Frjáls verslun - 01.09.2008, Blaðsíða 36

36 F R J Á L S V E R S L U N • 8 . T B L . 2 0 0 8
D A G B Ó K I N
Október 2008:
Krónan búin að vera
Eftir fall bankanna og krónunnar varð helsta
umræðan sú að krónan væri búin að vera sem
gjaldmiðill þjóðarinnar. Hún væri of lítil mynt og
nauðsynlegt væri fyrir þjóðina að komast inn í
stærra myntsamfélag á næstu þremur til fimm
árum til að hindra það í framtíðinni að krónan
fari aftur í slíka rússíbanaferð vegna gjaldeyris-
skorts. Það kostar of miklar fórnir og fyrirhöfnin
er of mikil til að halda krónunni úti; það stríð
gengur út á háa vexti, eilífa baráttu við geng-
isfellingar og verðbólgu. Þá viðheldur krónan
verðtryggingunni og hún stendur örugglega í vegi
fyrir því að erlendir fjárfestar komi með fjármagn
inn í landið. Hverfi krónan hverfur hún líka sem
stýritæki (gengisfellingar) til að slá á atvinnuleysi
og jafna hagsveiflur. Í stuttu máli: Evra eða króna
í framtíðinni? Evran merkir meiri stöðugleika en
hins vegar meira atvinnuleysi.
Október 2008:
Greiðsluþrot
þjóðarinnar
Þjóðin er ekki gjaldþrota en
hún á í greiðsluvandræðum.
Gjaldeyrismarkaðurinn hrundi
með öllu. Mikilvægt er að gjald-
eyrismálin nái jafnvægi á ný.
Líklegast var engin önnur leið en
að fá Alþjóðagjaldeyrissjóðinn að
borðinu. Til langs tíma þurfum við
Íslendingar að fá gjaldmiðil sem
við og aðrir getum treyst.
Október
Sögulegur dagur – aðstoð
Alþjóðagjaldeyrissjóðsins
Föstudagurinn 24. október var sögulegur.
Þá óskuðu Íslendingar formlega eftir aðstoð
Alþjóðagjaldeyrissjóðsins við að koma á efnahagslegum
stöðugleika á Íslandi.
Tvennt vinnst strax með þessu. Samstarfið er nauð-
synlegt til að byggja upp almennt traust annarra þjóða
á Íslandi og með láninu kemst vonandi á jafnvægi í
gjaldeyrismálum þjóðarinnar.
Alþjóðagjaldeyrissjóðurinn lánar að jafnvirði 2 millj-
arða Bandaríkjadala en reiknað er með að Ísland þurfi
á 6 milljarða Bandaríkjadala fjármögnun að halda á
næstu tveimur árum.
Gert er ráð fyrir að Norðurlandaþjóðirnar muni leggja
fram lánsfé á næstu árum.
FV0808X.indd 36 10/28/08 2:25:52 PM