Iðnaðarmál - 01.04.1971, Blaðsíða 24

Upplýsingar um Tækniskóla íslands
Bjarni Krístjánsson skólastjóri
Stofnun og hlutverk
Tækniskóli Islands var stoínaður
með lögum nr. 25 árið 1963 og tók
til starfa í október árið 1964.
Hlutverk skólans er samkvæmt
reglugerð að veita nemendum sínum
almenna og tæknilega menntun, er
geri þá hæfa til að takast sjálfstætt á
hendur tæknileg störf og ábyrgðar-
stöður í þágu atvinnuvega þjóðar-
innar. Höfuðáherzla skal lögð á að
kenna nemendum að beita fræðileg-
um lögmálum í raunhæfu starfi,
þjálfun til sjálfstæðra tæknifræði-
legra vinnubragða og hæfni til að
meta tæknivandamál frá hagrænu
sjónarmiði. Skólanum er ætlað að
veita þá menntun, sem krafizt er til
að menn hafi rétt til að kalla sig
tæknifræðinga.
Störf tæknifræðings
Störf tæknifræðings eru margvís-
leg. Helzt ber þar að nefna undir-
stöðuathuganir, útreikninga, áætlan-
ir, hönnun, hagræðingu, uppsetningu
véla og verksmiðja, kaup og sölu á
iðnvarningi, tæknilega umsjón og
stjórnun fyrirtækja.
Auk starfa í iðnaði gegna tækni-
fræðingar mikilvægum stöðum við
útvarp, sjónvarp, síma og hvers kon-
ar fjarskipti, vegagerð, virkjanir,
hafnargerðir, vatnsveitur, rafveitur,
rannsóknastofnanir og kennslu.
Lengd námsins
Tæknifræðinámið tekur fimm ár
og skiptist sem hér segir: Undirbún-
ingsdeild (1 ár), raungreinadeild (1
ár), fyrsti, annar og þriðji hluti (1
ár hver). Skólaárið hefst 1. okt. ár
hvert og stendur í 9 mánuði.
Almennt nóm og sérgreinir
Fyrstu tvö árin stunda nemendur
almennt nám í stærðfræði, eðlisfræði,
efnafræði, íslenzku, dönsku, ensku,
þýzku og menningarsögu. Að loknu
því námi er ætlazt til, að nemendur
liafi aflað sér menntunar í raungrein-
um (stærðfræði, eðlis- og efnafræði),
er stenzt í þeim greinum samanburð
við stúdentspróf úr stærðfræðideild
menntaskóla. Þá hefst hið eiginlega
tæknifræðinám í fyrsta hluta, og velja
nemendur einhverja af eftirtöldum
sérgreinum, sem kenndar eru við
skólann: Byggingatæknifræði, raf-
tæknifræði, rekstrartæknifræði, skipa-
tæknifræði eða véltæknifræði.
Nám í öðrum og þriðja hluta (2
ár) verða nemendur enn sem komið
er að sækja erlendis nema í hygg-
ingatæknifræði. Próf úr fyrsta hluta
Tækniskóla Islands er viðurkennt í
Danmörku og Noregi. Unnið er að
því að afla viðurkenningar víðar.
Próf og einkunnir
Próf í Tækniskóla íslands eru
haldin í janúar og júní ár hvert. Ein-
kunnir eru gefnar í heilum tölum frá
0—10. Til þess að standast vorpróf,
má engin einkunn í raungreinum vera
lægri en 3, meðaltal í raungreinum
ekki lægra en 6,0 (á janúarprófi 5,0)
og meðaltal allra einkunna ekki lægra
en 6,0 (á janúarprófi 5,0).
Þeir, sem óska að setjast í Tækni-
skóla íslands, þurfa að hafa hlotið
verklega þjálfun og bóklega mennt-
un sem hér segir:
I. Verkleg þjálfun:
a) Sveinspróf eða
b) próf frá viðurkenndum verk-
skóla eða
c) a. m. k. 24 mánaða þjálfun við
tækni-, iðnaðar- og verksmiðju-
störf á viðurkenndum vinnu-
stað.
Umsækjandi skal á virkan hátt
hafa kynnzt þeirri atvinnugrein, sem
svarar til þeirrar sérgreinar, er hann
hyggst leggj a stund á.
Þjálfunin skal í hverju tilviki
spanna alla höfuðþætti viðkomandi
atvinnugreinar og veita haldgóða
þekkingu á venjulegum vinnubrögð-
um.
í Danmörku eru starfsreynslukröf-
ur fyrir íslendinga fullkomið iðn-
nám, en í Noregi eru kröfur um
starfstíma svipaðar og hérlendis.
II. Bókleg menntun:
Rétt til setu í undirbúningsdeíld
hafa þeir, sem hafa staðizt:
a) Lokapróf frá iðnskóla eða
b) gagnfræðapróf eða
c) landspróf miðskóla eða
d) annað próf, sem a. m. k. jafn-
gildir einhverju af a-c.
Athygli skal vakin á, að þegar
í undirbúningsdeild eru margar
kennslubækur á dönsku og ensku,
enda gerir skólinn ráð fyrir, að ný-
nemar séu læsir á þau tungumál.
Rétt til setu í raungreinadeild og
fyrsta hluta hafa þeir, sem staðizt
hafa lokapróf næstu deildar á undan
eða hliðstætt próf. Máladeildarstúd-
ent er tækur í raungreinadeild og
stærðfræðideildarstúdent í fyrsta
hluta, enda hafi þeir hlotið tilskilda
verklega þjálfun.
118
IÐNAÐARMÁL