Frjáls verslun - 01.02.2007, Side 48

48 F R J Á L S V E R S L U N • 2 . T B L . 2 0 0 7
Andri Þór er fæddur í Reykjavík 24. september 1966. Hann er sonur hjónanna Ragnhildar Auðar Vil-hjálmsdóttur tækniteiknara og
Guðmundar Þórs Pálssonar arkitekts sem
er látinn. Hann er yngstur af fjórum syst-
kinum. Andri er í sambúð með Ragnheiði
Ragnarsdóttur sem starfar á upplýsinga- og
tæknisviði Kaupþings. Hann á tvö börn úr
fyrra hjónabandi sem heita Úlfur Þór sem
er 12 ára og Íris sem er 10 ára og fósturdótt-
urina Giovönnu sem er 11 ára.
„Foreldrar mínir fluttu í Fossvoginn þegar
ég var tveggja ára og ég ólst þar upp þar til ég
flutti að heiman um tvítugt. Við bjuggum í
Bjarmalandi og vorum með fyrstu íbúunum
í dalnum. Ég gekk í Fossvogsskóla en flutti
síðan yfir í Snælandsskóla í Kópavogi sem
þótti nokkuð óvenjulegt en það var styttra
þangað en í Réttarholtsskóla. Mér þótti mjög
gott að alast upp í Fossvoginum. Hverfið var
settlegt og huggulegt en þar var líka hell-
ingur af góðum krökkum og skemmtilegum
villingum inni á milli. Á þeim árum voru
stundum alræmd slagsmál á milli krakk-
anna í Kópavogi og í Fossvoginum en ég
reyndi alltaf að sneiða hjá þeim eftir fremsta
megni. Ég var í fótbolta eins og aðrir strákar
á mínum aldri. Ég æfði með Val um tíma
en komst aldrei lengra en í B og C liðin. Ég
áttaði mig því fljótlega á að ég var lélegur
leikmaður og hætti eftir að hafa brotið
þrenn gleraugu. Önnur áhugamál voru bara
hefðbundin eins og skíði og frímerki,“ segir
Andri.
Á fullu í félagslífinu
Eftir níunda bekk hóf Andri nám við hag-
fræðideild Verslunarskóla Íslands og útskri-
fast árið 1986 með fyrsta árganginum eftir
að skólinn var fluttur í Ofanleitið.
„Árin í Verslunarskólanum voru rosalega
skemmtileg og ég fékk strax brennandi áhuga
á félagsmálum, en þrátt fyrir að eyða stórum
hluta sólarhringsins í skólanum gerði ég flest
annað en að læra. Ég starfaði í listafélaginu,
var formaður vídeónefndar og bauð mig
fram sem forseta nemendafélagsins en tap-
aði. Ég skellti mér líka af miklum krafti út í
ræðumennsku og keppti meðal annars fyrir
hönd skólans í Morfís,“ segir Andri.
Að loknu námi í Verslunarskólanum
ætlaði Andri til náms í viðskiptafræði til
A N D R I Þ Ó R G U Ð M U N D S S O N Í N Æ R M Y N D
TEXTI: VILMUNDUR HANSEN
MYNDIR: GEIR ÓLAFSSON
Andri Þór Guðmundsson, forstjóri Ölgerðarinnar, keypti
ásamt Októ Einarssyni meirihlutann í Ölgerð Egils
Skallagrímssonar í byrjun ársins. Þeir eiga 70% í
fyrirtækinu á móti Kaupþingi. Ölgerðin er rótgróið
fyrirtæki með sterka stöðu á drykkjarmarkaði.
INDLAND GAF
MÉR NÝJA
SÝN Á LÍFIÐ