. gr.
Hér er fjallað um tilgang útflutn-
ingsmiðstöðvarinnar og verkefnum
hennar lýst að meginstefnu til, í sam-
ræmi við þau sjónarmið, sem greint
var frá hér að framan. Verkefnataln-
ing greinarinnar er ekki tæmandi.
Þess ber að geta, að við milli-
göngu um vörusölu samkv. 6. tölul.
mundi stofnunin ekki koma fram sem
beinn söluaðili, heldur sem tengilið-
ur milli ábyrgs seljanda og ábyrgs
kaupanda.
Um 4. gr.
Hér ræðir um stjórn stofnunarinn-
ar og skipulag, sbr. annars 6. gr.
Talið er rétt að skipa stjóm stofnun-
arinnar tiltölulega fáum fulltrúum,
er hafi sem beinastra hagsmuna að
gæta, og þannig stuðlað að mark-
vissri meðferð mála. Er stjórninni
ætlað æðsta vald í málefnum stofn-
unarinnar.
Um 5. gr.
Gert er ráð fyrir, að framlög stofn-
enda, þar á meðal ríkisins, beri í
upphafi meginhlutann af kostnaði
við rekstur útflutningsmiðstöðvar-
innar, en reynsla muni ráða, að hve
miklu leyti kostnaðinum verði mætt
með þjónustugjaldi úr hendi þeirra
aðila, sem leita fyrirgreiðslu hjá
stofnuninni. Einnig kæmi til greina
í framtíðinni að leggja útflutnings-
gjald á iðnaðarvörur með samþykki
framleiðenda, sem þá yrði látið renna
til rekstrar Útflutningsmiðstöðvar-
innar. Um fjárhæð ríkisframlagsins
eru ekki sett nánari ákvæði að svo
stöddu, en ljóst er, að það þarf að
ná til mjög verulegs hluta kostnaðar-
Framh. á 125. bls.
117
IÐNAÐARMÁL