Frjáls verslun - 01.10.2009, Blaðsíða 57

F R J Á L S V E R S L U N • 1 0 . T B L . 2 0 0 9 57
n æ r m y n d a F G u ð j ó n i m á G u ð j ó n s s y n i
OZ meira út á sköpunarferlið frekar en
að markaðssetja eina einstaka vöru. OZ
var allt frá upphafi mjög móttækilegt fyrir
nýjungum og þær runnu nánast sjálfkrafa
inn í ferlið,“ segir Guðjón.
samningur við ericsson
Stærsti samningur sem OZ gerði var við
Ericsson í Svíþjóð, í ársbyrjun 1999, og fólst
í að hanna hugbúnað sem er áþekkur því
sem Skype býður í dag. Guðjón segir að í
stað þess að gefa hugbúnaðinn hafi Ericsson
ákveðið að selja hann og fyrir vikið hafi hann
ekki verið jafnfarsæll og Skype.
„Árið 1995 fluttum við stóran hluta
fyrirtækisins til Silicon Valley í Kaliforníu
og vorum með einhverja tugi manna í vinnu
og ég bjó þar í þrjú ár þar til ég flutti aftur
heim 1998. Ég fann mig aldrei í Kaliforníu
og ameríski kúltúrinn höfðaði aldrei til mín
þó að viðskiptalífið gerði það. Íslendingar
eru mun hreinskilnari en Bandaríkjamenn
og það togaði alltaf í mig.“
Fall OZ
Þrátt fyrir að margir telji að OZ hafi orðið
gjaldþrota er sú ekki raunin en fyrirtækið var
selt til Nokia í október í fyrra. „Persónulega
tel ég að það hafi orðið OZ að falli þegar
við fórum að vanda okkur of mikið við
viðskiptamódelið og fara of mikið eftir
bókinni. Yfirleitt gekk allt vel þegar við
fórum ekki eftir bókinni og fórum okkar
eigin leiðir. Við vorum undir töluverðri
pressu frá fremur óþroskuðu viðskiptalífi að
sýna hagnað hratt og klikkuðum á því.
Eftir að Internet- og fjarskiptabólan
sprakk, 2002, lokaðist á allar fjárfestingar
og velta OZ féll úr tæpum milljarði í nokkra
tugi milljóna á skömmu tíma og fyrirtækið
lenti í miklum hremmingum og varð að
hálfgerðum bastarði. OZ var aldrei rekið á
lánum en byggði á fjármagni frá hluthöfum
sem ætluðu að taka slaginn með okkur og
fyrir vikið töpuðu margir, bæði fjölskyldan,
vinir og margt ungt fólk, á fjárfestingu í
fyrirtækinu. Því miður, þetta var mikið áfall
og mikil reiði sem fylgdi í kjölfarið þrátt
fyrir að ég fullyrði að aldrei hafi verið neinn
„monkey business“ í kringum reksturinn á
OZ.“
Guðjón hætti afskiptum af OZ
þegar Landsbanki Íslands tók við rekstri
fyrirtækisins árið 2002.
Hlustar mikið á raftónlist
Guðjón á níu ára gamlan son sem heitir
Jason Daði úr fyrra sambandi. Hann hefur
verið í sambúð með Önnu Ólafsdóttur
grunnskólakennara í rúmt ár en hún á tíu
ára gamla dóttur sem heitir Harpa Líf.
Eins og áður segir hefur Guðjón alltaf
haft áhuga á tónlist og spilar annað slagið
hluti. Hvort sem það stofnar CCP, fer að vinna hjá Google, stofnar
símafélög eða alls kyns sprotafyrirtæki.
Mér finnst magnaðast við Guðjón hvað hann hefur haldið
trúnni á það jákvæða í öllum, þrátt fyrir að hafa verið milli
tannanna á alls kyns hælbítum um langa hríð. Hann heldur
ótrauður áfram við að drífa áfram alls kyns verkefni og miðla
reynslu og hugmyndum til hægri og vinstri.
einn stjórnandi ericsson sagði mér á fundi í fyrra að honum
hefði alltaf fundist vera „business case“ í því að gera það sem
OZ var að gera, en fimm árum síðar. Það væri nær því að vera
rétt tímasetning. Þetta má vel yfirfæra á Guðjón, þó í seinni tíð
hafi hann farið nær því að framkvæma hugmyndir sínar á réttu
augnabliki en áður fyrr. Að því sögðu er ég ekki frá því að hann sé
geimvera.“
Grétar Hannesson, æskuvinur
„ef ég á að lýsa Guðjóni Má í nokkrum orðum
verð ég að segja að hann er einhver bjartsýn-
asti og frjóasti maður sem ég hef kynnst. Við
höfum verið vinir frá því við vorum sex ára og
hann hefur alltaf búið yfir einstakri hugmynda-
auðgi og getað séð hlutina frá öðrum sjón-
arhornum en maður er vanur. Hann sér alltaf
björtu hliðarnar, er einstaklega ráðagóður og
ekkert vandamál er of stórt til að ekki sé hægt að yfirvinna það.
Hann byrjaði mjög ungur að forrita og leika sér á Sinclair-tölvu
sem hann átti. ég hafði bara áhuga á að leika mér í tölvuleikjum
í tölvunni en hann hafði mun meiri áhuga á að búa til leiki og
forrit. Þegar á unglingsaldurinn kom fékk Guðjón mikinn áhuga
á tónlist og náði að tengja áhuga sinn á tölvum og tónlist. Hann
var mjög öflugur að semja tónlist á tölvur og hljómborð og búa til
raftónlist undir miklum áhrifum frá depeche Mode. Guðjón stofn-
aði hljómsveit með nokkrum vinum okkar og ég man að þegar
við vorum að rigga upp alls kyns tölvubúnaði og hljómborðunum
í tónabæ á Músíktilraunum, þá bentu hljóðmennirnir okkur á að
tölvunámskeiðið væri í kjallaranum og fannst það mjög fyndið að
menn væru að nota tölvur í að búa til tónlist.
Hugmyndaauðgi og tilhneiging til að hugsa stórt er mikilvægur
hluti af hans karakter. Þessir eiginlegar hafa alltaf búið í Guðjóni.
ég man til dæmis eftir því að þegar við vorum 11-12 ára, á þeim
tíma sem krakkar gera símaat og svoleiðis, þá tók Guðjón listina
að gera símaat á hærra plan. Það var tengibox frá símanum í
kjallaranum í húsinu hjá foreldrum hans. Guðjón var náttúrulega
sífiktandi og komst í boxið og sá að í því voru símatenglar
fyrir allt hverfið. Þetta veitti Guðjóni náttúrlega margar góðar
hugmyndir og næstu daga voru menn einstaklega stórtækir í
símaötum og var gert at hjá nánast öllum í hverfinu. Þetta stóð
yfir í nokkra daga, eða alveg fram að því að mjög þungbrýndir
menn frá Símanum komu í heimsókn til foreldra Guðjóns, sem
voru náttúrlega grunlaus, og innsigluðu boxið í framhaldinu og
læstu því.“