Frjáls verslun - 01.09.2008, Qupperneq 18

18 F R J Á L S V E R S L U N • 8 . T B L . 2 0 0 8
Kæru áskrifendur!
Frjáls verslun kemur út við óvenjulegar aðstæður að þessu sinni; í skugga heims-
kreppu sem reið yfir sem fellibylur og skekur nú efnahagslíf landsins. Vinnan við
listann yfir 300 stærstu fyrirtækin var á lokastigi þegar bankakreppan skall á og setti
vinnslu listans í uppnám þegar þrjú af stærstu fyrirtækjum landsins féllu og óvissa
varð um stöðu nokkurra annarra fyrirtækja ofarlega á listanum þar sem fall bank-
anna veikti bakland þeirra.
Í ljósi þessara óvenjulegu aðstæðna ákváðum við að gefa 300 stærstu út í hefð-
bundu broti blaðsins en ekki í bókarformi eins og síðustu sextán árin. Þar sem
vinnan síðustu metrana bar þess merki að íslenskt efnahagslíf væri að ganga í
gegnum verstu tíma í sögu lýðveldisins og tafir orðnar á vinnslu blaðsins ákváðum
við sameina 8. og 9. tölublað að þessu sinni – enda blaðið í stærra lagi.
Við teljum að þessi listi Frjálsrar verslunar yfir stærstu fyrirtæki landsins sé engu
að síður mjög sögulegur og að vitnað verði í hann um ókomin ár í íslenskri hagsögu
þegar rætt verður um útrás íslenskra fyrirtækja – ekki síst bankanna.
Það er því trú okkar að þetta eintak af Frjálsri verslun sé óvenjulega verðmæt
heimild um atvinnulífið í landinu og verði eftirsótt um ókomin ár. Fram kemur hvernig
efnahagslífið náði hæstu hæðum áður en hin harðvítuga bankakreppa skall á.
Ég bið ykkur lesendur góðir að virða þessa ákvörðun okkar að sleppa tignarlegri
útgáfu í bókarformi við þessar aðstæður.
Þið fáið því tvö blöð af Frjálsri verslun á næstu tveimur mánuðum og að sjálfsögðu
fáið þið fimmta tölublað ársins af Skýjum ókeypis að vanda.
Megi þjóðin og atvinnulífið vinna sig út úr þessum erfiðleikum með dugnaði,
bjartsýni og eldmóð að vopni.
Með baráttukveðju,
Jón G. Hauksson,
ritstjóri Frjálsrar verslunar.
300 stærstu
ekki í bók
að þessu sinni
STÆRSTU
FRJÁLS VERSLUN
8. tbl. 2008
300 STÆ
RSTU 2008
8. og 9. TBL. 2008 - VERÐ 949,- M/VSK - ISSN 1017-3544
Hér kemur sögulegur listi Frjálsrar verslunar sem vitnað verður í næstu áratugina. Listinn sýnir hvernig efnahagslífið náði hæstu hæðum áður en bankakreppan skall á.
300
SÖGULEGUR LISTI Í SKUGGA EFNAHAGSKREPPUNNAR:
FV0808X.indd 18 10/28/08 2:09:33 PM