Frjáls verslun - 01.02.2007, Page 140

140 F R J Á L S V E R S L U N • 2 . T B L . 2 0 0 7
JEPPAR
HYUNDAI SANTA FE:
Önnur kynslóð
og enn betri
Önnur kynslóð af þessum myndarlega jepplingi frá Hyundai
kom í sölu á miðju síðasta sumri og þótti veruleg endurbót
á fyrstu kynslóð sem þó hafði kynnt sig vel. Santa Fe er
með sjálfvirkt aldrif með stöðugleikastýringu og spólvörn,
auk rafstýrðrar læsingar á fjórhjóladrifinu. Val er um 2,7 l V6
bensínvél eða 2,2 l dísilvél, sérlega sparneytna. 17 tommu
álfelgur eru staðalbúnaður og sérstakur „barnaspegill“, sem
auðveldar ökumanni að fylgjast með smáfólki í aftursætinu.
Santa Fe er með þeim stærri í flokki jepplinga og nýtur þess
í rými og þægindum. Hann er er fáanlegur 5 manna eða 7
manna og kostar frá kr. 3.740.000 upp í kr. 4.640.000.
TOYOTA LAND CRUISER:
Vinsæll bíll
og stöðutákn
Toyota Land Cruiser var fyrsti
japanski jeppinn sem seldur
var hér á landi. Síðan eru rúm
40 ár og enn er hann vinsæll
bíll og stöðutákn. Nú eru í
boði þrjár grunnútfærslur með
val um 4,0 bensínvél eða 3,0
dísilvél með forþjöppu, ýmist
með 6 gíra handskiptingu
eða 5 gíra sjálfskiptingu. Hann
hefur rafeindastýrða stöðugleikastýringu og spólvörn og í boði er
tölvustýrð loftfjöðrun. Hann er byggður á grind og hefur millikassa
með vali um hátt og lágt drif, auk mismunadrifslæsingar. Hann er
byggður á grind og með eina mestu vaðdýpt þeirra jeppa sem í boði
eru, 70 sm. Felgustærðin er 17 tommur. Verðið er frá kr. 4.720.000
upp í 6.120.000.